*Tlawmna hi kan chakna*
Joba chanchin kan hria a. Pathian ṭih mi, mi dik leh mi ngil, mi famkim, thil ṭha lo laka insûm thei mi a nihzia kan hmu a. Pathian remtihnaa setana'n a khawih chhiat pawha Pathian fak tlat, sawichhe duh miah lo a ni.
Nimahsela, Pathian hnenah a vui thu a thlen ve nasa hle a, khawvêla a lo piang ve pawh kha pawi a tiin a pianni kha an chhia a lawh hial a nih kha.
A ṭhiante rawn kal chuan Pathian pawi khawihah ngaiin a dik lohna Lalpa hnena puang a, ngaihdam dil mai turin an ti a. Nimahsela, ani chuan a dikzia leh pawi a khawih lohzia sawiin a lo ṭang tlat a. Pathian lakah pawh dik a intiin ama thiam loh ni lovin Lalpa zawk niin a ngai tlat mai. A sawi chhe lo naa, a vui ve hle a ni.
A dikna, a thiamna, a felna kha Lalpa hmaah chhuan tur nei vein a inhre tlat a, Lalpa laka a dikna leh felna chuan Lalpa pawh a chhuahchhalh tir ngam tlat a ni. Lalpa rorelna chu dik tawk lo leh fel tawk lovah hial a ngaihtir a ni.
Nimahsela, Lalpa'n ṭhawngaleivir aṭangin a han chhâng a, a ropuizia leh mihring engmah lohzia, mihring theih vena lai ber pawhin thil a tihtheih lohzia a han sawi tak tak mai chu Joba, ṭha tawk leh fel tawk in ti, a felna avanga a duh anga Lalpa chêttir thei hiala inngai (?) pawh chuan a engmah lohzia a inhmu chiang ta hle mai. Lalpa lakah chuan a lo tê chem chem hle tih a hmu a. Chutah chuan chhuan tur rêng rêng neiin a inhre tawh lova, a lo chhuan ve thilte pawh kha a lo hriat tlem êm vang a ni tiin Lalpa hnenah sim tur nei lova inngai khân a sim ta. A ṭhatna leh felna, a thianghlimna leh dikna, thiam nia a inhriatna zawng zawng kha Lalpa lakah engmah a ni lova, awmzia a nei lo tih a hriatin ama inhriatna kha a paih thla a, a sim a. Lalpa pawh a chanchin hria mai ni lovin a hmuh ngeiin a hmu ta a nih kha.
Jakoba leh Pathian an inbuan a. Lalpan hneh dawn lova a inhriat chuan Jakoba chakna ber a malpui ruh a tihpelhsawlh sak ta a. Malsawmna pawh a dawng ta nghe nge a nih kha.
Lalpa hmu chiang tak tak tur chuan keimahni lama hriatna leh theihna awm ve nia kan ngaih, kan duhdan lo awm ṭhin te, kan ngaihdan lo awm ve ṭhinte hi paihthlak a ngai fo ṭhin.
*Kan ṭhat vena lai tak, fel kan intihna lai takte hi Lalpa tâna a hnawk lai tak a ni thei a. Kan ṭhahnemngaih em emna te hi Lalpa tân a hnawksak em em thei a nia.*
Chuvangin, keimahniah Lalpa kan hmuhna daltu awm thei paih ngam tura zero dinhmun aṭanga Lalpa aw kan ngaihthlâk a ṭul ṭhin. Kan ngaihdan lo deuha thlarauvin hna a thawh te, kan hruaitute kal tlanga thu a sawite leh mi tê ber hmanga kan hnena thu a sawite hian Lalpa aw nia ngaih leh hriat a har em em ṭhin. Hre ve tâwk, dik leh ṭha ve tâwka kan inngaih ṭhinna dah ṭha a, tlawmna aṭanga Lalpa kan dawr leh a âw kan ngaihthlak ṭhin hi kan chakna a ni fo.
13, june, 2020 (sat)
Joba chanchin kan hria a. Pathian ṭih mi, mi dik leh mi ngil, mi famkim, thil ṭha lo laka insûm thei mi a nihzia kan hmu a. Pathian remtihnaa setana'n a khawih chhiat pawha Pathian fak tlat, sawichhe duh miah lo a ni.
Nimahsela, Pathian hnenah a vui thu a thlen ve nasa hle a, khawvêla a lo piang ve pawh kha pawi a tiin a pianni kha an chhia a lawh hial a nih kha.
A ṭhiante rawn kal chuan Pathian pawi khawihah ngaiin a dik lohna Lalpa hnena puang a, ngaihdam dil mai turin an ti a. Nimahsela, ani chuan a dikzia leh pawi a khawih lohzia sawiin a lo ṭang tlat a. Pathian lakah pawh dik a intiin ama thiam loh ni lovin Lalpa zawk niin a ngai tlat mai. A sawi chhe lo naa, a vui ve hle a ni.
A dikna, a thiamna, a felna kha Lalpa hmaah chhuan tur nei vein a inhre tlat a, Lalpa laka a dikna leh felna chuan Lalpa pawh a chhuahchhalh tir ngam tlat a ni. Lalpa rorelna chu dik tawk lo leh fel tawk lovah hial a ngaihtir a ni.
Nimahsela, Lalpa'n ṭhawngaleivir aṭangin a han chhâng a, a ropuizia leh mihring engmah lohzia, mihring theih vena lai ber pawhin thil a tihtheih lohzia a han sawi tak tak mai chu Joba, ṭha tawk leh fel tawk in ti, a felna avanga a duh anga Lalpa chêttir thei hiala inngai (?) pawh chuan a engmah lohzia a inhmu chiang ta hle mai. Lalpa lakah chuan a lo tê chem chem hle tih a hmu a. Chutah chuan chhuan tur rêng rêng neiin a inhre tawh lova, a lo chhuan ve thilte pawh kha a lo hriat tlem êm vang a ni tiin Lalpa hnenah sim tur nei lova inngai khân a sim ta. A ṭhatna leh felna, a thianghlimna leh dikna, thiam nia a inhriatna zawng zawng kha Lalpa lakah engmah a ni lova, awmzia a nei lo tih a hriatin ama inhriatna kha a paih thla a, a sim a. Lalpa pawh a chanchin hria mai ni lovin a hmuh ngeiin a hmu ta a nih kha.
Jakoba leh Pathian an inbuan a. Lalpan hneh dawn lova a inhriat chuan Jakoba chakna ber a malpui ruh a tihpelhsawlh sak ta a. Malsawmna pawh a dawng ta nghe nge a nih kha.
Lalpa hmu chiang tak tak tur chuan keimahni lama hriatna leh theihna awm ve nia kan ngaih, kan duhdan lo awm ṭhin te, kan ngaihdan lo awm ve ṭhinte hi paihthlak a ngai fo ṭhin.
*Kan ṭhat vena lai tak, fel kan intihna lai takte hi Lalpa tâna a hnawk lai tak a ni thei a. Kan ṭhahnemngaih em emna te hi Lalpa tân a hnawksak em em thei a nia.*
Chuvangin, keimahniah Lalpa kan hmuhna daltu awm thei paih ngam tura zero dinhmun aṭanga Lalpa aw kan ngaihthlâk a ṭul ṭhin. Kan ngaihdan lo deuha thlarauvin hna a thawh te, kan hruaitute kal tlanga thu a sawite leh mi tê ber hmanga kan hnena thu a sawite hian Lalpa aw nia ngaih leh hriat a har em em ṭhin. Hre ve tâwk, dik leh ṭha ve tâwka kan inngaih ṭhinna dah ṭha a, tlawmna aṭanga Lalpa kan dawr leh a âw kan ngaihthlak ṭhin hi kan chakna a ni fo.
13, june, 2020 (sat)
Comments
Post a Comment