*I thu hian min thlamuan ṭhin,*
*I aw hian min tichak ṭhin.*
Hla siamtu chuan "Ni tinin i aw hriat fo ka duh ṭhin, ni tinin i hmel hmuh fo ka duh ṭhin," tiin a lo sawi a. Ni, Pathian aw hre ṭhinte hi chuan hriat nawn fo an duh ṭhin a, an nunah thlamuanna mak tak a thleng ṭhin.
Khawvêl buai tak kârah hian chanchin tam tak a awm a. Kan chanchin hriat tam zawk chu buaina a ni a. Covid-19 hian kan chanchin thar zawng zawng a luah tih theih deuh thaw a ni a, kiam lam a pan lo va, a vei an pung zel zawk a. Inkài a awl zia te, kái an hmuh mai bâka a kái rèng si, an kái tih hriat loh tam tak an awm tihte a ni leh zel bawk si a. Chûng chanchin chuan kan khawvêl a luah a, kan hriat tam leh kan thla a phang ni maiin a lang. Hemi hri lêng piah lam hrim hrimah pawh hian economic crisis hmachhawn mai thei kan nihna te hian min la tithlaphang em em a, a hre tam apiang an mangang a ni mai awm a. Kan Pathian thu hian a lo sawi dik zet mai. Thuhriltu 1:18-ah chuan,
*_"Finna a nasat poh leh buaina a tam a, Hriatna a pun poh leh manganna a pung,"_*
tiin kan hmu a. Khawvêl thiamna leh finna a lo sáng zel a, buaina kan ngah tawlh tawlh a, thiamna a sân tawh êm avang hian kan buaina pawh a lo thuk telh telh a nih hi. Thiamna hian hriatna pawh min pêk belh zel a, tunah chuan tualchhung leh kan chhehvel mai bakah mahni in lum aṭangin khawvêl thil thleng hrang hrangte kan hre ve nghal zel thei tawh a. Kan hriatnate chu lo pung mahse chûngte chuan a lawmawm lam aia chhiatna lam a hawi tam zawk fo avangin kan manganna pawh a pung zel a nih hi. Tin, mithiamte pawhin an finna hmanga an chhui thui poh leh khawvêl chhiat tawhzia hriain an mangang nasa ting mai a ni.
Nimahsela, heti a nih lai hian Pathian mi chuan Pathian thua Lalpa nen an inzawm tlat avangin thlamuanna thuk tak a nei ṭhin. Lalpa neitu tak tak chuan hêng buaina leh manganna hmunah hian thlamuanna mak tak mai a nei ṭhin a. Lei mihring finna leh thiamna a san zawh poh leh, an chungah a let sang tam takin Lalpa hi a lo awm ṭhin tih an hriat avangin mithiamte beidawnna leh mangan rum rumnaah pawh Pathian thu hian a thlamuan ṭhin a ni. Kan Bible (Pathian thu) hian kan thlamuan loh a hlau hle mai a, thlamuanna thuchah tam tak hmuh tur a awm a. News ena manganthlak tak leh rilru tibuai tak a nih hlawm laiin Pathian thuah chuan thlamuanna tur tam tak a awm thung a ni.
Chuvangin, Lalpa aw hre tura kan inhawn a, Lalpa kan auh ṭhin te, a thu kan chhiar fo hi a pawimawh a ni.
*Ṭawngṭainain Lalpa hnenah i aw hriattir la, a aw hre tura ngaithla chungin Bible chhiar ṭhin bawk ang che.*
*I aw hian min tichak ṭhin.*
Hla siamtu chuan "Ni tinin i aw hriat fo ka duh ṭhin, ni tinin i hmel hmuh fo ka duh ṭhin," tiin a lo sawi a. Ni, Pathian aw hre ṭhinte hi chuan hriat nawn fo an duh ṭhin a, an nunah thlamuanna mak tak a thleng ṭhin.
Khawvêl buai tak kârah hian chanchin tam tak a awm a. Kan chanchin hriat tam zawk chu buaina a ni a. Covid-19 hian kan chanchin thar zawng zawng a luah tih theih deuh thaw a ni a, kiam lam a pan lo va, a vei an pung zel zawk a. Inkài a awl zia te, kái an hmuh mai bâka a kái rèng si, an kái tih hriat loh tam tak an awm tihte a ni leh zel bawk si a. Chûng chanchin chuan kan khawvêl a luah a, kan hriat tam leh kan thla a phang ni maiin a lang. Hemi hri lêng piah lam hrim hrimah pawh hian economic crisis hmachhawn mai thei kan nihna te hian min la tithlaphang em em a, a hre tam apiang an mangang a ni mai awm a. Kan Pathian thu hian a lo sawi dik zet mai. Thuhriltu 1:18-ah chuan,
*_"Finna a nasat poh leh buaina a tam a, Hriatna a pun poh leh manganna a pung,"_*
tiin kan hmu a. Khawvêl thiamna leh finna a lo sáng zel a, buaina kan ngah tawlh tawlh a, thiamna a sân tawh êm avang hian kan buaina pawh a lo thuk telh telh a nih hi. Thiamna hian hriatna pawh min pêk belh zel a, tunah chuan tualchhung leh kan chhehvel mai bakah mahni in lum aṭangin khawvêl thil thleng hrang hrangte kan hre ve nghal zel thei tawh a. Kan hriatnate chu lo pung mahse chûngte chuan a lawmawm lam aia chhiatna lam a hawi tam zawk fo avangin kan manganna pawh a pung zel a nih hi. Tin, mithiamte pawhin an finna hmanga an chhui thui poh leh khawvêl chhiat tawhzia hriain an mangang nasa ting mai a ni.
Nimahsela, heti a nih lai hian Pathian mi chuan Pathian thua Lalpa nen an inzawm tlat avangin thlamuanna thuk tak a nei ṭhin. Lalpa neitu tak tak chuan hêng buaina leh manganna hmunah hian thlamuanna mak tak mai a nei ṭhin a. Lei mihring finna leh thiamna a san zawh poh leh, an chungah a let sang tam takin Lalpa hi a lo awm ṭhin tih an hriat avangin mithiamte beidawnna leh mangan rum rumnaah pawh Pathian thu hian a thlamuan ṭhin a ni. Kan Bible (Pathian thu) hian kan thlamuan loh a hlau hle mai a, thlamuanna thuchah tam tak hmuh tur a awm a. News ena manganthlak tak leh rilru tibuai tak a nih hlawm laiin Pathian thuah chuan thlamuanna tur tam tak a awm thung a ni.
Chuvangin, Lalpa aw hre tura kan inhawn a, Lalpa kan auh ṭhin te, a thu kan chhiar fo hi a pawimawh a ni.
*Ṭawngṭainain Lalpa hnenah i aw hriattir la, a aw hre tura ngaithla chungin Bible chhiar ṭhin bawk ang che.*
Comments
Post a Comment