*Hriat loh hlauh*
Dawih deuh deuh, zana hlauh hre zet zet, an hlauh ber sawi tur alawi hre si lo hi an awm ve nuk nia. "Eng nge i hlauh?" tiin han zawt ila, "ka hre lo" tia min chhang hi an awm leh nulh zel. Mahni hlauh ber pawh hriat loh hi a awm theih ve dawn a lo nih hi.
Ni, an hlauh ber kha hria se, an bulah a awm lo a ni, engtin mah a tidawn lo a ni tih hria se chuan an hlau lo ni mai tur. Kan hriat loh miau avang hian kan hlau ṭhin a lo ni. Hrechiang ila, a lo inven dan leh a hêl dante pawh kan hria ang a, a hlauhawm lo deuh thei mai thei asin.
Ṭhenkhat chuan thawm eng emaw an hria a, an hlau a, mahse an thawm hriat kha fiahna awm se thil hotê a lo ni leh ṭhin. An hmuh sual thil tam tak an hlau a, an han fiah meuh chuan hlauhawm a lo ni leh si lo. Hmanah pawh kan khaw nu pakhatin thil dum rûn hi a hmu a, savawm emaw a ti a. A hlau lutuk, tihngaihna hre si lo chuan maimitchhingin a pawm thut mai a. Mahse vanneihthlak takin thing bul a lo ni hlauh. A lo hlauhawm miah lo mai. Fiah hnua ho tê tê lo ni leh si ṭhin hi hriat chian loh avang hian kan hlau fo zu nia.
Kan tunlai boruakah pawh hian a ni chiahin ka hria. Kan hlauh ber hre chiang lo hi kan kat nuk mai thei a ni. Virus pawh hi hmu theiin tunge kai tih hria ila chuan a kai lote kan hlau lovang a, a kaia te zawk kha kan hlau mai tur. Kan hriat si loh avangin tute mai pawh hi kan inhlau tawn a, kan inṭih tawn vel mai mai a lo ni. Vei lo leh vei lo kan inhlau tawn vel mai mai te kha a lo ni a. Hriat chian miau loh avang mai kha a nia.
Pathian pawh hi a hre chiang apiangin an hlau lo ni maiin a lang. A hrechiang apiangin hriatchian leh zual an duh a. A hre tlem apiangin an hlau ṭhin. Pathian hrechiangtu chuan an hlat ngam tawh lova, an hnaih tlat ṭhin. An himna tih an hriat avangin. Pathian hrechiang lotu chuan an ṭih a, an hlau ṭhin.
Pathian min chhandamna te hi hrechiang tana a lawmawm teh lul nen, kan thawh ve tel lova va rin mai kha kan damna a nih a chian nen, kan chhandamna hi kan thawh chhuah tur emaw tia mahnia thawh ve tum tlatte hi an hah thlawn ṭhin. Ti ṭha famkim thei chuang si lovin chhandam ni leh ta lo nia inhriatna an nei mai a. An hriat lohna kha an hlauhna a ni.
Kan rinna hi khawngaihna chuan min pawmsak a, chu rinnaah chuan thil ṭha tihna a awm zawk tih hre lo tan chuan ringtu nun hi hahthlak em em hi a ni ringawt mai a ni. Thiltih a ni lo kan tih avanga ringtu tih tur mausam lam a ni lo. Ringtute chuan lawm takin khawngaihnaa kan chan zawk avang hian thiltih a phurawm tawh ṭhin.
*Hre chiang ila, nang ka bosan tawh lo'ng che, hriat chian leu zual che hi ka va duh êm.*
Dawih deuh deuh, zana hlauh hre zet zet, an hlauh ber sawi tur alawi hre si lo hi an awm ve nuk nia. "Eng nge i hlauh?" tiin han zawt ila, "ka hre lo" tia min chhang hi an awm leh nulh zel. Mahni hlauh ber pawh hriat loh hi a awm theih ve dawn a lo nih hi.
Ni, an hlauh ber kha hria se, an bulah a awm lo a ni, engtin mah a tidawn lo a ni tih hria se chuan an hlau lo ni mai tur. Kan hriat loh miau avang hian kan hlau ṭhin a lo ni. Hrechiang ila, a lo inven dan leh a hêl dante pawh kan hria ang a, a hlauhawm lo deuh thei mai thei asin.
Ṭhenkhat chuan thawm eng emaw an hria a, an hlau a, mahse an thawm hriat kha fiahna awm se thil hotê a lo ni leh ṭhin. An hmuh sual thil tam tak an hlau a, an han fiah meuh chuan hlauhawm a lo ni leh si lo. Hmanah pawh kan khaw nu pakhatin thil dum rûn hi a hmu a, savawm emaw a ti a. A hlau lutuk, tihngaihna hre si lo chuan maimitchhingin a pawm thut mai a. Mahse vanneihthlak takin thing bul a lo ni hlauh. A lo hlauhawm miah lo mai. Fiah hnua ho tê tê lo ni leh si ṭhin hi hriat chian loh avang hian kan hlau fo zu nia.
Kan tunlai boruakah pawh hian a ni chiahin ka hria. Kan hlauh ber hre chiang lo hi kan kat nuk mai thei a ni. Virus pawh hi hmu theiin tunge kai tih hria ila chuan a kai lote kan hlau lovang a, a kaia te zawk kha kan hlau mai tur. Kan hriat si loh avangin tute mai pawh hi kan inhlau tawn a, kan inṭih tawn vel mai mai a lo ni. Vei lo leh vei lo kan inhlau tawn vel mai mai te kha a lo ni a. Hriat chian miau loh avang mai kha a nia.
Pathian pawh hi a hre chiang apiangin an hlau lo ni maiin a lang. A hrechiang apiangin hriatchian leh zual an duh a. A hre tlem apiangin an hlau ṭhin. Pathian hrechiangtu chuan an hlat ngam tawh lova, an hnaih tlat ṭhin. An himna tih an hriat avangin. Pathian hrechiang lotu chuan an ṭih a, an hlau ṭhin.
Pathian min chhandamna te hi hrechiang tana a lawmawm teh lul nen, kan thawh ve tel lova va rin mai kha kan damna a nih a chian nen, kan chhandamna hi kan thawh chhuah tur emaw tia mahnia thawh ve tum tlatte hi an hah thlawn ṭhin. Ti ṭha famkim thei chuang si lovin chhandam ni leh ta lo nia inhriatna an nei mai a. An hriat lohna kha an hlauhna a ni.
Kan rinna hi khawngaihna chuan min pawmsak a, chu rinnaah chuan thil ṭha tihna a awm zawk tih hre lo tan chuan ringtu nun hi hahthlak em em hi a ni ringawt mai a ni. Thiltih a ni lo kan tih avanga ringtu tih tur mausam lam a ni lo. Ringtute chuan lawm takin khawngaihnaa kan chan zawk avang hian thiltih a phurawm tawh ṭhin.
*Hre chiang ila, nang ka bosan tawh lo'ng che, hriat chian leu zual che hi ka va duh êm.*
Comments
Post a Comment