*Khawiah nge ka Kristianna tur chu?*
Tunlai kan dinhmun kan hre ṭheuh va. Kan inkhawm theih loh chin a rei ta viau mai. A khawharthlâkin inkhawm thuai theih a châkawm tawh hle mai. Inkhawm leh Kohhran huang chhunga rawngbawl a, active tak maia han chêt leh theih hun a nghahhlelhawm mang e. Kan tunlai boruak hian Kohhrana inhman leh chet tlat hlutzia leh lo nawmzia a lang chiang hlein ka hria.
Hetih mêk laia ka rilrua awm pakhat erawh chu hun zalêna Kristian taka rawng ka bawl a, Kohhrana ka tel ṭhinna nun leh thiltih kha tunah hian ka chhunzawm zel em tih hi a ni.
Kohhran huang chhung leh Biak In chauh hi kan rawngbawlna hmun tur emaw ti tan chuan dâk fêna hman a awm tawh a, rawngbawlna a chawl ṭhuap ang a, Kristianna a lang thei lovang a, ka lo inkhawm ve ṭhin a, rawng ka lo bawl ve ṭhin a ni tih hi a lang thei miah lo vang le.
Ka sawi ve fo ṭhin chu, *Kohhran leh Biak In hi ringtute inbuatsaihna leh intuaitharna hmun a ni a, chuta kan zir leh hriatte chu chumi piah lamah chuan kan lantir tur a ni,* tih hi a ni.
Biak Inah kan inkhawm a, kan zai, kan lâm, thuchah kan sawiin kan ngaithla. Thil dang tam tak a piah lamah a la awm bawk. Hêng zawng zawng rawngbawlna vek leh Isua hnung kan zuinaa kan tih tur a ni. Mahse hemi bâk hi a la awm.
Ringtu nun chu *Nun Krista* a ni tur a ni a. Krista nun ṭawmpuitute kan ni. Nun hi Krista a nih chuan Biak In leh a chheh velah mai ni lo, eng lai pawha kan nun dan hi Krista duh zawngin a ni tur a ni. Famkim lohna tam tak erawh kan nei e, famkim lohna chhuanlama famkim loh luih erawh tum chi a ni lo.
*Chuvangin, hetia inkhawm pawh kan theih loh lai leh Kohhran thiltih (a huho) rêng rêng pawh a theih loh lai hian ka rawngbawlna leh Kristian ka nihna hi a chawl mai tur a ni chuang lo.* Hun harsa tak kan tawh mek lai te, ṭanpui ngai tam tak an awm lai leh harsatna tam tak a thlen lai hi Kristian ka nihna a lan hun, Pathian mi ka nihna a lan hun a ni dawn lo'm ni? Mordekaia'n an hnam chhanchhuah a ngaih em em laia a hnampuite chhan nana Lalnu Estheri hnena *"He tih hun atan hian a ni dawn lo'm ni Lal nihna i chan hi?"* a tih ang khân tun hun hi a ni dawn lo'm ni Kohhran mi ka nihna, Kristian ka nihna ka lantir hun tur chu?
Vawiina ka rilru khawih êm êmtu pakhat chu Zoram, Kristian rama Kristian intite ṭawngkam leh nundan hi a ni. Anchhe tak tak leh Kristian kâ aṭanga chhuaka mawi lo kan chhâk chhuak nasa hle mai. Uirê ngaidamtu, sualna nei lovin dêng hmasa rawh u ti a chhan tlattu Isua kha a ni lo'm ni kan zui hi? Uirê kha a dik a ni lo. A uirêa a thiam lo a ni. Nimahsela Isua'n a ngaidam tlat.
Keini, tunlaia Isua zuitu intite hi chu kan ṭawngkam a tla hlawh si, kan duh thawh si, kan àn a chhe êm êm mai si. Covid-19 vei hmasa bertu kan han diriam nasat dan te, tunlaia mahni ram lam pana rawn haw, che fuh lote kan chuk rawn dan luai luaite hi a rapthlâk.
An dik lo, an tisual a nih pawhin heti êm êm lutuk hi chu a ṭha lo. Tun ang hun atan hian a ni lo'm ni kan Kristianna kan lantir ang? A diriama khati taka ṭawngkam mawi lo hmang zozai zingah khan inkhawm mi, Kristian ṭha inti ve si engzat tak awm ang maw?
Inkhawmna, Ṭhalai, Paho leh Nuho inkhawmna leh thiltih khawmna te, Khawtlang huap leh pawl thil ang tea thusawi leh chanvo hrang hrang lo nei pha chinte pawh kan ni ang. Kohhrana inhmang lo leh inkhawm ngai lo chu awm pawh nise a tam zawk kan ni hrim hrim ang. Mahse kan ṭawngkam hmante kha chu rapthlak zawk a ni.
Engpawh chu nise, Kristiante hi Biak Inah chauh, Kohhran chhungah chauh rawngbawl tura koh kan ni lo va, khawi hmunah pawh Isua neitu kan nihna lantir tura koh kan ni zawk tih hi i hre thar leh ang u. Chuti a nih loh chuan kan Kristianna hmel hi kan ti mâwk zual zelin Krista hming timawitu ni lova a timualphotu kan nih a hlauhawm e.
*Khawi hmunah pawh awm ila,*
*Eng dinhmunah pawh ding ila;*
*Krista aia palai hna thawk turin,*
*Nang leh kei hi Lalpa'n min ko.*
Tunlai kan dinhmun kan hre ṭheuh va. Kan inkhawm theih loh chin a rei ta viau mai. A khawharthlâkin inkhawm thuai theih a châkawm tawh hle mai. Inkhawm leh Kohhran huang chhunga rawngbawl a, active tak maia han chêt leh theih hun a nghahhlelhawm mang e. Kan tunlai boruak hian Kohhrana inhman leh chet tlat hlutzia leh lo nawmzia a lang chiang hlein ka hria.
Hetih mêk laia ka rilrua awm pakhat erawh chu hun zalêna Kristian taka rawng ka bawl a, Kohhrana ka tel ṭhinna nun leh thiltih kha tunah hian ka chhunzawm zel em tih hi a ni.
Kohhran huang chhung leh Biak In chauh hi kan rawngbawlna hmun tur emaw ti tan chuan dâk fêna hman a awm tawh a, rawngbawlna a chawl ṭhuap ang a, Kristianna a lang thei lovang a, ka lo inkhawm ve ṭhin a, rawng ka lo bawl ve ṭhin a ni tih hi a lang thei miah lo vang le.
Ka sawi ve fo ṭhin chu, *Kohhran leh Biak In hi ringtute inbuatsaihna leh intuaitharna hmun a ni a, chuta kan zir leh hriatte chu chumi piah lamah chuan kan lantir tur a ni,* tih hi a ni.
Biak Inah kan inkhawm a, kan zai, kan lâm, thuchah kan sawiin kan ngaithla. Thil dang tam tak a piah lamah a la awm bawk. Hêng zawng zawng rawngbawlna vek leh Isua hnung kan zuinaa kan tih tur a ni. Mahse hemi bâk hi a la awm.
Ringtu nun chu *Nun Krista* a ni tur a ni a. Krista nun ṭawmpuitute kan ni. Nun hi Krista a nih chuan Biak In leh a chheh velah mai ni lo, eng lai pawha kan nun dan hi Krista duh zawngin a ni tur a ni. Famkim lohna tam tak erawh kan nei e, famkim lohna chhuanlama famkim loh luih erawh tum chi a ni lo.
*Chuvangin, hetia inkhawm pawh kan theih loh lai leh Kohhran thiltih (a huho) rêng rêng pawh a theih loh lai hian ka rawngbawlna leh Kristian ka nihna hi a chawl mai tur a ni chuang lo.* Hun harsa tak kan tawh mek lai te, ṭanpui ngai tam tak an awm lai leh harsatna tam tak a thlen lai hi Kristian ka nihna a lan hun, Pathian mi ka nihna a lan hun a ni dawn lo'm ni? Mordekaia'n an hnam chhanchhuah a ngaih em em laia a hnampuite chhan nana Lalnu Estheri hnena *"He tih hun atan hian a ni dawn lo'm ni Lal nihna i chan hi?"* a tih ang khân tun hun hi a ni dawn lo'm ni Kohhran mi ka nihna, Kristian ka nihna ka lantir hun tur chu?
Vawiina ka rilru khawih êm êmtu pakhat chu Zoram, Kristian rama Kristian intite ṭawngkam leh nundan hi a ni. Anchhe tak tak leh Kristian kâ aṭanga chhuaka mawi lo kan chhâk chhuak nasa hle mai. Uirê ngaidamtu, sualna nei lovin dêng hmasa rawh u ti a chhan tlattu Isua kha a ni lo'm ni kan zui hi? Uirê kha a dik a ni lo. A uirêa a thiam lo a ni. Nimahsela Isua'n a ngaidam tlat.
Keini, tunlaia Isua zuitu intite hi chu kan ṭawngkam a tla hlawh si, kan duh thawh si, kan àn a chhe êm êm mai si. Covid-19 vei hmasa bertu kan han diriam nasat dan te, tunlaia mahni ram lam pana rawn haw, che fuh lote kan chuk rawn dan luai luaite hi a rapthlâk.
An dik lo, an tisual a nih pawhin heti êm êm lutuk hi chu a ṭha lo. Tun ang hun atan hian a ni lo'm ni kan Kristianna kan lantir ang? A diriama khati taka ṭawngkam mawi lo hmang zozai zingah khan inkhawm mi, Kristian ṭha inti ve si engzat tak awm ang maw?
Inkhawmna, Ṭhalai, Paho leh Nuho inkhawmna leh thiltih khawmna te, Khawtlang huap leh pawl thil ang tea thusawi leh chanvo hrang hrang lo nei pha chinte pawh kan ni ang. Kohhrana inhmang lo leh inkhawm ngai lo chu awm pawh nise a tam zawk kan ni hrim hrim ang. Mahse kan ṭawngkam hmante kha chu rapthlak zawk a ni.
Engpawh chu nise, Kristiante hi Biak Inah chauh, Kohhran chhungah chauh rawngbawl tura koh kan ni lo va, khawi hmunah pawh Isua neitu kan nihna lantir tura koh kan ni zawk tih hi i hre thar leh ang u. Chuti a nih loh chuan kan Kristianna hmel hi kan ti mâwk zual zelin Krista hming timawitu ni lova a timualphotu kan nih a hlauhawm e.
*Khawi hmunah pawh awm ila,*
*Eng dinhmunah pawh ding ila;*
*Krista aia palai hna thawk turin,*
*Nang leh kei hi Lalpa'n min ko.*
Comments
Post a Comment