*Nakinah Isua hmel ka hmuh ve hun chuan,*
*Hmangaihna dang zawng chu a dai tawh ang....*

Khawvêla kan awm chhung hi chuan hmangaih bîk te kan nei ṭhin a. Chu inhmangaih bîkna avang chuan kan nunah midang an leng lo fo ṭhin a, thil dang a leng lo fo ṭhin.

Inhmangaih tawnna te pawh hi sawi sawi ve ṭhin mah ila kan hmangaihte hmangaih bik hi chu a la awl ta fan a. Krista hmangaihnate pawh hi han sawi ve bawk ṭhin mah ila, a chanve pawh kan chang zo lo emaw tih tur a ni ṭhin.

He hmangaihna dang avang hian Krista kan hmangaihna hi a full thei lo ṭhin a. Kan nupui fanaute hmangaihna te, kan bialnu/pa hmangaihna te, u leh nau, ṭhiante hmangaihna te  leh hmangaihna dang dang kan nei ṭhin a. A hun leh hmun a zir zelin kan hmangaih bîkna kan lantir ṭhin.

He *hmangaihna dang* avang hian kan tih loh tur kan tih phah fova, eirukna te, uirèna te, itsîkna te, thîkna te, duhâmna te , duhsak bîk neia hleih neihna te, leh a dang tam tak kan tih phah ṭhin. Krista hmangaihna aia langsar zawk hmangaihna hian thil min tih dik loh tir ṭhin.

Mahse, nakina Isua hmel kan hmuh hunah chuan hêng, hmangaihna dang zawng hi a dai tawh ang a, Krista kan hmangaihna chauh chu chawi nun a ni tawh ang. He khawvêlah pawh miin Krista a hmangaih poh leh midang nen an inkârah inremna a awm ṭhin a. Krista a hmangaihna chuan midangte rem a duhtir a, thil ṭha leh dik tih a duhtir ṭhin.

Famkim lohna khawvêl maha chutiang a nih chuan, nakina Isua hmel kan hmuh hunah, famkima Isua kan hmangaih hunah phei chuan eng ang taka nuam leh hlimawm, muanawm ni ang maw? Hetah chuan kan hmangaih avanga thil dik leh ṭha kan tih pawhin ertu leh hawtu tu emaw tal kan nei deuh zel tho. Vanah erawh chuan kan inhmangaih vek dawn a nih chu. Kan hmangaihten min hmangaih ve a ni tih kan hriata nuam kan tihzia ka ngaihtuah hian hmangaihna famkimna hmuna kan han inhmangaih vek mai tur ka dâwn hian a ropui dawn hian ka hre êm mai.

Hetah, famkim lovin awm rih mah ila, nakina Famkima'n min tihfamkim hunah chuan hmangaihna dang zawng a dai tawh ang a, Lalber chawimawi hunah kan tel ve ang. Chu ngei chu kan tan van a ni ang.

Comments

Post a Comment

Popular posts from this blog

 *A INHRIATCHHUAH VE LEH* October 3, 2021 (Pathianni tûk) thuchah. _PP. Laldingngheta Sailo_ *Châng thlan:* _Luka 15:17-19  Tin, a inhriat chhuah veleh, ‘Ka pa hnena inhlawhfate chaw ei sen lohva nei an tam vei nen, kei lah chu hetah riltamin ka thi dawn si a!_  _Ka tho vang a, ka pa hnenah ka kal ang a, a hnenah, Ka pa, vana mi chungah leh nangma mithmuhin thil ka tisual e;_  _i fapaa vuah tlak ka ni ta lo ve; i hnena inhlawhfa pakhat angin mi siam ve rawh, ka ti ang,’ a ti a._ *Sawizauna:* Fapa tlanbo tehkhin thu hi beram bo leh duli bo chungchang tehkhin thu dawta Isua sawi a ni a. A pathum hian Pathian hmaa sima kirte chunga lâwmna a entir vek a ni. Tehkhin thua pa ber hi mi hausa tak mai, ram leh chhiahhlawh tam tak nei niin sawi a ni a. A fapate pawhin khawtlangah ngaihpawimawh hlawhin dinhmun ṭha takah an ding ngei ang tih a rinawm a. Nimahsela, chuta lungawi zo lo chuan fapa naupang zawk chuan a ro chanai lâin ram hla takah nuam chen turin a va kal ta a ni. A...
Read more
*Thlarau Thianghlim - Ringtute ralthuam* Têt lai/naupan lai khân kan indo lem/ in ṭheng ṭheng ṭhin a. Silai lem kan hmang a, kan in kâp ṭhin a. Kan kâ hmangin silai kah ri kan siam a, kan han inkâp tak tak chu kan tlu ve phak phak zel a, kan let ve tawp tawp zel ṭhin a nih kha. Nimahsela, silai tak ni lo na na na, a mu awm lo na na na chu kan tho leh mai a. Kan tlan leh zuai zuai ṭhin. Indona tak takah khatiang khan kal ta ila, khâng silai lem hmang khan va do ve ta ila, tumah kan that lovang a, kan hneh ngai lovang. Keimahni kan thi zawk hial ang. Ringtu nun chu indona a ni a, sual sipai nen ni tin kan indo ṭhin. Tam tak chuan naupan laia kan indolem ṭhin ang mai khan ralthuam lem tak tak kan hmang a, thirkawr lem kan ha a, hmanraw lem hlir kan hmangin kan inbel a. Indona mualah kan tlawm leh nge nge ṭhin. Biak Inah theihtawpa ṭhain kan inkhawm a, theihtawpa active-in Kohhranah kan che tla a, chûng chu ralthuam atan kan hmang ṭhin a. Mi beihnan kan hmang ṭhin a. A inhmang...
Read more
*Malsawmna danglam* Vawiin chu kan naute-in a  vawi thum nan vaccine a la a. A ṭap a, a khua te a sik a. Nausên mai a nih avangin ka lainat ngei mai. Hêng vaccine te hi nausên tan chuan a nâin an han chiu hian an ṭap vawn vawn zel a. Hmangaihtu tan chuan hmuh hrehawm tak a ni ṭhin. Tin, an khua a han sik a, hmangaihna leh khawngaihna nena en kan ni bawk a, hmuh an hrehawm ṭhin ngei mai.  Nimahsela, kha vaccine kha a nakin hun atan a ṭha dawn a. Natna chi hrang hrang lo do thei tura a taksa buatsaihna a nih avangin tunah hmangaihtu tan hmuh hrehawmin a tan nâ viau mahse, a khua hial tisik mahse kan tihtir lo thei lo a ni. A tun hun chauh ngaihtuahin khawngaih ta ila, nakinah natna hrang hrang lo thlengin a taksa hian a lo hmelhriat si loh chuan natna dotu a siam zung zung thei dawn si lova. A tan a ṭha dawn lo a ni. Chuvangin,tunah harsa mahse nakinah a tana ṭha zawk tur avangin kan laktir hram hram a ni. Hei hian kraws kawng min ngaihtuahtir a. "Tuarna pumpelh kawng zaw...
Read more