*Lalpa fak leh chawimawi*

*_Sam 34:1-3 "Englai pawhin LALPA chu ka fak ang a: Amah fakna chu ka kaah a chhuak fo vang._*
*_Ka nunna hian LALPA chu a chhuang ang a:_* *_Thuhnuairawlhte chuan chu chu an hria ang a,a n lawm ang._*
*_Aw, LALPA chu mi fakpui ula, A hming chu i chawimawi tlâng ang u."_*

Lalpa fak leh chawimawi hi chi hrang hrangin tih theih a ni a. Zai te, lâm leh rimawi te mai bâkah thil dang tam tak a awm ang chu.

Tam tak chuan Biak In te, Kohhran leh a pawl huam chhung chauh hi Lalpa fak leh chawimawina hmun tur emaw kan ti ṭhin niin a lang a. Sunday-ah, Biak Inah nalh taka Lalpa hmaa inlan a, amah fak leh chawimawi hi kan tihtheih awm chhun niin kan ngai ṭhin. Lalpa kan faka kan chawimawina hmun tur chu a ni ngei mai. Mahse he hmuna kan tawp fel em em zel leh kan thawhṭan, thawhleh, nilài nîtea kan nuna Lalpa a tel ta lo ṭhin hi a pawi lai ber chu a ni.

Heti anga sunday leu Biak in chauhva Lalpa fak leh chawimawi tur emaw tia ngaitu tân chuan kan tunlai dinhmunah phei chuan Lalpa fak leh chawimawina hun a awm  dawn miah lo mai. Kan inkhawm ngai si lo, inpawlho a awm ngai si lo, Kohhran activity a vâng em em mai si. Kohhran huang chhung bâka Lalpa fak leh chawimawi hi theih lohva ngai tan chuan a khawharthlâk hle tawh ngei ang le.

Nimahsela, Lalpa fak leh chawimawina hi zimtêa sawr chi a ni lo va, kan nun pumpui hi a ni zawk tur a ni. Kan nun hmanga Lalpa kan fak leh kan chawimawi hi a tlovin hmuh pawh a nuam ber a, a tak bawk a ni. Chu chuan Biak Ina kan lâm te, thu kan sawi te, kohhrana kan activity hrang hrang bâkah kan ni tin hun hmanna hrang hrang (office te, in te, kan lo leh huan, dâwr, etc)-a kan hnathawh dan engkim hi a huam vek avangin dik lo taka thil tih te, zel thel taka mawhphurhna lâk te, duhâm taka chêt lâk leh thil ṭha lo dang te kha rem a tihsak ve lo va. Lalpa fak leh chawimawina kha Biak Inah tawp mai lovin ni tin nun atan kan keng tlang zawk tur a ni. Hei hi Lalpa fak leh chawimawina nun chu a ni.

*Biak Inah chauh Lalpa fak leh chawimawi hi tum lo ila, kan ni tin nunah i lantir zawk ang u.* Sam ziaktu ang hian eng lai pawha Lalpa fak tur kan ni a, Lalpa fakna hi kan nunah a chhuak reng tur a ni zawk.

Mari'n "Ka nunin Lalpa a chawimawi e," a tih ang hian nuna Lalpa chawimawi hi kan thlarau tân, midangte tân pawh a chhenfâkawm ber a ni tih i hre thar leh ang u.

*Lalpa chu i chawimawi ang u.*

14.6.2020 (sun)

Comments

Post a Comment

Popular posts from this blog

 *A INHRIATCHHUAH VE LEH* October 3, 2021 (Pathianni tûk) thuchah. _PP. Laldingngheta Sailo_ *Châng thlan:* _Luka 15:17-19  Tin, a inhriat chhuah veleh, ‘Ka pa hnena inhlawhfate chaw ei sen lohva nei an tam vei nen, kei lah chu hetah riltamin ka thi dawn si a!_  _Ka tho vang a, ka pa hnenah ka kal ang a, a hnenah, Ka pa, vana mi chungah leh nangma mithmuhin thil ka tisual e;_  _i fapaa vuah tlak ka ni ta lo ve; i hnena inhlawhfa pakhat angin mi siam ve rawh, ka ti ang,’ a ti a._ *Sawizauna:* Fapa tlanbo tehkhin thu hi beram bo leh duli bo chungchang tehkhin thu dawta Isua sawi a ni a. A pathum hian Pathian hmaa sima kirte chunga lâwmna a entir vek a ni. Tehkhin thua pa ber hi mi hausa tak mai, ram leh chhiahhlawh tam tak nei niin sawi a ni a. A fapate pawhin khawtlangah ngaihpawimawh hlawhin dinhmun ṭha takah an ding ngei ang tih a rinawm a. Nimahsela, chuta lungawi zo lo chuan fapa naupang zawk chuan a ro chanai lâin ram hla takah nuam chen turin a va kal ta a ni. A...
Read more
*Thlarau Thianghlim - Ringtute ralthuam* Têt lai/naupan lai khân kan indo lem/ in ṭheng ṭheng ṭhin a. Silai lem kan hmang a, kan in kâp ṭhin a. Kan kâ hmangin silai kah ri kan siam a, kan han inkâp tak tak chu kan tlu ve phak phak zel a, kan let ve tawp tawp zel ṭhin a nih kha. Nimahsela, silai tak ni lo na na na, a mu awm lo na na na chu kan tho leh mai a. Kan tlan leh zuai zuai ṭhin. Indona tak takah khatiang khan kal ta ila, khâng silai lem hmang khan va do ve ta ila, tumah kan that lovang a, kan hneh ngai lovang. Keimahni kan thi zawk hial ang. Ringtu nun chu indona a ni a, sual sipai nen ni tin kan indo ṭhin. Tam tak chuan naupan laia kan indolem ṭhin ang mai khan ralthuam lem tak tak kan hmang a, thirkawr lem kan ha a, hmanraw lem hlir kan hmangin kan inbel a. Indona mualah kan tlawm leh nge nge ṭhin. Biak Inah theihtawpa ṭhain kan inkhawm a, theihtawpa active-in Kohhranah kan che tla a, chûng chu ralthuam atan kan hmang ṭhin a. Mi beihnan kan hmang ṭhin a. A inhmang...
Read more
*Malsawmna danglam* Vawiin chu kan naute-in a  vawi thum nan vaccine a la a. A ṭap a, a khua te a sik a. Nausên mai a nih avangin ka lainat ngei mai. Hêng vaccine te hi nausên tan chuan a nâin an han chiu hian an ṭap vawn vawn zel a. Hmangaihtu tan chuan hmuh hrehawm tak a ni ṭhin. Tin, an khua a han sik a, hmangaihna leh khawngaihna nena en kan ni bawk a, hmuh an hrehawm ṭhin ngei mai.  Nimahsela, kha vaccine kha a nakin hun atan a ṭha dawn a. Natna chi hrang hrang lo do thei tura a taksa buatsaihna a nih avangin tunah hmangaihtu tan hmuh hrehawmin a tan nâ viau mahse, a khua hial tisik mahse kan tihtir lo thei lo a ni. A tun hun chauh ngaihtuahin khawngaih ta ila, nakinah natna hrang hrang lo thlengin a taksa hian a lo hmelhriat si loh chuan natna dotu a siam zung zung thei dawn si lova. A tan a ṭha dawn lo a ni. Chuvangin,tunah harsa mahse nakinah a tana ṭha zawk tur avangin kan laktir hram hram a ni. Hei hian kraws kawng min ngaihtuahtir a. "Tuarna pumpelh kawng zaw...
Read more