Dingtea Sailo

Vawiina ka lehkhabu chhiar, *"Ka zawh lamtluang"* tih Rev. H. Lengluta ziaha mi, Lal pakhat leh a fapa chanchin chuan min khawih thar hle mai. Lal pakhat a awm a, fapa pakhat, a ai la awhtu tur leh a roluahtu tur a nei a. Vanduaithlak takin an in bul tuichhunchhuahah a fapa chu a tla hlauh mai a. Lal chu ṭanpuitu tur zawngin a chhuak a, mi a va sawm a. Tichuan, an let leh a. Pakhat chuan hruizen chu tuichhunchhuah kamah lo chelhin pakhat chu a lut ve ta thung a. Tichuan, Lal fapa chu him takin an chhanchhuak ta a ni. Lal chu a lawm em em a, a fapa chhanchhuaktute chu lawmman pek a duh ta a. Tuin nge lawmman chu chang tam zawk ang? Tuichhunchhuaha lut khan nge tuichhunchhuah pawna lo awma a hnuk chhuaktu zawk khan? Lal thu tlukna chu "A inang rengin lawmman chu an chang ang" tih a ni. Helai ka chhiara ka rilrua rawn lang nghal chu, mi tu emaw missionary a ni a, thlarau bote a man a, tin, pastor leh evangelist te pawhin camp leh crusade hmangtea thlarau bo an...

Tirhkohte 21:13 *"...Lalpa Isua hming avang chuan Jerusalem khuaa phuar chang ka huam lova, thih pawh ka huam asin.”* Paula chu zawlnei Agaba'n entirna pein Jerusalema vuak a tuar tur thu a hrilh a. Ringtu dangte'n uiin kal lo turin duh hle mahse ani chuan Isua avang chuan phuar mai ni lo, thih hial pawh a huam thu a sawi thung. Kan nun nen ka tehkhin a, kan va inang lo tehlul em ka ti ṭhin. Keini tan chuan Paula anga Krista Isua hminga vuak tawrhna tur te, phuar nihna tur leh taksa thihna thleng pawhin tawrh tur a awm kher lo mai thei a ni. Nimahsela, kan ni tin nunah hian *Isua hminga* kan tawrh ve tur leh kan tih tur tam tak a awm ṭeuh a ni. Tunlaiah chuan zoram Kristian tam tak hian Isua avanga kan tih peih tawk chu inkhawm te, ṭawngṭai te, kohhran thiltihna kawng hrang hranga tel ṭhin te, lâm te leh adt a ni ta deuh mai. Hênga duh tawk Kristian hi kan tam ta hle mai a. A nuam china Isua hminga thilti ṭhin kan tam a, inkhawmna leh kohhran leh a pawl huang chhu...

[13/01, 1:48 pm] laldingnghetasailo: *Isua'n a hria* Jaira fanu tidam tura Isua a kal lai khan mipui tam takin an nêk huai huai a, an zui nasa em em a, a tu berin nge dek a, si a, nek pawh hriat loh khan mipui tam takin an zui a ni. Nimahsela, Isua'n "Tunge ka puante dek kha?" a ti ta tlat mai a. Tichuan zirtirte chuan mak ti takin an zawt a, "Mipuiin an nek huai huai che hi i hmu si a, ‘Tunge mi dek?’ engtiziaa ti nge i nih leh?" an ti a. Nimahsela, Isua'n amah nek huai huaitu mipui zingah khân dektu pakhat lek kha a hre bik tlat. Ni, khami ṭuma mipui tam tak karah khan Isua thiltihtheihna hria a, a tihdamna beisei a, thinlung tak taka dektu pakhat a awm a ni. Chu hmeichhe thi pût, kum sawm leh kum hnih lai mai thi pût tawh, doctor-a beidawng tawh, Isuaah chauh beisei nei tawh kha hmeichhia, chu a beiseina pawh tilang ṭha ngam lo, a ruktêa beisei, mahse a beiseina erawh lian hle si a, a puan hmawr chauh pawh dek se dam inbeisei khawpa Isua ring...

*Diabola dodal rawh u* (Pathian thu zawm rawh) Zu hi sual a ni lova, a hman sual theih. (Lo ngai kawi suh) Damdawi hi sual a ni lova, a hman sual theih. Sex hi sual a ni lova, a hman sual theih. Pathian thu hi thu tak a ni a, a hman sual theih. A hmangtu rilru leh a hman dan a zir zel a lo ni. Kan chhungte/ṭhiante emaw hnenah an natna/hliam avanga a chhawk nana zu kan pek chuan leh miin ruih tumna hrim hrim rilru pua a in chuan kan ngaih dan a dang daih. Sual leh sual lo kan thliarna chu kan rilru puthmang leh kan hman dan a nih mai hmel. Damdawi hi dam nana kan hman chuan sualah kan ngai miah lova, dam loh leh nawm loh deuh apiangin kan ei mai. Engah mah kan ngai lo. Mahse miin ruih nan hrim hrima a hman chuan sualah kan ngai thung. A damdawia kha a sual a ni chuang lo. A hmangtu kha a zir a ni mai. Sex hi Pathianin nupa nuna bet tlat tura a siam a ni a, nupa kara hman a nih chuan sualah kan ngai miah lo. A ni lo rêng bawk a. Mahse miin nupa kar ni lova a hman chuan l...

*The Moment of Truth* Tunlaia Mizo ṭhalaite zinga You Tube channel en hlawh ber chu *Khawlbawm* hi a ni awm e. A chhan pawh a video upload ṭhin, *The Moment of Truth* (Mizo version) vang hi a ni awm e. Hêng videos ah hian interview ang reng neiin zawhna chi hrang hrang chhan tur an zawt ṭhin a. Chutah chuan mimal thil tak tak, thurûk tam tak zawh chhuah a ni ṭhin. Yes or No hmanga chhan tur a ni a, zawhna zawh aṭanga ngaihtuahnaa kan chhan kha an ṭawngkaa an chhan nen a inmil em tih kha khawlin a lo check a ni ber mai. Ngaihtuahnaah chuan a dik tak kha ngaihtuah hmasak a ni tlangpui a, kan thuruk ber pawh a nihna tak hi kan ngaihtuahin kan mitthla fo ṭhin hi. Chutiang a nih avang chuan dik taka chhan zel a ngai a, chhan dik loh hlauh chuan pawisa dawn theih miah loh a ni. Zawhna tam tak chhang dik mahse a pakhat lek pawh a dik loh chuan a vaia chânna a ni. Thuruk puan chhuah a ngaih avangin nuin a pasal hriat loh tura a thuruk a puan a ngai fova, pain chutiang bawkin. An inr...

*Pathian hmangaih dân* Ka rilrua awm reng leh ka ngaihtuah fo ṭhin, min tiluhai a, min tibuai fo ṭhin chu *"Engtin nge Pathian hi ka hmangaih ang?"* tih hi a ni. Mihring kan inhmangaih dan ka ngaihtuah a, nula leh tlangval inhmangaihna te, nu leh pa leh naupang inhmangaihna te, a tam thei ang. Mihring inhmangaihna anga han teh hi chuan kan bialnu/bialpa, kan nupui/pasal, kan nu leh pa, kan fate kan hmangaih ang hi chuan Pathian hi hmangaih zo hian ka inhre tlat lo ṭhin a, a hrehawm ka ti ṭhin. Anni hi Pathian ai chuan ka hmangaih fein ka hre ṭhin a, ka rilrua anmahni  ka vei chanve pawh hian Pathian hi ka vei lo niin ka hre ṭhin. Thinlungin kan invei tlut tlut a, rilru an luah reng a, kan ngai em em a, thikthu a chhe em em ṭhin bawk. Nimahsela, Pathian hi chutiang taka vei a, rilrua ngaih veng vengna te hi a awm mawh em em a, vei rùnna te, leh mihringin inkara thleng ṭhin ang, hmangaihnain a ken tel tam tak hi Pathian ka hmangaihnaah hian telin ka hre tlat ṭhin lo. ...

*Ka thinlunga lawmna ri chu, ṭhatnain a par chhuak* Tukin kan inkhawma kan hlasak chuan eng emaw ti takin min khawih a. Kan sak fo mah nise kan sak lai chuan ka rilruah a nung tlat nia maw le. Ka nun min thlir nawntir a, ka hlasak mek hmang chuan ka tlin lohzia ka inhmu chiang kher mai. Chu hla chu *"Ka thinlunga lawmna ri chu ṭhatnain a pâr chhuak"* tih hi a ni. Ka sa fova, ka lâmpui fo bawk a. Ka lo tuipui hle ṭhin. Mahse ka nun teh nana ka hman meuh chuan lâmpui lam a lang lova, ka tlin lohzia min hmuhtirtu mai a ni. Ka thinlung lawma ka hriat lai, Lalpa pawla ka thinlunga lawmna awma ka inhriat fo ṭhin lai hian, chu Lalpaa ka lawmna chu ka nunah hian midangte tana ṭhatnain a pâr chhuak em tih hi ka ngaihtuahna luahtu a ni. Lalpa ka fak fo leh lâmtualah leh pulpit thleng pawha ka chawimawi lai hian, mite hian engtin nge min lo hmuh si ang tih hi ka ngaihtuah a, a zahthlak zawk hlein ka hria. Kohhrana inhmang leh tui taka Lalpa fak ṭhin, thinlunga lâwm âwm taka k...

Khawvel hian hlimna min pe lo tih hrereng chung hian khawvelah hlimna ka la beisei tang tang a. Natnate hi khawvel kan awm chhung chuan a bo lovang ti thin mah ila ka han tawh chuan ka complaint a, harsatna ka tawhin hringnun hi famkim lo a ni ti chungin afair lo ka ti leh si thin. Mahse heng zawng zawng ka tawh lai pawha beiseina thi ngai lo *hlimna hian min hnuchhawn mahsela, ka enna Krista ka tan a tawk e* tih hi a ni. Khawvelah i nunna khan hlutna nei tawh lovin i hria maw? Nun hlutna i hloh ta em ni? Nunna hi khawvel min pek a ni lova, Lalpa min pek a ni. A petu hian a uiloh leh a roh loh em avanga min pe a ni lova, ama tan vêk min pe a ni mai. Nun chhan tur ka hai avang hian nun hlutna hi kan theihnghilh fo thin. Khawvela kan beisei thilte hian min tibeidawng thin a, chu chuan nun hlutna min hmuh hmaih tir thin. I nun kha a hlu ta lo tihna a ni lo... A pek tur dik taka hnenah kan pek loh chuan thil reng reng hian hlutna a nei ngai lo. Vawk hmaah chuan lunghlu pawhin hlutna...

*Sual entirnan min pui turin Thlarau chauh a țangkai* Thlarau Thianghlim tellova sual inhriatna ringawt hi a lo tawklo hle mai. Mihringa sual kan intihvena hi chuan simna tura inchhirna tak tak hi a lo thlen hauh lo mai a. Chutih a hnekin *"ani pawhin a ti ve tho,"* *"kei chang ka ni lo,"* etc tiin mahni inthiamloh aiah midang kan puh tel hlauh țhin. *Thlarau tello sual inhriatna chuan mahni nun ni lovin midang nun min entir țhin.* Pentecost nîa Thlarau Thianghlim thleng kha chuan mite thinlungah an sual a hriattir a, mahni inhmuin, an sual chu chhun anga nain an hria a. An thinlung kha chemte zum taka vih ang vawng vawngin a na a ni. Chu natna chuan simna tura inchhirna a thlen thung a ni. Thlarau tellova  sual inhriatna chuan midang min hmuhtir, min thlir tir a, a negative zawng hlirin an nun min tehtir țhin. Thlarau tellova rawngbawlna chuan rawngbawlpuite nun min tehtir a, tehtling zo lovin mahni kan inthiam chawp a. Inthiamlo ru si, midang nun avanga ...

*Zion khawpui ka pan laiin,* *Suala hliamin ka lo tlu a;* *Nangmah lovin ka thla a ngam thei lo,* *Hmana ka lawmna ber Thlarau, min hruai leh rawh.* He hla hian ka ngaihtuahna a luah a, ka rilruin ka sa ka sa a. Ringtu nunah hian he hla hian thu a va sawi thui êm ka ti. Vanram kawng kan zawhnaah hian sual hian nasa takin min beiin min do ṭhin a. Sual hliam tuarin ka tlu leh ṭhin. Ringtu nun kawngah hian harsatna tam tak a awm ṭhin a, hneh theih loh chang ka ngah ṭhin. Mahnia ka beih hian ka chau ṭhin a. Thlarau Thianghlim tel lovin, ka mihring ṭhatna hian rawng te ka lo bawl a, hahthlak tak a ni ṭhin.Davida khan Saula thuam a inbel khan a kalpui hlei thei tlat lo. Lalpa hmanrua a ni lo tlat. Eng ang pawhin felin fing mah ila, eng anga hausa leh hmingthang pawh ni ila, Lalpa Thlarauva thuam kan nih loh chuan kal a lo har ṭhin em a ni. Lalpa rawngbawl a, vanram kawng kan panna ah hian Thlarauva thuam kan nih loh chuan sual hian min hliam fo ṭhin a, nung lo takin rawng kan baw...

*Lal Krista Thisen thianghlimah chuan,* *Bawlhhlawh ber pawh silfai kan ni;* *Chu thisena silfaite chuan,* *Khawpui thianghlim chu an lut ang.* Vawiina kan sermon ngaihthlak chuan min va hneh em. Israel fate kha Aigupta salah an tang a, Pathian hremna hrang hrang a tawh hnu pawha Pharoah khan a chhuahtir phal loh hnuah khan Fa tir tihhlum a ngai ta. Israel fate chu fa tir tihhlumna laka an him theih nan an kawngka biang tawn tawnah leh kawngka lu chungah beramno thisen tât tura tih an ni a. An tât ta ṭheuh va, fa tir tihhlumna lak ata an him phah ta a nih kha. In chhungah khan eng ang mi nge awm a, tunge a nih tih kha a pawimawh ber a ni ta lo. A pawimawh ber chu beramno thisen kha kawngka biang leh lu chungah tah a nih leh nih loh zawk kha a ni. Keini pawh eng ang mi nge kan nih tih leh tunge ka nih a, eng nge ka lo nih tawh ṭhin tih lam kha a pawimawh ber a ni lo. *Isua thisena chhinchhiah ka ni em?* tih hi a pawimawh ber chu a ni. *Kraws thisena silfai ka ni a,* *Ka...

*A tak Krista* Jacoba kha a pa Isaka leh a u Esaua a bum hnu khan a pu Labana hnenah a tlanbo ta kha a ni a. A pu hnenah a va inhlawh a. A pu fanu Rakili chu a va hmangaih ta bawk a. Mahse bum a va tawk ve ta tlat. Rakili hlawh nan hun eng emaw chen a hmang a, a hlawh theih hnu khan a pu hnenah chuan a va dil ta a. Mahse a pu chuan Rakili ni lovin a u zawk Leaii a lo pe ta daih mai a. Zan thim a nih avangin tunge a nih hre lovin a lo mutpui a, Rakili emaw tiin zankhuain nuam a lo chen pui ta a nih kha. Tichuan le, a tuka a han harh chuan Rakili emaw a tih kha Rakili aw zawng a lo ni lo. Leaii a lo ni. A tum loh zawk a hmuh chuan a lungawi lovin a thinrim hle a nih kha. Heti chinah hian rêk bung ang aw. Zir tur kan ngah tawh viau a nia. 👇 Hlimna leh lawmna, lungawina duh vek kan ni a. Mahse kan nei vek lo. Kan zawnna hmunin a zir loh phei chuan hlimna emaw tia kan tleipui viau thilte hi a hnua min tițaptu an ni leh fo țhin. Jacoba chuan a Rakili emaw tiin Leaii kha a lo ch...

*Inpêkna kimah lawm a kim ṭhin* Lalpa tana kan inpêk thûk poh leh amah avânga kan lawmna hi a thûk ṭhin. *"I rah chin apiang ka pe ang che,"* titu hian ka dai thui poh leh a rawn dai thui dawn tihna a lo ni. Lalpa tana inpe thûk lo, inpumpêk lo apiangin vuina tur leh phûnna tur an hre ṭhin. Lawm chunga rawngbawl harsa an ti ṭhin. Mihring inlaichinnaah pawh a nih hi. Kan hmangaihte kan tana an inpêk thuk poh leh an tana inpêk kan awlsam ṭhin. A ṭhen chauh inpêknaah hian lung a hnûr duh em em a ni. A vaia kan inpêknaah hian Lalpa a che a, kan lawm a kim zawk ṭhin. Thinlung chanve pêknaah Lalpa a lawm lova, thinlung tel lova inhlanna hi a ngaina lo. *"Min chhanchhuak dawn lo mahsela..."* tia inpêk pumhlumnaah hian Lalpa a che lo thei lo. Harsatna pumpelh zawng ringawta inpeknaah hian harsatna hneh avânga lawmna a awm ve thei lo. *Inpêkna kimah lawm a kim ṭhin.*

*Chhurbura leh a Aium Theology* Chhurbura khualzin kha a thlen inte khan Aium an lo hmehpui hlauh mai a. A lo la ei ngai lo ni chek tur a ni, tui a ti ta hle mai a. Haw ah siam ve ngei tum chuan a hming theihnghilh hlauvin a haw kawngah te chuan a chham ta reng mai a. Chutia a duh tak mai aium a ei thei chu a hlim hle mai. Aium hla sain a zai haw a ni ber e. Mahse le! A tawlh thlu ta tlat mai. Chutia a tawlh thlukna lamah chuan Aium hming chu a theihnghilh ta tlat. Tihbo neiin a inhre si, a tihbo ber a hre si lo. A bul vel a han hai țhin, a zawng kual a, a hmu thei si lo. A lungngai ta hle mai. A hlimna ber, a tui tih ber a tibo tlat a ni. Chutah pawih pakhat a rawn kal a, engnge tihbo a rawn zawt a. Ani'n a hre si lo. An rin zawn ta ngawt a. Chutah pawih pa chuan "Aium rim lah chu i nam ang vung vung a" a han ti chu a harh chhuak ta hlawl mai. "Awww, chu chu alawm ka zawn" tiin hlim takin a zai leh ta vak vak e an tia lawm😊. *Theological reflection* ...

*Tawrhna a ni ringtu nun chu* Kan rinna fiahna tur hian Lalpa hian harsatna kan nunah a dah fo ṭhin. Harsatna tawk lo rawngbawltu an awm lova, kal tluang pet pet nia kan hriat ringtu hi eng emaw hleka petek ṭhin an ni châwk. Keimahni mai hi chuan, mihring ve mai bawk kan nih avang hian, harsatna hi hneh a har ṭhin. Nimahsela, kan harsatnate aia lian zawk Pathian hi i bêl tlat ang u. Khawvêl mite hmuhah kan tling lo mai thei, nimahsela Lalpaah kan tling si. Davida pawh Goliatha bei tur chuan tute mahin an ring zo lova, midang rin chu sawi loh, a chhungte ngei pawhin an ring zo lova, kal lo turin an ti hial a nih kha. Mahse eng nge thleng chu kan hria. Mite min rin leh rin loh lam ani lova, mite min hmuh dan lam a ni lo. Lalpa hian engtin nge min hmuh tih lam hi a ni zawk. Davida chu Pathian bawm hmaah a lam a, a nupuiin a nuihzat a. Nimahsela, Davida chuan "i chhungte zawng zawng aia min thlangtu Pathian hmaah asin ka lam" a ti mai a ni. Keini hi chuan kan tlin ...

*Kan hloh hlêpah kan chhiar* Tukin chu ka harh veleh he thu hi ka rilru-ah a rawn awm nghal hlawl mai. Hman ni deuh khan Kohhran leh pawl hrang hrang Treasurer-te Account audit kan nei a. Chuta ṭanga ka rilrua lo awm chu *kan income hi tute emaw expenditure a ni a, kan exenditure hi tute emaw income a ni* tih hi a ni. Dawr-ah kan han kal a, thil kan lei a, kan leina kha kan expenditure a ni a, dawr neitute tan chuan income a ni. Mi hnenah kan inhlawh emaw, sum kan tuak a, pawisa kan dawng a. Kan income a ni a, kan inhlawhna te emaw kan sum tuakna te tan chuan expenditure a ni. Ringtu nunah pawh hian a lo ni chiah a, Krista rawng kan bawlnaah hian *a hming avanga kan chân/hloh hi van lam hlêpna a lo ni fo va, van lam hlohna (Isua Krista meuh khawvêla a rawn inpêknaah hian) hi kan hlêp a lo ni thung ang hian.* Tin, John Calvin chuan "Krista avangin engkim ka kalsan a, Krista avang vek in engkim ka nei let leh," a lo ti a. Krista avanga i chân/hloh kha a thlawnin a li...

*Thing kraws chungah chuan a tlawm e kan hmelma* He hla hi kan hre furin ka ring a, hnehna hla a ni a, a ṭha hle a ni. Tam tak erawh chuan a hla thu lam ngaihtuah map lovin kan suk pui dual dual a, kan sain kan zawm dual dual ringawt a. Hlimhlawp hla emaw ti niawm takin kan sarakpui vel ṭhin niin a lang. A hla thu hi a ṭha em em a, *Lal Isua thisen zara ringtute hnehna hlado* ni berin ka hria. Heti hian ka rilruah a awm a -  *Thing kraws chungah chuan a tlawm e kan hmelma* kan han ti a. Ni, he thing kraws hi Lal Isua an khenbehna sawina a nih avangin kan hmelma ber setana chu tihtlawm a ni. Kraws hnehna avang khan setana hi tihtlawmin a awm ngei alawm. Nimahsela, he hnehna hi Isua Krista, kraws-a a thihna ṭawmpuitute chauhvin an chang thung. Chu thihna ṭawmpuitute chuan *thing kraws chungah chauh lo, ni tina a nunah a hmelma chu a hneh ṭhin.* Kraws-a Isua hnehna hi ka hnehna a nih theihna tur chuan a thihna ṭawmpui a ngai a, Paul-a ang a *Khawvêl hi ka tan khenbehin a ...

*Tlai ngai lo Pathian* Abrahama'n Isaka a hlan dawn khan Pathian kha a tlai teuh hlein a lang a, Isaka hlan tura a vihhlum dâwn lai tak khân Pathian aw a hria a, Pathian a rawn che ta a nih kha. A tlai teuh ther ther hle mai. Amah Pu Tluangtea dan takah Pathian kha dangawk hlauh se chuan "Ab Ab Ab..." tih chhung khan Abrahama khan Isaka kha a lo vithlum hman hial mai thei a ni. Mahse Pathian hi kan chhiatna tur khawpa haihawt, dangawk, tladah a ni lo. Pathian haihawt tak te hi a ni ang tih a va hlauhawm em. Mahse, Pathian hi a tlai ngai lova, mihringin tlaia kan ngaih fo pawh hian Lalpa hi a hun ruatah a che ṭhin a, kan nghahhlelh vang mai mai a ni. Kan hmangaihte hmu turin nghah chhung a rei kan ti ṭhin a, kan nghah chen tho kha keimahni min hremna tur atan hun awm se reilo kan ti hle ang. Kan nghahhlelh dan a zir mai mai a lo ni. Lazara pawh thlana ni li a awm hnuah chauh kaihthawh a ni a. Mihring danah chuan a tlai lutuk, a uih tawh ang tihtur a ni. Mahse Pa...

*Châk kha a tawk* Ka rilrua a'n luh thut chu le. Kan ṭhiante nen kan inkawmnaa kan titi lai chuan he thu hi ka rilruah a rawn lang zawk a. Khawvêlah hian ringtute hian duh zâwng, ît zâwng, châk zâwng hi kan ngah ve si a. Khawvêl mite chuan an duhtawkin khawvêl an chên a, an châk zawng apiang an ti a, an duh zâwng apiang an nei a, an ît zâwng apiang neih an tum ṭhin. Nimahsela, keini ringtute hi chuan min khaptu, kan nuna keini aia thunei zawktu hi kan neih tlat avangin ka châk zâwng apiang ka tih a rem lo va, min neitu Krista'n a phal loh chinah chuan *"Châk kha a tawk,"* min tihsak ṭhin a. Kan duh zâwng apiang kan tih a rem lo va; min neitu'n *"Duh kha a tawk,"* min tihsak a. Kan ît zâwng apiang kan ûm a, kan neih a rem tawh lo va, min neitu'n *"Ît kha a tawk,"* min tihsak fo ṭhin. Khawvêla kan awm chhung chuan hêng awhna te, îtna te, duhna te, châkna te hi mihring kan nih chhung chuan kan nun aṭang hian a reh dawn lo. Sum tam tak...

*Amen* Thu pakhat ṭha ka tih deuh ka like paha *Amen* tih comment ka ziah tel zeuh lai chuan he *Amen* ka tih fo hi eng chiah nge aw tih ka ngaihtuahnaah a lo lut a. Mi tam tak hian a awmzia hrechiang lo hian *Amen* hi kan pe fo awm e ka ti. *Amen* tih hi Hebrai ṭawnga *'Ni rawh se, chutiang chu a ni, a dik e'* tihna a ni. Mi thu ziakah emaw mi thusawiah emaw 'Amen' kan pek hian an thusawi kha kan thlawp a, a dik kan ti a ni tih kan entir a ni. Thu ṭha deuh miin an sawi a Amen lo pek emaw lo comment emaw hi chu a tih theih mai a, mahse a har ber zawk chu nun hmanga Amen pek hi a ni. Ringtu nun hi a nuam lam vek a ni lova, Israel fate, tuipui sen an kân hlima an lawm ang reng a an hlimin an lawm zui thei lo ang khan pianthar hlim emaw Lalpaa kan lawm lai ang rengin ringtu nun hi a zawh tawp theih loh. Kraws kawng a nih miau avangin a kawngah hian harsatna tam tak a awm a. Lal Isua'n Kraws kawng a zawh khan hmuhsitna, diriamna, endawngna leh tihduhdahna t...

*Warranty* Company hrang hrangte'n an thilsiamte a ṭhat leh a tlo zia fiah nan leh belhchian an dawl a ni tih fiah nan 'warranty' an pe ṭhin. An thilsiam a zirin a rei zawng chu an bithliah mai a, card-te siamin warranty huam chhunga hmelhemna a awm chuan company mawhphurhna a ni a, a ṭul chuan thlaksak emaw, siamṭhatsak emaw chu company tihtur a ni. Mahse heng company-te warranty pek hian an daih rei tak tak chuang ṭhin lo. Ka ngaihtuah a..... eng company mah hian *life warranty* hi zu pe thei miah lova. Doctor-te pawh hian an damdawiina nau neite chu an thi thei lovang tih warranty hi an la pe thei miah lo. Eng motor company mah hian an motor siamchhuah hmanga accident-a thih theih a ni lo tih warranty hi an la pe lo reng reng a. Eng damdawi siamtu mah hian an damdawi chuan chatuan nunna a pe ang tih an la sawi lo. Khawvel company hian *life warranty hi a lo pe thei miah lo mai.* Mahse kan Bible kal tlang chuan Pathianin life warranty min pek kan hmu thung a. Chu n...

*Thlarau Thianghlim - Ringtute ralthuam* Têt lai/naupan lai khân kan indo lem/ in ṭheng ṭheng ṭhin a. Silai lem kan hmang a, kan in kâp ṭhin a. Kan kâ hmangin silai kah ri kan siam a, kan han inkâp tak tak chu kan tlu ve phak phak zel a, kan let ve tawp tawp zel ṭhin a nih kha. Nimahsela, silai tak ni lo na na na, a mu awm lo na na na chu kan tho leh mai a. Kan tlan leh zuai zuai ṭhin. Indona tak takah khatiang khan kal ta ila, khâng silai lem hmang khan va do ve ta ila, tumah kan that lovang a, kan hneh ngai lovang. Keimahni kan thi zawk hial ang. Ringtu nun chu indona a ni a, sual sipai nen ni tin kan indo ṭhin. Tam tak chuan naupan laia kan indolem ṭhin ang mai khan ralthuam lem tak tak kan hmang a, thirkawr lem kan ha a, hmanraw lem hlir kan hmangin kan inbel a. Indona mualah kan tlawm leh nge nge ṭhin. Biak Inah theihtawpa ṭhain kan inkhawm a, theihtawpa active-in Kohhranah kan che tla a, chûng chu ralthuam atan kan hmang ṭhin a. Mi beihnan kan hmang ṭhin a. A inhmang...

*Hmeichhia leh Uitê* "A chul nel peih peih zûnah an uai ṭhin" an ti em ni kha? Hmeichhia hian an duh loh em em ṭhinte pawh duh taka an pawm leh theih chhan chu mipa khan a kawm nel a, a be peih a, a ngaihsak ṭhin em avang leh atan englai pawha a inhuam leh a awm reng ṭhin vang a ni fo. Uitê pawh hian a mi hriat loh leh hmuh khât deuh chu a ngurin a bauh mai ṭhin. Mahse an inhmuh ngun a an inchul nêl hnu chuan a bauh ngai tawh lo va, seh tumin a ngur ngai tawh hek lo. A hmuh apiangin mei vai lap lapin a lo lawm zawk ṭhin. *Thlarau Thianghlim hi a chul nêl peih peih zûnah a uai ṭhin* ti ve ta ila a àwm lo lêm lovang chu maw. Thlarau thianghlim hi a tih vui theih a, a tihlungngaih theih a ni tih Bible-in min hrilh a, chutiang bawk chuan kawm nêl a, chùl nèl theih a ni. I kawm khát viau a nih chuan ani pawhin a tlawh khát viau mai thei che a ni. Thlarau Thianghlim tlawh pawh zen zen loh Kristian hi a nih theih a nia. Lo be tam la, lo kawm tam ang che. Ṭawngṭaina leh ...

Good morning.... Tukin ka zing țawngțai inkhawma ka țawngțai lai chuan Thlarau Thianghlim (Pathian) chu *Nu* ang maiin min ngaih tir a nih chu mawle.... Nute'n fate an mutdawn a, duat tak maia an paw mu leh an han mutpui a, dim leh duat taka an chul mu heuh heuh ang mai hian kan zan mu tur hi Thlarau Thianghlim hian min lo muttir țhin niin ka feel tlat nia mawle. Tichuan, nu in a fa duat tak a chul mu a, a muhil lai chu lungchim tak maia a thlir a, lungawi leh hlim tih hriat tak maia a muhil lai a nuih sen sen a, a bianga a chuks zeuh țhin ang hian Pathian chuan ka mu lai chu min vengin min lo thlir ve rengah ka ngai tlat mai. Tin, zingah thawh a lo hun a, duat tak maiin thawhhai hlauin min han kaitho a, nuin a fa duat tak a kaitho a, a pawm thoin a lo nuih sen sen ang mai hian ka zing tho chu min lo lawm ni hian ka hria a.... Nu dinhmunah dingin Nu in fate tana a tih țhin zawng zawng hi ti ni hian ka hre tlat. Nute hian Pathian zia hi an lova lantir nasa em ka ti ta a n...

*Nghahhlelh* Ka rilrua a rawn luh thut chu le... Kan nghahlelh tak thilte hi a rawn thleng har kan tih êm êm rual hian kan huhurh ngawih ngawih lo thleng tur hi a rawn thleng leh thuai lawi si a. Kan bialnu/bialpa te hmu tura kan hun nghah chhung a rei kan tihtheih tehlul nen, kan tawrh tur thil emaw kan hlen chhuah ngei ngai kan huphurh êm êm si thilte hi a rawn thleng leh thuai lawi si a. Duh ai hmaah hian a rawn thleng leh phut ṭhin. Chutin, hmangaihte nei tura hun kan nghah rei em em laiin hmangaihte ṭhen nan hun a thleng thuai si. *Tiam tlat e* tih hun kan nghahhlelh zawk hi thleng mai lova, *A la hun lo asin* tia ṭap vawng vawng chunga kan ṭhen hun a thleng leh thuai si ṭhin hi a mak ka ti ṭhin. Mahse, ka ngaihtuah chiang a, kan *nghahlelh dan a zir* mai lek a ni lo maw ka ti ta. Thih hun hi tumahin kan nghakhlel lova, kan hmangaihte chunga thleng tur hian tumahin kan thlang ngai lo. Mahse, hei vang tak hian duh ai hmaah kan chungah a rawn thleng si ṭhin. Hmangaihte ...

*I ṭawngṭai ngam em?* Nikuma ka sermon ngaihthlak pakhat tawitêa ka rilru khawihtu leh keimah ngei pawh min kâpa min khawihtu chu kan speaker rawih-in *"Ka hlauh ber chu ṭawngṭai ngam loh hi a ni,"* a tih kha a ni. Hetia ngaih mai chuan "ṭawngṭai ngam loh thu a awm dawn em ni?" kan ti a ni mai thei. A ni lah tak a, ṭawngṭai hrim hrim ngam loh thu chu a awm hleinem. Mahse, kei, Krista rawngbawltu inti, ni tin zan tina a tana rawngbawl vea inhre ṭhin hian *ral khat aṭang bakin damlo leh a mamawhtute hi ka ṭawngṭaisak ngam tlat ṭhin lo. An lu chunga kutnghata ṭawngṭai te hi ka ngam ṭhin lo.* Tin, ramhuai mante lek phei chu, "min puang vak mai ang a," ti chungin a theih chhung chu ka hêl ṭhin. Eng hi nge min tidawihtu ni ang le? Thil kan tihsual chuan kan hlauthawng em em a, min man chhuak ang tih hi kan hlau ngawih ngawih ṭhin. Naupang pawh a nu leh pate bulah a ṭi dui a, misual pawh police a hmuh chuan a biru ṭhin. *Lalpa laka min tihuai lotu chu ...

Galatia 4:9  *Tuna Pathian in lo hriat hnu hi zawngin–ni lo, Pathian mi hriat in lo nih hnu hian tih tur a ni zawk e....* Nizan kan titi aṭanga ka rilrua awm tlat chu *Lei leh vana lalber, thuneihna zawng zawng neitu hmelhriat nih hi a va lawmawmin a va inchhuan tlâk êm* tih hi a ni. Lei lalte hmelhriat nih te, an ngaihven leh an ngaihpawimawh nih hi nuam kan ti a, kan inchhuang ṭhin. Nizanah khan kan titipui pakhat chuan Minsiter pakhat PS-in private message a thawn thu inchhuang takin a sawi a, tin, minister nen pawh an in private fo thu a sawi a. Inhre ṭha hlein a insawi a. Nuam pawh a ti viau a ni. A âwm pawh a âwm viau mai a. Minister va hriat ringawt ai chuan amahin min rawn hriat chu hlu tak a ni. Tunlaia thiltithei hmelhriat leh duhsak nih hlutzia kan hre ṭheuh a, hna lak chungchangah te, contract hna thawh chungchangah te leh thil dang hrang hrangah mi thiltithei te hmelhriat nih chu nuam tak a ni. Intihtheihna tham a ni. Chu chuan ka ngaihtuahna a luah ta tlat....

*Chuvângin hêng thu hian inthlamuan rawh u* He thu hi Lalpa lokal lehna chungchânga Paula'n min Thessalonika khua ami te hnena a chah a ni. Chu chu Lal Isua ringtu zawng zawngte tâna pawimawh a ni bawk a. Nizan kan inkhawmah chuan "Lal Isua lokal lehna hi amah ringtute hian kan nghakhlel em?" tih sawiho tur chhawpchhuah a ni a. Han ngaihtuah mai hi chuan zorama Lal Isua ringtu inti tam tak hi chuan *kan nghakhlel lo* tih hi a hriat mai âwm e. Kan rawngbawltu pakhat phei chuan *"sunday tûka sa hmeh tûr tluk pawhin kan nghakhlel lo"* a ti hial a. A dik âwm mang e ka ti. Nghahhlelh chu sawi loh *a tam zawk(?) hian kan hlau* ni zawk hian ka hria. Kan rin Pathian thû ngei chuan Lal Isua lokal lehna thû hian *lo inthlamuan rawh u* a ti a, chutih rualin keini erawh chuan Lal Isua lokal lehna sawi hian min tihlau zawk ṭhin niin a lang a, insawiṭhaih te pawh kan ang hial zawk ṭhin a ni. Kan thlamuanna tûr ber kan hlauh tlat chhan hi engnge ni ta ang aw? 🤔 Rin...

*Ka nun hlui leh sul hnu a chhui ve lo.* Ka ngaihtuah ka ngaihtuah ṭhin a, ka nun liam taah khan Pathian duh loh zawng chu sawi loh, keimah ngei pawhin ka pawm hleih theih loh, ka zahpui em em, midangin an hre ve ang tih ka hlauh ngawih ngawih thil tam tak ka lo ti tawh a. Ngaihtuah chhuah mai pawha ka zahna ngawih ngawih tur thil tam tak ka lo ti ṭhin. Theih nise chûng nun duhawm lo tak takte chu siam ṭha turin hun koh kir a, nun hman ṭhat leh ka chak fo ṭhin. Theih ngat se chuan hun liam tawha kir leh a, kan thiltih ṭhenkhat nawtreh tura lêt leh duh kan tam viauin ka ring. Chûng zingah chuan ka bâng lo chiang khawp mai. Nimahsela, a tua te mah hian nunhlui an kokir thei lova, hun liam taah lêt thei an awm hek lo. Duh teh mah ila nun siamṭha tura kir leh chu mahni lu dawlh tum ang hlauhva harsa a ni si. Siamṭhat theih loh kan thil lo tih tawh tam tak chuan ser nung min siamsak a, mi zinga tuitla lo takin min siam ṭhin. Mite zinga inkiltawih leh hrehawm ti taka min siamtu a ...

*Hmatiang hmuh lâwk loh kawng, hlauhawm a hnai thei,* *A hnai zawk Chhandamtu'n "thlamuang rawh" min ti.* Vawiin aṭang khân he hla hi ka rilruah a awm tlat mai a. Zanin phei chu thlamuanna mak tak min pe nia. Kan hma lamah hian kan hmuh lâwk loh thil tam tak a awm a. Chûng zingah chuan kan duh loh tak tak thihna te, natna te, hrehawmna leh harsatna tam tak te pawh a awm ang. Mihring kan nihnaah hian kan thu lo êm êm a, kan hma lam tlem tê pawh kan hre lo a nih hi. Tun laiah phei chuan thihna a tam em em a, dam ṭha reng pawh an thi thut thut a, nat lawk em em awm lova thi ta mai kan tam em em tawh a nih hi. Hêng hi mi chunga thleng tur chauh a ni bîk lo va, ka chungah pawh a thleng ve thei reng a ni. Davida chuan "Thihna nena kan inkâr chu pên khat chauh a ni" a ti a. Thihna hi kan hnaih têah hian a awm reng a. Thuhriltu pawhin "Mihringin ama hun a hre si lova, sangha, lên hlauhawma man leh sava, thanga âwk ang maiin, mihring fate pawh an chunga th...