*BKHP Day chibai ule.*
*Lalpa chu ring la, thil ṭha ti rawh;*
*He ramah hian awm la, rinawmna ùm zêl rawh.* Sam 37:3
Vawiin BKHP day vawi 82-na a ni a, thupui atan "Rinawmna" tih hman a ni. Kum dang anga hman theih ni lo mahse he ní leh he thupui hian kan nun luah se la a va ṭha êm.
Kum dang ang chu nise vawiin angah hian Mizorama BKHP memberte chuan mahni Unit-ah ṭheuh he nî hi làwmin hun hlimawm tak kan hmang ngei hlawmin ka ring a. Nimahsela kan hun leh nunah kan thu lohzia a lang chiang hle a ni.
Tukina ka rilrua thu lo awm chu "Amah avangin kan nung, kan che, kan awm a ni si a," tia Tirhkoh Paula ṭawngkam kha a ni. Kum tin danah neiin he ni hi BKHP te chuan kan hmang ṭhin a nih kha. Kuminah pawh Unit tam takin ruahmanna siam lâwkin he ni hman dan tur an lo ruahman ngei ang a, nimahsela, kan thu lohzia a lang chiang hle. Lalpa avanga nung ve chauh, Amah avanga he khawvêlah hian lo awma lo piang ve chauh, Amah avâng vêka che thei leh thil ti ve ṭhin chauh kan ni tih a chiang hle.
Vawiina kan thupui 'Rinawmna' tih hi a pawimawh hle a. Kan ni tin nuna kan mamawh a ni. Kan ram dinhmun chhiatzia nasa takin kan sawi a, kan politics khelh dan tenawmzia te, kan contract hna leh thildanga kan dik tawk lohzia te leh thil dang tam tak hi kan rinawm loh vang a ni a. Kohhrana inhmang reng chunga dik lohna kan ngaih theih luat avang hian Lalpa leh a kohhran hi sawichhiatin a awm mêk a ni.
Kohhran mi vek kan ni a, kohhran huang chhunga kan rawngbawlna hi a pawn lama kan lanchhuahtir theih loh avang hian kan lo heti zo ta a nih hi. Lalpa rawngbawltu inti reng chunga Biak Ina kan nun dan kalsana Lalpa kan rinawm lohsan ṭhin avanga kan ram chhiatna zozai hi siamṭhat a va ṭul êm.
Hla siamtu chuan 'kan ram leh hnam chhan tur hian sum leh pai hausakna a ngai lo ve, diknate leh rinawmna, huaisenna kan ram tan kan hlan theih chuan a tawk e,' a lo ti a. A dik viau mai. Lalpa mi kan nihna, a rawngbawltu kan nihna hi Biak In leh a chhehvel piah lam thleng hian rinawmpui ila chuan kan ram hi kan siam ṭha thei ngeiin a rinawm.
Kan Bible pawhin "Rorelna dik chu lui angin luang sela, felna chu luipui kang ngai lo angin luang rawh se" a lo ti bawk a. Rinawmna leh dikna hi Lalpa hian a ngaipawimawh hle a ni. Dikna nunchhuahpui thei mang si lova Lalpa hminga kan tih tam tak hi pawm a ni tlat lo.
Josepha chu a mihringpui tuma hmuh lohva thilsual a tih dawn pawha a theih tlat lohna chhan chu Lalpa laka a rinawm vang a ni. Lalpa laka tisual dawna a inhriat tlat avangin a ngam tlat lo. Kan tih apiang hi Lalpa tan anga tiah inngai ngam ila chuan thil tam tak hi dik takin kan ti ngeiin a rinawm.
Vawiinah hian Lalpa tan rinawm turin inpe thar leh ila, mahni, chhungkua, kohhran leh ram siamṭha turin pên khat talin i pên ve teh ang u.
*Lalpa chu ring la, thil ṭha ti rawh;*
*He ramah hian awm la, rinawmna ùm zêl rawh.* Sam 37:3
Vawiin BKHP day vawi 82-na a ni a, thupui atan "Rinawmna" tih hman a ni. Kum dang anga hman theih ni lo mahse he ní leh he thupui hian kan nun luah se la a va ṭha êm.
Kum dang ang chu nise vawiin angah hian Mizorama BKHP memberte chuan mahni Unit-ah ṭheuh he nî hi làwmin hun hlimawm tak kan hmang ngei hlawmin ka ring a. Nimahsela kan hun leh nunah kan thu lohzia a lang chiang hle a ni.
Tukina ka rilrua thu lo awm chu "Amah avangin kan nung, kan che, kan awm a ni si a," tia Tirhkoh Paula ṭawngkam kha a ni. Kum tin danah neiin he ni hi BKHP te chuan kan hmang ṭhin a nih kha. Kuminah pawh Unit tam takin ruahmanna siam lâwkin he ni hman dan tur an lo ruahman ngei ang a, nimahsela, kan thu lohzia a lang chiang hle. Lalpa avanga nung ve chauh, Amah avanga he khawvêlah hian lo awma lo piang ve chauh, Amah avâng vêka che thei leh thil ti ve ṭhin chauh kan ni tih a chiang hle.
Vawiina kan thupui 'Rinawmna' tih hi a pawimawh hle a. Kan ni tin nuna kan mamawh a ni. Kan ram dinhmun chhiatzia nasa takin kan sawi a, kan politics khelh dan tenawmzia te, kan contract hna leh thildanga kan dik tawk lohzia te leh thil dang tam tak hi kan rinawm loh vang a ni a. Kohhrana inhmang reng chunga dik lohna kan ngaih theih luat avang hian Lalpa leh a kohhran hi sawichhiatin a awm mêk a ni.
Kohhran mi vek kan ni a, kohhran huang chhunga kan rawngbawlna hi a pawn lama kan lanchhuahtir theih loh avang hian kan lo heti zo ta a nih hi. Lalpa rawngbawltu inti reng chunga Biak Ina kan nun dan kalsana Lalpa kan rinawm lohsan ṭhin avanga kan ram chhiatna zozai hi siamṭhat a va ṭul êm.
Hla siamtu chuan 'kan ram leh hnam chhan tur hian sum leh pai hausakna a ngai lo ve, diknate leh rinawmna, huaisenna kan ram tan kan hlan theih chuan a tawk e,' a lo ti a. A dik viau mai. Lalpa mi kan nihna, a rawngbawltu kan nihna hi Biak In leh a chhehvel piah lam thleng hian rinawmpui ila chuan kan ram hi kan siam ṭha thei ngeiin a rinawm.
Kan Bible pawhin "Rorelna dik chu lui angin luang sela, felna chu luipui kang ngai lo angin luang rawh se" a lo ti bawk a. Rinawmna leh dikna hi Lalpa hian a ngaipawimawh hle a ni. Dikna nunchhuahpui thei mang si lova Lalpa hminga kan tih tam tak hi pawm a ni tlat lo.
Josepha chu a mihringpui tuma hmuh lohva thilsual a tih dawn pawha a theih tlat lohna chhan chu Lalpa laka a rinawm vang a ni. Lalpa laka tisual dawna a inhriat tlat avangin a ngam tlat lo. Kan tih apiang hi Lalpa tan anga tiah inngai ngam ila chuan thil tam tak hi dik takin kan ti ngeiin a rinawm.
Vawiinah hian Lalpa tan rinawm turin inpe thar leh ila, mahni, chhungkua, kohhran leh ram siamṭha turin pên khat talin i pên ve teh ang u.
Comments
Post a Comment