*Kristian Chhungkua*

Kum tina kan hman ṭhin Kristian chhungkaw chawlhkar chu kan lo thleng leh ta a. Thuzir tur ṭha tak mai kan hotuten an rawn chhawp chhuak leh ta.

Kohhran chhungkua engzatin nge zir thei ang aw? Zaninah a hmasa ber kan zir ṭan a, a ṭha hle mai. A la zir ve chiah lote pawhin nakzan aṭang chuan zir ve tum ila a ṭha hle ang.

Zanin (11. 5. 2020)-a kan zir *Chhungkua* tih aṭang ringawt pawh khan thil pawimawh tak tak hriatreng tur kan neiin ka hria. Engpawh nise lo zir ve zel phawt mai teh u.

Chhungkua hi khawtlang hmasa ber, zirna hmasa ber, rorelna hmasa ber a ni a. Kan nun chhoh dan engkim hi chhungkua aṭanga in ṭan a ni deuh ber a. Chhungkaw zia hi kan nunah a lang tam hle. Kan puitlin thlengin kan chhungkua ṭheuhva kan nungchang, kan ṭawngkam leh kan chetzia hi midangte nena kan chen honaah hian a lang a ni. *"An chhungkaw zia alawm"* tih ṭawngkam pawh kan hman fo hi. Hei hian chhungkaw pawimawhzia a tilang a ni.

Chuti taka kan nun hruaitu a nih avang chuan chhungkua kan inenkawlnaah te, kan din dan leh kan dinnaah te hian ngaihpawimawh ngai a awm a. Nakin zela kan nun thui taka min hruai theitu a nih avangin chhungkuaa kan nun dan te, fate kan enkawl dan te, kan ṭawngkam hman duh zawng te, kan chetzia tinreng hi kan uluk a ngai hle a ni. Chhungkaw inrelbawlna fel lo leh dik lo avang hian chhungkaw kehchhia tam tak a awm phah bawk a nia.

Eng nge kan nun hruaitua pawimawh ber ni ta ang le? Chhungkaw kehchhia a awm chhan ber chu Krista lalna chhungkua din loh vang a ni a, inrelbawlna fel lo, inhauh bur burna leh fate pawhin inchhung nuam an tih loh fo chhan chu Kristian chhungkua an din loh vang a ni ber mai.

*Kristian chhungkua, Lalpa chenna te chu kumkhuain an nghing lo, an chuai ve ngai lo. Lungpuia in sain an nghing ve ngai lo, kumkhuain an him reng dawn a ni.* Lalpa dah pawimawh hmasa ber tute chu Lalpa pawh hian a dah pawimawh ṭhin a, Lalpa ngaihsak chhungkua chu "an thlahte chaw khawn pawh in hmu lovang," ti khawp hialin a ṭan a ni.

Chuvangin, Lalpaa innghat chhungkua kan din a pawimawh em em a ni.

Thil dang, Krista aia sum leh pai leh thiamna leh finna te, changkanna te hmanga chhungkua din leh enkawl a, chung chu hlawhtlinna bera kan ngai a nih chuan kan chhungkua chu kan thlahte zelah pawh ngaihtuahawm takah kan dah a ni tih hi i pawm ang u.

Tu leh fate Chhandamna lawnga hruai lut turin kan ṭan theih lai hian ṭan i la tlat ang u.

*Kristian chhungkaw chawlhkar hman nuam ule.*

Comments

Post a Comment

Popular posts from this blog

 *A INHRIATCHHUAH VE LEH* October 3, 2021 (Pathianni tûk) thuchah. _PP. Laldingngheta Sailo_ *Châng thlan:* _Luka 15:17-19  Tin, a inhriat chhuah veleh, ‘Ka pa hnena inhlawhfate chaw ei sen lohva nei an tam vei nen, kei lah chu hetah riltamin ka thi dawn si a!_  _Ka tho vang a, ka pa hnenah ka kal ang a, a hnenah, Ka pa, vana mi chungah leh nangma mithmuhin thil ka tisual e;_  _i fapaa vuah tlak ka ni ta lo ve; i hnena inhlawhfa pakhat angin mi siam ve rawh, ka ti ang,’ a ti a._ *Sawizauna:* Fapa tlanbo tehkhin thu hi beram bo leh duli bo chungchang tehkhin thu dawta Isua sawi a ni a. A pathum hian Pathian hmaa sima kirte chunga lâwmna a entir vek a ni. Tehkhin thua pa ber hi mi hausa tak mai, ram leh chhiahhlawh tam tak nei niin sawi a ni a. A fapate pawhin khawtlangah ngaihpawimawh hlawhin dinhmun ṭha takah an ding ngei ang tih a rinawm a. Nimahsela, chuta lungawi zo lo chuan fapa naupang zawk chuan a ro chanai lâin ram hla takah nuam chen turin a va kal ta a ni. A...
Read more
*Thlarau Thianghlim - Ringtute ralthuam* Têt lai/naupan lai khân kan indo lem/ in ṭheng ṭheng ṭhin a. Silai lem kan hmang a, kan in kâp ṭhin a. Kan kâ hmangin silai kah ri kan siam a, kan han inkâp tak tak chu kan tlu ve phak phak zel a, kan let ve tawp tawp zel ṭhin a nih kha. Nimahsela, silai tak ni lo na na na, a mu awm lo na na na chu kan tho leh mai a. Kan tlan leh zuai zuai ṭhin. Indona tak takah khatiang khan kal ta ila, khâng silai lem hmang khan va do ve ta ila, tumah kan that lovang a, kan hneh ngai lovang. Keimahni kan thi zawk hial ang. Ringtu nun chu indona a ni a, sual sipai nen ni tin kan indo ṭhin. Tam tak chuan naupan laia kan indolem ṭhin ang mai khan ralthuam lem tak tak kan hmang a, thirkawr lem kan ha a, hmanraw lem hlir kan hmangin kan inbel a. Indona mualah kan tlawm leh nge nge ṭhin. Biak Inah theihtawpa ṭhain kan inkhawm a, theihtawpa active-in Kohhranah kan che tla a, chûng chu ralthuam atan kan hmang ṭhin a. Mi beihnan kan hmang ṭhin a. A inhmang...
Read more
*Malsawmna danglam* Vawiin chu kan naute-in a  vawi thum nan vaccine a la a. A ṭap a, a khua te a sik a. Nausên mai a nih avangin ka lainat ngei mai. Hêng vaccine te hi nausên tan chuan a nâin an han chiu hian an ṭap vawn vawn zel a. Hmangaihtu tan chuan hmuh hrehawm tak a ni ṭhin. Tin, an khua a han sik a, hmangaihna leh khawngaihna nena en kan ni bawk a, hmuh an hrehawm ṭhin ngei mai.  Nimahsela, kha vaccine kha a nakin hun atan a ṭha dawn a. Natna chi hrang hrang lo do thei tura a taksa buatsaihna a nih avangin tunah hmangaihtu tan hmuh hrehawmin a tan nâ viau mahse, a khua hial tisik mahse kan tihtir lo thei lo a ni. A tun hun chauh ngaihtuahin khawngaih ta ila, nakinah natna hrang hrang lo thlengin a taksa hian a lo hmelhriat si loh chuan natna dotu a siam zung zung thei dawn si lova. A tan a ṭha dawn lo a ni. Chuvangin,tunah harsa mahse nakinah a tana ṭha zawk tur avangin kan laktir hram hram a ni. Hei hian kraws kawng min ngaihtuahtir a. "Tuarna pumpelh kawng zaw...
Read more