*MARANATHA*

*_Matthaia 24:7  Hnam hrang leh hnam hrang an indo vng a, ram hrang leh ram hrang an indo vang a; hmun hrang hrangah tamte a tla ang a, lirte a nghing ang._*

Kan tunlai boruak thlir hian Lalpa lo kal lehna hi a hla tawh lo hle a ni tih hi a hriat theih mai âwm e. A chunga kan Pathian thu tarlan aṭang khian chiang takin kan sawi theiah ngai ang. Zawlnei nih kher a ngai lova, Pathian thua innghat tan chuan a lo kal leh dawna thil thleng tur hrang hrang khi ngaihtuahin a lo kal ṭêp tawh a ni ti ila a sual lovang.

A hun leh ni thu erawh tumahin, Pa chauh lo chuan, an hre lo. Nimahsela, _warning_ min pe a, a lo kal leh dawnah chuan *"Indo thu leh indo thu thang in hria ang... Hnam hrang leh hnam hrang an indo vang a, ram hrang leh ram hrang an indo vang a; hmun hrang hrangah tamte a tla ang a, lirte a nghing ang,"* tiin. Hei hi a takin kan tawng chho mêk a ni.

Tuna India leh China inkâra indo thu thang te, ram dang dang inkâra indo thu thang te, tin, tuna kan hri lêng mêk te, he hri lêng avanga ṭam hmabâk kan ni an tih fo te, leh tunlaia lirnghing zing ta lutuk te hian Lalpa lokal lehna hi a hnai takzet tawh a ni tih an tilangin ka hria.

*"Inpeih lote inpeih a hun a, sual tihchah pawh a hun ta e, kan tan khua a tlai hma hian, hnung lam paih a, hma lam ûmin, ṭawngṭai leh pian thar a hun ta Nazaret Isua a kal lai hian,"* tia duhthawh zeta hla siamtuin min sawm ang hian kan tun hun chhiar chunga Lalpa tawk tura kan inpeih a hun takzet a ni.

Tun hi khawngaihna hun a ni a, a liam ṭep chu a ni ber e. He khawngaihna hun hi hun hnuhnung ber a ni ngei ang. Kan muang sual ang tih a hlauhawm hlein ka hria, muanga kan ngaih ang hian Lalpa hi a thutiam kawngah a muang lo. Mi zawng zawngin Amah nei se min duh avangin a dawhthei mai mai zawk a ni.

Lalpa hi a lo kal leh dawn (Maranatha) a, Lalpa tawk tura kan inpeih a hun takzet a ni.

Comments

Post a Comment

Popular posts from this blog

 *A INHRIATCHHUAH VE LEH* October 3, 2021 (Pathianni tûk) thuchah. _PP. Laldingngheta Sailo_ *Châng thlan:* _Luka 15:17-19  Tin, a inhriat chhuah veleh, ‘Ka pa hnena inhlawhfate chaw ei sen lohva nei an tam vei nen, kei lah chu hetah riltamin ka thi dawn si a!_  _Ka tho vang a, ka pa hnenah ka kal ang a, a hnenah, Ka pa, vana mi chungah leh nangma mithmuhin thil ka tisual e;_  _i fapaa vuah tlak ka ni ta lo ve; i hnena inhlawhfa pakhat angin mi siam ve rawh, ka ti ang,’ a ti a._ *Sawizauna:* Fapa tlanbo tehkhin thu hi beram bo leh duli bo chungchang tehkhin thu dawta Isua sawi a ni a. A pathum hian Pathian hmaa sima kirte chunga lâwmna a entir vek a ni. Tehkhin thua pa ber hi mi hausa tak mai, ram leh chhiahhlawh tam tak nei niin sawi a ni a. A fapate pawhin khawtlangah ngaihpawimawh hlawhin dinhmun ṭha takah an ding ngei ang tih a rinawm a. Nimahsela, chuta lungawi zo lo chuan fapa naupang zawk chuan a ro chanai lâin ram hla takah nuam chen turin a va kal ta a ni. A...
Read more
*Thlarau Thianghlim - Ringtute ralthuam* Têt lai/naupan lai khân kan indo lem/ in ṭheng ṭheng ṭhin a. Silai lem kan hmang a, kan in kâp ṭhin a. Kan kâ hmangin silai kah ri kan siam a, kan han inkâp tak tak chu kan tlu ve phak phak zel a, kan let ve tawp tawp zel ṭhin a nih kha. Nimahsela, silai tak ni lo na na na, a mu awm lo na na na chu kan tho leh mai a. Kan tlan leh zuai zuai ṭhin. Indona tak takah khatiang khan kal ta ila, khâng silai lem hmang khan va do ve ta ila, tumah kan that lovang a, kan hneh ngai lovang. Keimahni kan thi zawk hial ang. Ringtu nun chu indona a ni a, sual sipai nen ni tin kan indo ṭhin. Tam tak chuan naupan laia kan indolem ṭhin ang mai khan ralthuam lem tak tak kan hmang a, thirkawr lem kan ha a, hmanraw lem hlir kan hmangin kan inbel a. Indona mualah kan tlawm leh nge nge ṭhin. Biak Inah theihtawpa ṭhain kan inkhawm a, theihtawpa active-in Kohhranah kan che tla a, chûng chu ralthuam atan kan hmang ṭhin a. Mi beihnan kan hmang ṭhin a. A inhmang...
Read more
*Malsawmna danglam* Vawiin chu kan naute-in a  vawi thum nan vaccine a la a. A ṭap a, a khua te a sik a. Nausên mai a nih avangin ka lainat ngei mai. Hêng vaccine te hi nausên tan chuan a nâin an han chiu hian an ṭap vawn vawn zel a. Hmangaihtu tan chuan hmuh hrehawm tak a ni ṭhin. Tin, an khua a han sik a, hmangaihna leh khawngaihna nena en kan ni bawk a, hmuh an hrehawm ṭhin ngei mai.  Nimahsela, kha vaccine kha a nakin hun atan a ṭha dawn a. Natna chi hrang hrang lo do thei tura a taksa buatsaihna a nih avangin tunah hmangaihtu tan hmuh hrehawmin a tan nâ viau mahse, a khua hial tisik mahse kan tihtir lo thei lo a ni. A tun hun chauh ngaihtuahin khawngaih ta ila, nakinah natna hrang hrang lo thlengin a taksa hian a lo hmelhriat si loh chuan natna dotu a siam zung zung thei dawn si lova. A tan a ṭha dawn lo a ni. Chuvangin,tunah harsa mahse nakinah a tana ṭha zawk tur avangin kan laktir hram hram a ni. Hei hian kraws kawng min ngaihtuahtir a. "Tuarna pumpelh kawng zaw...
Read more