*Tlanchhe nun*
Nizan ka mumangah kan lo tlanchhe hrep mai a. Min umtute lahin tawp mai ang ti duh bik hek lo. Zinga ka harh thlengin kan han inûm a nih kha. A tlanchhe zawk nih chuan hrehawm duh ang reng tak chu a ni.
Tlanchhiat chhan hi dâwih zawk vâng emaw, thil tih dik loh vâng emaw a ni ṭhin a. A tlâwm zawk leh a chak lo zâwkte hi an tlanchhe fo mai. Chutihrual chuan a dik zawk, a chak zawk leh huai zawk te pawh a ṭul dan a zira tlanchhiat a ṭul châng a awm fo bawk. Chawngbawla bawl theih lohna dan angte pawh kha. Huai zâwk intih avanga tawngpawng bawh mai chi a ni vek lo ṭhin.
Engpawh nise, *tlanchhe nun* neih hi a lo hahthlâk mang e. Thlamuang lo rêng rênga hun hman a ni dawn si a. *"Misual chu ûm lohvin an tlanchhia"* an ti ṭhin. A ni lah tak a, miin thil a tihsual chuan a tihsual kha an man ang tih hlau rêng rêngin hun a hmang a, mi hêl leh tlanchhe rêng rêngin a hun a hmang a ni. Nun hi a nuam tak tak thei lo.
Adama leh Evi te pawh khân Pathian laka thil an tihsual tak hnu khân, ni tina leng dun ṭhin ni mahse, an lo biruksan a. Anmahni lamah dik lohna an nei tih an inhriat khan an inkiltawih a, Lalpa an hmu ngam lo. Anmahni kha an tlanchhe nghal mai a ni.
Hei hi a ni, tlanchhe nun chu. Inthiam lo leh inkiltawih tak siin Lalpa an hmachhawn lo thei si lo. Hlauhthawnnaa khatin an awm ṭhin. Mihring nuna ka hlauh ber leh hrehawm ka tih ber pakhat chu *Thlamuanna neih loh* hi a ni. Mi thlamuang lote hi an khawngaihthlak ṭhin a ni.
Vawiinah hian engpawh ti la, Pathian laka i dâwih phahna tur thil tih loh hram tum ang che. *Hmangaihnaah chuan hlauhna rêng a awm lo; famkimin hlauhna a hnawt chhuak zawk ṭhin a ni* (I Johana 4:18). Pathian kan hmangaihna hian thil sual kan tih tur lakah min veng ṭhin. Nupui pasal inhmangaihna avangin uirê tura thlemna a do zawh theih ṭhin. Pathian hmangaihna avangin eirukna, uirêna, leh thil sual hrang hrang lakah a inven theih ṭhin. Chutianga Lalpa hmangaihna avanga thil sual hnawltute chu Pathian lakah an huai ṭhin. Ama laka huai i duh chuan a hmangaihna che hria la, hmangaih lêt ve ang che. Hmangaihna chuan engkim a hneh thei a ni.
*Pathianin a hmangaih che.*
Nizan ka mumangah kan lo tlanchhe hrep mai a. Min umtute lahin tawp mai ang ti duh bik hek lo. Zinga ka harh thlengin kan han inûm a nih kha. A tlanchhe zawk nih chuan hrehawm duh ang reng tak chu a ni.
Tlanchhiat chhan hi dâwih zawk vâng emaw, thil tih dik loh vâng emaw a ni ṭhin a. A tlâwm zawk leh a chak lo zâwkte hi an tlanchhe fo mai. Chutihrual chuan a dik zawk, a chak zawk leh huai zawk te pawh a ṭul dan a zira tlanchhiat a ṭul châng a awm fo bawk. Chawngbawla bawl theih lohna dan angte pawh kha. Huai zâwk intih avanga tawngpawng bawh mai chi a ni vek lo ṭhin.
Engpawh nise, *tlanchhe nun* neih hi a lo hahthlâk mang e. Thlamuang lo rêng rênga hun hman a ni dawn si a. *"Misual chu ûm lohvin an tlanchhia"* an ti ṭhin. A ni lah tak a, miin thil a tihsual chuan a tihsual kha an man ang tih hlau rêng rêngin hun a hmang a, mi hêl leh tlanchhe rêng rêngin a hun a hmang a ni. Nun hi a nuam tak tak thei lo.
Adama leh Evi te pawh khân Pathian laka thil an tihsual tak hnu khân, ni tina leng dun ṭhin ni mahse, an lo biruksan a. Anmahni lamah dik lohna an nei tih an inhriat khan an inkiltawih a, Lalpa an hmu ngam lo. Anmahni kha an tlanchhe nghal mai a ni.
Hei hi a ni, tlanchhe nun chu. Inthiam lo leh inkiltawih tak siin Lalpa an hmachhawn lo thei si lo. Hlauhthawnnaa khatin an awm ṭhin. Mihring nuna ka hlauh ber leh hrehawm ka tih ber pakhat chu *Thlamuanna neih loh* hi a ni. Mi thlamuang lote hi an khawngaihthlak ṭhin a ni.
Vawiinah hian engpawh ti la, Pathian laka i dâwih phahna tur thil tih loh hram tum ang che. *Hmangaihnaah chuan hlauhna rêng a awm lo; famkimin hlauhna a hnawt chhuak zawk ṭhin a ni* (I Johana 4:18). Pathian kan hmangaihna hian thil sual kan tih tur lakah min veng ṭhin. Nupui pasal inhmangaihna avangin uirê tura thlemna a do zawh theih ṭhin. Pathian hmangaihna avangin eirukna, uirêna, leh thil sual hrang hrang lakah a inven theih ṭhin. Chutianga Lalpa hmangaihna avanga thil sual hnawltute chu Pathian lakah an huai ṭhin. Ama laka huai i duh chuan a hmangaihna che hria la, hmangaih lêt ve ang che. Hmangaihna chuan engkim a hneh thei a ni.
*Pathianin a hmangaih che.*
Comments
Post a Comment