*Hrehawm mi tuarpui rawh* (II Tim. 2:3)
Kumin ṬKP Ramthim ni thupui chu *"Hrehawm mi tuarpui rawh"* tih a ni a. Nizan lam aṭang khan ka rilruah a riak ve reng a. Ka han sawi ve hlek te'ng.
Thupui hi Timothea hnena Paula'n ringtute chu sipai ang maia indo an nih thu te, indo laia awm mai mai a thiang lova, mahni lawmzawng lo zawn a thiang lova, sipai atana thlangtu tan mahni hrehna lamah pawh, a hlauhawm lamah pawh kal a ngaih ṭhin thu te, Phûr lo teh mahse sipai a nih avanga a kal a ngaih ṭhin zia te a hrilh a. Chutiang taka awm tura a fuihna chu a ni.
A ni lah tak a, ringtu nun hi indona nun a ni a. Hmelma lam hian chawl miah lova min beih avangin ringtu tan chawlh dêr dêr a thiang lo va, mahni duh thua lo inlak zalên vak a theih loh. Indo lai kan nih avangin inring renga kan awm a ṭul ṭhin. A nuam reng lova, hrehawm tam tak paltlang tur a awm a ni.
Sipai chuan indona huna a chet dan tur zirin training a nei ṭhin a. Training naah chuan thil harsa tak tak an zir a, hrehawm tam tak an tuar a. Nimahsela chhel taka an tuar chhuah chu nakina hmelma laka hnehna an chan theihna tur a nih avangin uluk takin hrehawm pawh pawisa lovin an tuar tlang a. Tichuan indona mualah hnehna an chang thei ṭhin a ni. Indona mualah pawh hian awlsam takin an chak mai, hnehna an chang mai a ni chuang lo. Hrehawm tuar an lo zir tawh avangin kha indona hun harsaah pawh khan an tuar hram hram a, an training naa an zirte hmangin an bei a, an taksa an tichhel a, tlawm mai ai chuan tiin thih pawh huamin an bei a, tam tak chuanan thih phah rêng bawk. Nimahsela, thihna hi tlâwmna a ni lova, in surrender-na a ni hek lo. An bul lawk lawka mi pawh lo kap hlumin lo hliam mahse anni erawh chuan a theih chhung an bei a, a tawpah hnehna an chang nge nge ṭhin.
Ringtu nun hi chutiang chu a ni. Awm mai mai ringawt hian a hneh theih ngawt loh va, Pathian ralthuam famkim inbel a, lo beih lêt a ngai ṭhin. Sipai chu training a zawhin indona a hmachhawn dawn chauh a ni a. Ringtute pawh hi Kohhrana kan activities te hi kan training-na a ni a, kan inkhawm, Pathian thuchah kan ngaihthlâk, kan lâm, leh thil hrang hrang Kohhran huang chhung leh Biak In vela kan tih hi kan training na a ni. Training duhtawk ringtu kan tam avang hian indona tak takah hnehna kan puang thei lo fo ṭhin.
A huhova training naa hnehna puan hi a tawk lo va, training ground kan chhuahsan chiah hian indona kan hmachhawn dawn chiah a. Biak Ina kan ngaihthlak ṭhin thuchah te, kan sawi leh hnehna kan puan ṭhinte a taka kan hman ngam a ṭul ṭhin.
Mahni duhzawng do a ṭul hunah te, thlemna a lo lan hunah te sual hneh nan kan hmang tur a lo ni.
*Mei leh tuilianin min hual vel mahse min dal zo lo, Khawvêla thil ropuinain min tibuai tawh lovang,* te chu tiin han phar huang huang mah ila, thlemna mei leh tui a lenna hmuna ka khup leh zul si chuan awmzia a awm hlek lovang. Biak In lamtualah hian mei leh tui hi a lian ngai lêm hlei nem. Mahnia kan awm hunah te, ṭhiante nen chauh, mahni chauhte nena kan awm hunah te hian asin a lo len ṭhin ni.
Chuvangin, Biak In leh a chhehvela kan lo zir ṭhin, thu ṭha tak tak kan lo zir ṭhin leh hmuh ṭhin te, Pulpit tlang aṭanga kan aupui dum dum ṭhin te, hla ṭha tak tak saa kan lo lampui ṭhinte hi ni tina kan nunah hian hman tur a lo ni a. Biak Inah kan zir a, khawlaiah kan hmang tur a lo ni tih hi i hre thar ang u.
Kan tisa châk zawng a ni lo mai thei, mahse chu tak chu kan do tur chu a ni rêng a ni. "Hrehawm tam tak tuarin Pathian ram in lut tur a ni rêng a ni" tih pawh kan hmuh kha.
Mahni hrehawm pawisa lovin, ni tin Kraws puin i zui phawt teh ang u.
*ṬKP Ramthim ni chibai vek ule.*
Kumin ṬKP Ramthim ni thupui chu *"Hrehawm mi tuarpui rawh"* tih a ni a. Nizan lam aṭang khan ka rilruah a riak ve reng a. Ka han sawi ve hlek te'ng.
Thupui hi Timothea hnena Paula'n ringtute chu sipai ang maia indo an nih thu te, indo laia awm mai mai a thiang lova, mahni lawmzawng lo zawn a thiang lova, sipai atana thlangtu tan mahni hrehna lamah pawh, a hlauhawm lamah pawh kal a ngaih ṭhin thu te, Phûr lo teh mahse sipai a nih avanga a kal a ngaih ṭhin zia te a hrilh a. Chutiang taka awm tura a fuihna chu a ni.
A ni lah tak a, ringtu nun hi indona nun a ni a. Hmelma lam hian chawl miah lova min beih avangin ringtu tan chawlh dêr dêr a thiang lo va, mahni duh thua lo inlak zalên vak a theih loh. Indo lai kan nih avangin inring renga kan awm a ṭul ṭhin. A nuam reng lova, hrehawm tam tak paltlang tur a awm a ni.
Sipai chuan indona huna a chet dan tur zirin training a nei ṭhin a. Training naah chuan thil harsa tak tak an zir a, hrehawm tam tak an tuar a. Nimahsela chhel taka an tuar chhuah chu nakina hmelma laka hnehna an chan theihna tur a nih avangin uluk takin hrehawm pawh pawisa lovin an tuar tlang a. Tichuan indona mualah hnehna an chang thei ṭhin a ni. Indona mualah pawh hian awlsam takin an chak mai, hnehna an chang mai a ni chuang lo. Hrehawm tuar an lo zir tawh avangin kha indona hun harsaah pawh khan an tuar hram hram a, an training naa an zirte hmangin an bei a, an taksa an tichhel a, tlawm mai ai chuan tiin thih pawh huamin an bei a, tam tak chuanan thih phah rêng bawk. Nimahsela, thihna hi tlâwmna a ni lova, in surrender-na a ni hek lo. An bul lawk lawka mi pawh lo kap hlumin lo hliam mahse anni erawh chuan a theih chhung an bei a, a tawpah hnehna an chang nge nge ṭhin.
Ringtu nun hi chutiang chu a ni. Awm mai mai ringawt hian a hneh theih ngawt loh va, Pathian ralthuam famkim inbel a, lo beih lêt a ngai ṭhin. Sipai chu training a zawhin indona a hmachhawn dawn chauh a ni a. Ringtute pawh hi Kohhrana kan activities te hi kan training-na a ni a, kan inkhawm, Pathian thuchah kan ngaihthlâk, kan lâm, leh thil hrang hrang Kohhran huang chhung leh Biak In vela kan tih hi kan training na a ni. Training duhtawk ringtu kan tam avang hian indona tak takah hnehna kan puang thei lo fo ṭhin.
A huhova training naa hnehna puan hi a tawk lo va, training ground kan chhuahsan chiah hian indona kan hmachhawn dawn chiah a. Biak Ina kan ngaihthlak ṭhin thuchah te, kan sawi leh hnehna kan puan ṭhinte a taka kan hman ngam a ṭul ṭhin.
Mahni duhzawng do a ṭul hunah te, thlemna a lo lan hunah te sual hneh nan kan hmang tur a lo ni.
*Mei leh tuilianin min hual vel mahse min dal zo lo, Khawvêla thil ropuinain min tibuai tawh lovang,* te chu tiin han phar huang huang mah ila, thlemna mei leh tui a lenna hmuna ka khup leh zul si chuan awmzia a awm hlek lovang. Biak In lamtualah hian mei leh tui hi a lian ngai lêm hlei nem. Mahnia kan awm hunah te, ṭhiante nen chauh, mahni chauhte nena kan awm hunah te hian asin a lo len ṭhin ni.
Chuvangin, Biak In leh a chhehvela kan lo zir ṭhin, thu ṭha tak tak kan lo zir ṭhin leh hmuh ṭhin te, Pulpit tlang aṭanga kan aupui dum dum ṭhin te, hla ṭha tak tak saa kan lo lampui ṭhinte hi ni tina kan nunah hian hman tur a lo ni a. Biak Inah kan zir a, khawlaiah kan hmang tur a lo ni tih hi i hre thar ang u.
Kan tisa châk zawng a ni lo mai thei, mahse chu tak chu kan do tur chu a ni rêng a ni. "Hrehawm tam tak tuarin Pathian ram in lut tur a ni rêng a ni" tih pawh kan hmuh kha.
Mahni hrehawm pawisa lovin, ni tin Kraws puin i zui phawt teh ang u.
*ṬKP Ramthim ni chibai vek ule.*
Comments
Post a Comment