Dingtea Sailo

*MARANATHA* *_Matthaia 24:7  Hnam hrang leh hnam hrang an indo vng a, ram hrang leh ram hrang an indo vang a; hmun hrang hrangah tamte a tla ang a, lirte a nghing ang._* Kan tunlai boruak thlir hian Lalpa lo kal lehna hi a hla tawh lo hle a ni tih hi a hriat theih mai âwm e. A chunga kan Pathian thu tarlan aṭang khian chiang takin kan sawi theiah ngai ang. Zawlnei nih kher a ngai lova, Pathian thua innghat tan chuan a lo kal leh dawna thil thleng tur hrang hrang khi ngaihtuahin a lo kal ṭêp tawh a ni ti ila a sual lovang. A hun leh ni thu erawh tumahin, Pa chauh lo chuan, an hre lo. Nimahsela, _warning_ min pe a, a lo kal leh dawnah chuan *"Indo thu leh indo thu thang in hria ang... Hnam hrang leh hnam hrang an indo vang a, ram hrang leh ram hrang an indo vang a; hmun hrang hrangah tamte a tla ang a, lirte a nghing ang,"* tiin. Hei hi a takin kan tawng chho mêk a ni. Tuna India leh China inkâra indo thu thang te, ram dang dang inkâra indo thu thang te, tin, tuna kan ...

*I lungngaih aw maha lei a nghin chuan, i ropuina nen i lo kal hun chuan lei leh vân rêngin an dâwl zo lo'ng che.* Tunlai chu hri ṭha lo leh indo thuthang bâkah lir a nghing ngun malh malh viau mai. Tun thla (June, 2020) chhung hian vawi li vel a nghing ta. Tukin (22. 6. 2020)-a a nghing phei kha chuan kan awmnaah chuan a na khawp mai. Hêng thawm leh thil hrang hrang hi kan Lal Isua khân *'nau vei ṭan tirhna'* tiin a sawi a. Tawpna hun a la ni lo a ti. Hei mah mah warning ang chauh a nih chuan a lo kal tak tak hun chu engti ang tak ni ang maw? Haider chi rual a ni lo'ng e. Kan beisei ai hian a rapthlâkin ka ring. Tute tan pawh a hlauhawm ang a. Ringtute tan pawh râpawm tak a ni ang. Mitkhapkâr lovah tihdanglam kan ni dawn a, tihdanglamte tan lo chuan tawrh ngaihna awm lo khawpa râpthlâk a ni ang. Minute pawh tling lo chhûng lek lir a nghing pawhin kan mangang chhe dêr a ni a, a ropuina zawng zawng nena a inthuam a, khawvêl a rawn rah hunah chuan eng ang takin n...

*Engkimin a thupek an awih ṭhin* Thli tleh leh tuifawn nasa tak te chuan Isua thu an awih a. Isua'n bâng tura thu a pek chu an hnial thei lo.  Isua'n damna thu a puanin a hlawhchham ve ngai lo. A ṭawngkam khat chauh pawh damna a ni a, a puan hmawr mai mai deh pawh damna a tling. Ramhuai zawl ten ngai an awh leh a, mi kawchhung ata chhuah thu a pek chuan an awm lui ngam reng reng lo.  Isua thu thlenna hmunah chuan thiltihtheihna a thleng ṭhin. Natna ten a thu an awih a, ramhuai ten an hlau a, thli tleh leh tuifawn lam pawhin a thu an awih.  Leilung chanchin zir mite chuan India ram chhak lam chu seismic zone V ah min dahin very high risk zone-ah kan awm mêk tih an sawi kan hria a. Hei hi a zira zirte sawi ngei a nih avangin awih pawh a awihawm khawp mai.  Nimahsela, Ninevi hrem tur thu puantirtu Pathian khân Lalpa lama an inlamlêt a, Lalpa an han auh tak tak kha chuan a thu a sût leh chiang hle. A mite hrem an nihna tur tam tak lakah a thu a ...

*Lalpa fak leh chawimawi* *_Sam 34:1-3 "Englai pawhin LALPA chu ka fak ang a: Amah fakna chu ka kaah a chhuak fo vang._* *_Ka nunna hian LALPA chu a chhuang ang a:_* *_Thuhnuairawlhte chuan chu chu an hria ang a,a n lawm ang._* *_Aw, LALPA chu mi fakpui ula, A hming chu i chawimawi tlâng ang u."_* Lalpa fak leh chawimawi hi chi hrang hrangin tih theih a ni a. Zai te, lâm leh rimawi te mai bâkah thil dang tam tak a awm ang chu. Tam tak chuan Biak In te, Kohhran leh a pawl huam chhung chauh hi Lalpa fak leh chawimawina hmun tur emaw kan ti ṭhin niin a lang a. Sunday-ah, Biak Inah nalh taka Lalpa hmaa inlan a, amah fak leh chawimawi hi kan tihtheih awm chhun niin kan ngai ṭhin. Lalpa kan faka kan chawimawina hmun tur chu a ni ngei mai. Mahse he hmuna kan tawp fel em em zel leh kan thawhṭan, thawhleh, nilài nîtea kan nuna Lalpa a tel ta lo ṭhin hi a pawi lai ber chu a ni. Heti anga sunday leu Biak in chauhva Lalpa fak leh chawimawi tur emaw tia ngaitu tân chuan kan tun...

*Tlawmna hi kan chakna* Joba chanchin kan hria a. Pathian ṭih mi, mi dik leh mi ngil, mi famkim, thil ṭha lo laka insûm thei mi a nihzia kan hmu a. Pathian remtihnaa setana'n a khawih chhiat pawha Pathian fak tlat, sawichhe duh miah lo a ni. Nimahsela, Pathian hnenah a vui thu a thlen ve nasa hle a, khawvêla a lo piang ve pawh kha pawi a tiin a pianni kha an chhia a lawh hial a nih kha. A ṭhiante rawn kal chuan Pathian pawi khawihah ngaiin a dik lohna Lalpa hnena puang a, ngaihdam dil mai turin an ti a. Nimahsela, ani chuan a dikzia leh pawi a khawih lohzia sawiin a lo ṭang tlat a. Pathian lakah pawh dik a intiin ama thiam loh ni lovin Lalpa zawk niin a ngai tlat mai. A sawi chhe lo naa, a vui ve hle a ni. A dikna, a thiamna, a felna kha Lalpa hmaah chhuan tur nei vein a inhre tlat a, Lalpa laka a dikna leh felna chuan Lalpa pawh a chhuahchhalh tir ngam tlat a ni. Lalpa rorelna chu dik tawk lo leh fel tawk lovah hial a ngaihtir a ni. Nimahsela, Lalpa'n ṭhawngaleivir ...

*The Khualzin* _Hebrai 11:13-16_ Mizote sap sipaia an ṭan lai pawh khan an lung a leng lutuk a. "La cham leh ula London kan fanpui ang che u," an ti a ni awm e. Mahse anni chuan "London ai chuan kan sumhmuna arbawm chhia pawh kan hmu châk tawh zawk" an ti a ni awm e. A ni lah tak a, "mi ramah zawng lunglên a nâ e, lâm ang lo lêt ka nuam e..." te pawh kan tih vawng vawng ṭhin kha maw. Khual khuaah kan zinin kan kal ṭhin a. Chu khuaah chuan tlângnêl viauin mahni khua ang tluk hiala kan ngaih leh kan zin tamna, kan khawsak tamna mah nise mahni khaw ngaih leh ngainat, hmangaih hi chu a nâ a ni. Mahni khua ang takin kan tlângnêl tawk zo lo fo rêng a. A tawpa haw kan duhna chu 'kan khuaah ngei' tho a ni zel a ni. Khawvêl hi kan khualzinna ram a ni a. Haw lehna tur ram kan nei a ni. He kan kum hlun lohna tur ramah hian châm hlen tur ang zia zâng hian kan khawsa ta ṭhin a. Mi neih ang neih ve loh hlauvin kan rinna hial pawh thâp ṭhak ten kan han c...

*BIBLE LEH MIZO KRISTIANTE* Mizo Kristiante hi Bible ngaina leh ngaisang tak kan ni a. A hi a hlu em lah tak a. Kan thurin innghahna leh kan Pathian thu ziahna a nih avangin a hlu a ni. Chutih rualin Bible (lehkhabu) kan ngaihsan dan hi a pawimawh lai tak ṭhelh zawngin a ni deuh ṭhin em aw tih a ngaihtuah theih. A bu hi ka  hlut hlur a, in tinah kan kawl a. Tihhmelhem kan hlau em em a, lukhama hman te, ke nghah chhana hman te leh eng eng emaw nana hman hi kan remti hauh lo va, kan duh lo hle ṭhin. Bible hal an awm phei chuan ramhuai hmuhin kan hmu ṭhin hialin a hriat. Chhiar chhuak nih pawh kan inngaihlu a, nuam kan ti a, a chhiar chhuakte pawh kan fak hle ṭhin. A ziaha ziak chhuakte ngei phei chu kan dah sâng ṭhin hle nghe nghe a nih hi. Khing khi a ṭha lo ve ka ti lo. Kan theihtawpin kan uluk tur a ni. Chutihrual chuan a bu ringawt ngaipawimawh leh ngai hlu a, a chhung thu zawm tum si lo kan nih erawh a hlauhawm viauin ka hria. A pawimawh tak tak zawk chu a chhunga thu...

*Ka damna aiin Lalpa damna a pawimawh zawk* *_Matthaia 26:53 "Tûnah pawh vântirhkoh sângruk hmun sâwm leh hmun hnih aia tam zâwk mi rawn tirhsak tûrin ka Pa hnênah ngên thei lovin mi ring em ni le?"_* Vawiin chu ka rilruah a awm tlat mai. Testimony thar ka nei ka ti mai a. Mi tâna nêp tak ni mah se, ka tan erawh hlu tak a ni thung si. COVID-19 avangin khawvêl a buai a, kan ram pawh a buaiin nunphung pangngaiin kan nung thei rih lo a nih hi. Keini pawh Kohhran enkawl tur leh thlarau chaw tak pêa tisa lam thlenga mamawhtute tana awm tur kan nih laiin duh anga awm hleih theih a ni lo va, mahni bial ngei pawh fang thei lo leh kan lawina tualchhung kohhran ngei pawh tlawh kual hlei thei lovin kan awm a. *Berampu* hming pu siin beramte hnaihah kan awm hlei thei si lova, a hrehawm hle mai. Hetih lai hian rilru hi kawng hnihin a kal ve a. Pakhatah chuan 'memberte hian hetiang hun harsaah hian min beisei viauin an ina kala ṭawngṭai leh ṭul dangte pea tlawh kual turin min ...

*I thu hian min thlamuan ṭhin,* *I aw hian min tichak ṭhin.* Hla siamtu chuan "Ni tinin i aw hriat fo ka duh ṭhin, ni tinin i hmel hmuh fo ka duh ṭhin," tiin a lo sawi a. Ni, Pathian aw hre ṭhinte hi chuan hriat nawn fo an duh ṭhin a, an nunah thlamuanna mak tak a thleng ṭhin. Khawvêl buai tak kârah hian chanchin tam tak a awm a. Kan chanchin hriat tam zawk chu buaina a ni a. Covid-19 hian kan chanchin thar zawng zawng a luah tih theih deuh thaw a ni a, kiam lam a pan lo va, a vei an pung zel zawk a. Inkài a awl zia te, kái an hmuh mai bâka a kái rèng si, an kái tih hriat loh tam tak an awm tihte a ni leh zel bawk si a. Chûng chanchin chuan kan khawvêl a luah a, kan hriat tam leh kan thla a phang ni maiin a lang. Hemi hri lêng piah lam hrim hrimah pawh hian economic crisis hmachhawn mai thei kan nihna te hian min la tithlaphang em em a, a hre tam apiang an mangang a ni mai awm a. Kan Pathian thu hian a lo sawi dik zet mai. Thuhriltu 1:18-ah chuan,  *_"Finna a nas...

*BKHP Day chibai ule.* *Lalpa chu ring la, thil ṭha ti rawh;* *He ramah hian awm la, rinawmna ùm zêl rawh.* Sam 37:3 Vawiin BKHP day vawi 82-na a ni a, thupui atan "Rinawmna" tih hman a ni. Kum dang anga hman theih ni lo mahse he ní leh he thupui hian kan nun luah se la a va ṭha êm. Kum dang ang chu nise vawiin angah hian Mizorama BKHP memberte chuan mahni Unit-ah ṭheuh he nî hi làwmin hun hlimawm tak kan hmang ngei hlawmin ka ring a. Nimahsela kan hun leh nunah kan thu lohzia a lang chiang hle a ni. Tukina ka rilrua thu lo awm chu "Amah avangin kan nung, kan che, kan awm a ni si a," tia Tirhkoh Paula ṭawngkam kha a ni. Kum tin danah neiin he ni hi BKHP te chuan kan hmang ṭhin a nih kha. Kuminah pawh Unit tam takin ruahmanna siam lâwkin he ni hman dan tur an lo ruahman ngei ang a, nimahsela, kan thu lohzia a lang chiang hle. Lalpa avanga nung ve chauh, Amah avanga he khawvêlah hian lo awma lo piang ve chauh, Amah avâng vêka che thei leh thil ti ve ṭhin cha...

*Kristian Chhungkua* Kum tina kan hman ṭhin Kristian chhungkaw chawlhkar chu kan lo thleng leh ta a. Thuzir tur ṭha tak mai kan hotuten an rawn chhawp chhuak leh ta. Kohhran chhungkua engzatin nge zir thei ang aw? Zaninah a hmasa ber kan zir ṭan a, a ṭha hle mai. A la zir ve chiah lote pawhin nakzan aṭang chuan zir ve tum ila a ṭha hle ang. Zanin (11. 5. 2020)-a kan zir *Chhungkua* tih aṭang ringawt pawh khan thil pawimawh tak tak hriatreng tur kan neiin ka hria. Engpawh nise lo zir ve zel phawt mai teh u. Chhungkua hi khawtlang hmasa ber, zirna hmasa ber, rorelna hmasa ber a ni a. Kan nun chhoh dan engkim hi chhungkua aṭanga in ṭan a ni deuh ber a. Chhungkaw zia hi kan nunah a lang tam hle. Kan puitlin thlengin kan chhungkua ṭheuhva kan nungchang, kan ṭawngkam leh kan chetzia hi midangte nena kan chen honaah hian a lang a ni. *"An chhungkaw zia alawm"* tih ṭawngkam pawh kan hman fo hi. Hei hian chhungkaw pawimawhzia a tilang a ni. Chuti taka kan nun hruaitu a nih ...

*...thutiamtu chu a rinawm si a.* (Heb. 10:23) Tukin chu he thu tawite hian mi khawih tlat mai. Kan rinna kawngah hian harsatna tam tak kan tawk ṭhin a. Kan rinna hloh phahna tur khawpa harsatnate pawh kan tawk fo ṭhin. Nimahsela, kan hnena awm reng tiamtu Pathian hi a rinawm a, a thutiam a danglam ngai lo, a nghet fo ṭhin. A chângin ka lak ata hla taka awm angin ka hmuh theih piah lamah a lo awm ṭhin. Nimahsela, chûng chu ka tan fiahna a ni a, min fiah laia lang theia a awm kha a rem lo rêng a ni. Amah ka hnaih theih nan chak lovin min siam a, a rinawmzia erawh min hmuhtir leh ṭhin Thih lungngaihna min kalsan ta emaw tih tur a ni fo a, natna ka tawhin ka ṭawngṭai a chhang ve ta lo emaw ka ti ṭhin. Ka lungngaihna tam takah leh mangang taka ka kohna tam takah hian ka be tlang zo lo niin ka hre ṭhin. A reh vung vung , kei ka bîng chûk chûk thung ṭhin.  Ka nunna pawh hniam takah a awm ṭhin a, "khawiah nge i Pathian le?" tia Sam ziaktu an zâwt ang mai khân min zâwt fo ni...

*Hriat loh hlauh* Dawih deuh deuh, zana hlauh hre zet zet, an hlauh ber sawi tur alawi hre si lo hi an awm ve nuk nia. "Eng nge i hlauh?" tiin han zawt ila, "ka hre lo" tia min chhang hi an awm leh nulh zel. Mahni hlauh ber pawh hriat loh hi a awm theih ve dawn a lo nih hi. Ni, an hlauh ber kha hria se, an bulah a awm lo a ni, engtin mah a tidawn lo a ni tih hria se chuan an hlau lo ni mai tur. Kan hriat loh miau avang hian kan hlau ṭhin a lo ni. Hrechiang ila, a lo inven dan leh a hêl dante pawh kan hria ang a, a hlauhawm lo deuh thei mai thei asin. Ṭhenkhat chuan thawm eng emaw an hria a, an hlau a, mahse an thawm hriat kha fiahna awm se thil hotê a lo ni leh ṭhin. An hmuh sual thil tam tak an hlau a, an han fiah meuh chuan hlauhawm a lo ni leh si lo. Hmanah pawh kan khaw nu pakhatin thil dum rûn hi a hmu a, savawm emaw a ti a. A hlau lutuk, tihngaihna hre si lo chuan maimitchhingin a pawm thut mai a. Mahse vanneihthlak takin thing bul a lo ni hlauh. A lo h...

*Tlanchhe nun* Nizan ka mumangah kan lo tlanchhe hrep mai a. Min umtute lahin tawp mai ang ti duh bik hek lo. Zinga ka harh thlengin kan han inûm a nih kha. A tlanchhe zawk nih chuan hrehawm duh ang reng tak chu a ni. Tlanchhiat chhan hi dâwih zawk vâng emaw, thil tih dik loh vâng emaw a ni ṭhin a. A tlâwm zawk leh a chak lo zâwkte hi an tlanchhe fo mai. Chutihrual chuan a dik zawk, a chak zawk leh huai zawk te pawh a ṭul dan a zira tlanchhiat a ṭul châng a awm fo bawk. Chawngbawla bawl theih lohna dan angte pawh kha. Huai zâwk intih avanga tawngpawng bawh mai chi a ni vek lo ṭhin. Engpawh nise, *tlanchhe nun* neih hi a lo hahthlâk mang e. Thlamuang lo rêng rênga hun hman a ni dawn si a. *"Misual chu ûm lohvin an tlanchhia"* an ti ṭhin. A ni lah tak a, miin thil a tihsual chuan a tihsual kha an man ang tih hlau rêng rêngin hun a hmang a, mi hêl leh tlanchhe rêng rêngin a hun a hmang a ni. Nun hi a nuam tak tak thei lo. Adama leh Evi te pawh khân Pathian laka thil an ...

*Nakinah Isua hmel ka hmuh ve hun chuan,* *Hmangaihna dang zawng chu a dai tawh ang....* Khawvêla kan awm chhung hi chuan hmangaih bîk te kan nei ṭhin a. Chu inhmangaih bîkna avang chuan kan nunah midang an leng lo fo ṭhin a, thil dang a leng lo fo ṭhin. Inhmangaih tawnna te pawh hi sawi sawi ve ṭhin mah ila kan hmangaihte hmangaih bik hi chu a la awl ta fan a. Krista hmangaihnate pawh hi han sawi ve bawk ṭhin mah ila, a chanve pawh kan chang zo lo emaw tih tur a ni ṭhin. He hmangaihna dang avang hian Krista kan hmangaihna hi a full thei lo ṭhin a. Kan nupui fanaute hmangaihna te, kan bialnu/pa hmangaihna te, u leh nau, ṭhiante hmangaihna te  leh hmangaihna dang dang kan nei ṭhin a. A hun leh hmun a zir zelin kan hmangaih bîkna kan lantir ṭhin. He *hmangaihna dang* avang hian kan tih loh tur kan tih phah fova, eirukna te, uirèna te, itsîkna te, thîkna te, duhâmna te , duhsak bîk neia hleih neihna te, leh a dang tam tak kan tih phah ṭhin. Krista hmangaihna aia langsar zawk...

*Malsawmna danglam* Vawiin chu kan naute-in a  vawi thum nan vaccine a la a. A ṭap a, a khua te a sik a. Nausên mai a nih avangin ka lainat ngei mai. Hêng vaccine te hi nausên tan chuan a nâin an han chiu hian an ṭap vawn vawn zel a. Hmangaihtu tan chuan hmuh hrehawm tak a ni ṭhin. Tin, an khua a han sik a, hmangaihna leh khawngaihna nena en kan ni bawk a, hmuh an hrehawm ṭhin ngei mai.  Nimahsela, kha vaccine kha a nakin hun atan a ṭha dawn a. Natna chi hrang hrang lo do thei tura a taksa buatsaihna a nih avangin tunah hmangaihtu tan hmuh hrehawmin a tan nâ viau mahse, a khua hial tisik mahse kan tihtir lo thei lo a ni. A tun hun chauh ngaihtuahin khawngaih ta ila, nakinah natna hrang hrang lo thlengin a taksa hian a lo hmelhriat si loh chuan natna dotu a siam zung zung thei dawn si lova. A tan a ṭha dawn lo a ni. Chuvangin,tunah harsa mahse nakinah a tana ṭha zawk tur avangin kan laktir hram hram a ni. Hei hian kraws kawng min ngaihtuahtir a. "Tuarna pumpelh kawng zaw...

*Hrehawm mi tuarpui rawh* (II Tim. 2:3) Kumin ṬKP Ramthim ni thupui chu *"Hrehawm mi tuarpui rawh"* tih a ni a. Nizan lam aṭang khan ka rilruah a riak ve reng a. Ka han sawi ve hlek te'ng. Thupui hi Timothea hnena Paula'n ringtute chu sipai ang maia indo an nih thu te, indo laia awm mai mai a thiang lova, mahni lawmzawng lo zawn a thiang lova, sipai atana thlangtu tan mahni hrehna lamah pawh, a hlauhawm lamah pawh kal a ngaih ṭhin thu te, Phûr lo teh mahse sipai a nih avanga a kal a ngaih ṭhin zia te a hrilh a. Chutiang taka awm tura a fuihna chu a ni. A ni lah tak a, ringtu nun hi indona nun a ni a. Hmelma lam hian chawl miah lova min beih avangin ringtu tan chawlh dêr dêr a thiang lo va, mahni duh thua lo inlak zalên vak a theih loh. Indo lai kan nih avangin inring renga kan awm a ṭul ṭhin. A nuam reng lova, hrehawm tam tak paltlang tur a awm a ni. Sipai chuan indona huna a chet dan tur zirin training a nei ṭhin a. Training naah chuan thil harsa tak tak an ...

*Thlarau Thianghlim: Thutaka min hruaitu* _Johana 16:13_ *Nimahsela amah, Thlarau dik tak chu, a lo thlen hun chuan thutak zawng zawngah chuan a hruai lut ang che u: amaha phuahchawpin thu a sawi dawn si lo; thu a dawn apiang chu a hril zawk ang; thil lo thleng turte pawh a hriattir ang che u.* Kumin Pentecost thupui atana BCM in a thlan chu 'Thutaka min hruaitu Thlarau Thianghlim' tih a ni a. A ṭha hle mai. Mizote Kristiante'n Thlarau mi nia kan hriat tlanglawn berte chu hlim lawm lâm duh mi, thusawi thiam, Kohhran bêl leh ngaina mi, ṭawng hriat loh leh taksa chetna nena bei ve thei mai te hi an ni. Hêng hi an thlarau mi bîk riau hian kan hre ṭhin a. Kan ṭawngkau chhehah pawh hmanga "A rau hle mai" tia kan han hmehbel mai ṭhinte chu khi ti ang ho khi an ni fo mai. Khîng khi a dik lo ve ka tihna ni lovin kan hriatthiam dan hi a la zim viau mai a. Khiti ang pawh khian Thlarau Thianghlim chuan hna a thawk thei a, a thawk rêng bawk a ni. Nimahsela, Pathian T...

*Khawiah nge ka Kristianna tur chu?* Tunlai kan dinhmun kan hre ṭheuh va. Kan inkhawm theih loh chin a rei ta viau mai. A khawharthlâkin inkhawm thuai theih a châkawm tawh hle mai. Inkhawm leh Kohhran huang chhunga rawngbawl a, active tak maia han chêt leh theih hun a nghahhlelhawm mang e. Kan tunlai boruak hian Kohhrana inhman leh chet tlat hlutzia leh lo nawmzia a lang chiang hlein ka hria. Hetih mêk laia ka rilrua awm pakhat erawh chu hun zalêna Kristian taka rawng ka bawl a, Kohhrana ka tel ṭhinna nun leh thiltih kha tunah hian ka chhunzawm zel em tih hi a ni. Kohhran huang chhung leh Biak In chauh hi kan rawngbawlna hmun tur emaw ti tan chuan dâk fêna hman a awm tawh a, rawngbawlna a chawl ṭhuap ang a, Kristianna a lang thei lovang a, ka lo inkhawm ve ṭhin a, rawng ka lo bawl ve ṭhin a ni tih hi a lang thei miah lo vang le. Ka sawi ve fo ṭhin chu, *Kohhran leh Biak In hi ringtute inbuatsaihna leh intuaitharna hmun a ni a, chuta kan zir leh hriatte chu chumi piah lamah chu...

*Aw Kalvary Kraws, ka thuam famkim i ni.* Kalvary Kraws, ka Lalpa  thihna hi ka engkim, ka thuam famkim a lo ni. Ka sualna avanga Ka mualphona a nih rualin Isua, kraws-a a thihna kha ka tan mawina ropui ber a lo ni leh si. Sual laka Ka thihna a nih rualin Thlarauva ka nunna a lo ni leh bawk si. Mal leh khawhar taka ka awmna hmun a nih rual vêkin teh sen rual loh hlimna ka hmuhna hmun a ni leh si. Khawvel tehnaa teha ka retheihna a nih laiin van tehna chuan ka hausakna a ni lawi si a. Thil tithei miah lova min siam laiin ka chakna leh thiltihtheihna a ni ang lawi bawk si a. Sual laka ka zalênna a nih rualin ka châk zawng, sual ni si, ti thei lo tûra min phuartu a ni lawi bawk si a. He kraws hi kawkalh a nih ang tak hian a changtute nunah hian thil inkawkalh a nihna hi a va chiang leh zual em. *Kei chu kalvary kraws chauh ka thuam a ni.*