*Malsawmna danglam*
Vawiin chu kan naute-in a vawi thum nan vaccine a la a. A ṭap a, a khua te a sik a. Nausên mai a nih avangin ka lainat ngei mai. Hêng vaccine te hi nausên tan chuan a nâin an han chiu hian an ṭap vawn vawn zel a. Hmangaihtu tan chuan hmuh hrehawm tak a ni ṭhin. Tin, an khua a han sik a, hmangaihna leh khawngaihna nena en kan ni bawk a, hmuh an hrehawm ṭhin ngei mai.
Nimahsela, kha vaccine kha a nakin hun atan a ṭha dawn a. Natna chi hrang hrang lo do thei tura a taksa buatsaihna a nih avangin tunah hmangaihtu tan hmuh hrehawmin a tan nâ viau mahse, a khua hial tisik mahse kan tihtir lo thei lo a ni. A tun hun chauh ngaihtuahin khawngaih ta ila, nakinah natna hrang hrang lo thlengin a taksa hian a lo hmelhriat si loh chuan natna dotu a siam zung zung thei dawn si lova. A tan a ṭha dawn lo a ni. Chuvangin,tunah harsa mahse nakinah a tana ṭha zawk tur avangin kan laktir hram hram a ni.
Hei hian kraws kawng min ngaihtuahtir a. "Tuarna pumpelh kawng zawhtuten kraws nunna hnar an hloh si ṭhin," an tih ang khan kan ringtu nunah hian Kraws kawng zawh lo chuan tumah a kal theih loh va. He kawng hi vanram kan panna kawng a nih avangin zawh ngei ngei a ngai a ni. Nunna duh chuan kraws kawng hi zawh hmasak a ngai si. Pumpelh kawng dang a awm lo va, pumpelhna zawngtute chuan nunna an hloh ṭhin rêng a ni.
Lalpa hian ringtuten hrehawm kan tuar hi a duh a ni ngawt lo va. Ṭah Hla 3:33-ah pawh *"Mihring fate tihhreawm leh tihvui hi a duhzawng a ni si lo,"* tih kan hmu hial zawk a ni. Chuvangin, ringtute tihrehawm leh tihlungngaih hi Lalpa duhzawng a ni ringawt lo. Hrehawm kan tuar te, lungngaihna leh harsatna kan tawkte hi hmuh hrehawm min ti em em zawk a ni.
Chutihrual chuan, kan fate nakin hun ngaihtuah a, tuna an vaccine la, na tuar leh khawsik pawh pawisa zo lova hmuh hrehawm ti chung chunga kan tihtir hram hram ang hian kan tana ṭha tur leh Amah kan hmuh fiah theih nana hrehawm kan tuar hi Lalpa hian a lo remti a, a lo phal a ni. Awmze nei lovin kan tuar lo va, awmze nei lovin harsatna kan tawk lo. Awmze nei lovin lungngaihna kan chungah a thleng lo. A phenah hian Lalpa a awm a, hrehawm ti takin min thlir ṭhin. Nimahsela, harsatna phena a ropuizia hmu tur te, harsatna phena a chakzia kan hmuh nan te, lungngaihna hmuna a thlamuanna hlutzia kan hriat nan te, Amah kan hmuh theihna tur te hian Lalpa hi inthukruin kan tawrhna phenah hian a lo awm ṭhin a ni.
Hei hi malsawmna danglam (blessing in disguise) an tih chu a ni. Kan dil loh zawk malsawmna, vanduainaa kan ruat; a hmangaihna lantirtu ni si chu a ni.
Tuna harsatna kan tawh hi a tawpna a ni lova. A phena Lalpa a inpuanchhuah duh vang a ni fo tih hria ila. Tunah kan duh loh thil kan chungah a thleng a nih pawhin a phenah hian Lalpa a awm tih i hre tlat ang u.
Kan rinna fiahna tur te, Amah kan hmuh fiahna tur te, Amaha kan innghahna tur te, min tichak lehzual tur te leh kan tana ṭha zawk tura a ruat avang te, Ama ropuina tarlanna zawk tur te hian engpawh kan chunga thlen a phal a. A lawmawm lam ngawt ni lovin mihring tana thlanawm loh, duhawm loh lam pawh hi hreh tak chungin a thlen tir ṭhin a ni. Mahse, hetah hian a zo vek lova, a harsa chinah a tawp lo va, a phenah Lalpa a inpuang chhuak ṭhin.
*Mahse, ka Lal hnen min thlen dawn vangin, ṭap chungin Kraws kawng ka zawh zel ang.*
Vawiin chu kan naute-in a vawi thum nan vaccine a la a. A ṭap a, a khua te a sik a. Nausên mai a nih avangin ka lainat ngei mai. Hêng vaccine te hi nausên tan chuan a nâin an han chiu hian an ṭap vawn vawn zel a. Hmangaihtu tan chuan hmuh hrehawm tak a ni ṭhin. Tin, an khua a han sik a, hmangaihna leh khawngaihna nena en kan ni bawk a, hmuh an hrehawm ṭhin ngei mai.
Nimahsela, kha vaccine kha a nakin hun atan a ṭha dawn a. Natna chi hrang hrang lo do thei tura a taksa buatsaihna a nih avangin tunah hmangaihtu tan hmuh hrehawmin a tan nâ viau mahse, a khua hial tisik mahse kan tihtir lo thei lo a ni. A tun hun chauh ngaihtuahin khawngaih ta ila, nakinah natna hrang hrang lo thlengin a taksa hian a lo hmelhriat si loh chuan natna dotu a siam zung zung thei dawn si lova. A tan a ṭha dawn lo a ni. Chuvangin,tunah harsa mahse nakinah a tana ṭha zawk tur avangin kan laktir hram hram a ni.
Hei hian kraws kawng min ngaihtuahtir a. "Tuarna pumpelh kawng zawhtuten kraws nunna hnar an hloh si ṭhin," an tih ang khan kan ringtu nunah hian Kraws kawng zawh lo chuan tumah a kal theih loh va. He kawng hi vanram kan panna kawng a nih avangin zawh ngei ngei a ngai a ni. Nunna duh chuan kraws kawng hi zawh hmasak a ngai si. Pumpelh kawng dang a awm lo va, pumpelhna zawngtute chuan nunna an hloh ṭhin rêng a ni.
Lalpa hian ringtuten hrehawm kan tuar hi a duh a ni ngawt lo va. Ṭah Hla 3:33-ah pawh *"Mihring fate tihhreawm leh tihvui hi a duhzawng a ni si lo,"* tih kan hmu hial zawk a ni. Chuvangin, ringtute tihrehawm leh tihlungngaih hi Lalpa duhzawng a ni ringawt lo. Hrehawm kan tuar te, lungngaihna leh harsatna kan tawkte hi hmuh hrehawm min ti em em zawk a ni.
Chutihrual chuan, kan fate nakin hun ngaihtuah a, tuna an vaccine la, na tuar leh khawsik pawh pawisa zo lova hmuh hrehawm ti chung chunga kan tihtir hram hram ang hian kan tana ṭha tur leh Amah kan hmuh fiah theih nana hrehawm kan tuar hi Lalpa hian a lo remti a, a lo phal a ni. Awmze nei lovin kan tuar lo va, awmze nei lovin harsatna kan tawk lo. Awmze nei lovin lungngaihna kan chungah a thleng lo. A phenah hian Lalpa a awm a, hrehawm ti takin min thlir ṭhin. Nimahsela, harsatna phena a ropuizia hmu tur te, harsatna phena a chakzia kan hmuh nan te, lungngaihna hmuna a thlamuanna hlutzia kan hriat nan te, Amah kan hmuh theihna tur te hian Lalpa hi inthukruin kan tawrhna phenah hian a lo awm ṭhin a ni.
Hei hi malsawmna danglam (blessing in disguise) an tih chu a ni. Kan dil loh zawk malsawmna, vanduainaa kan ruat; a hmangaihna lantirtu ni si chu a ni.
Tuna harsatna kan tawh hi a tawpna a ni lova. A phena Lalpa a inpuanchhuah duh vang a ni fo tih hria ila. Tunah kan duh loh thil kan chungah a thleng a nih pawhin a phenah hian Lalpa a awm tih i hre tlat ang u.
Kan rinna fiahna tur te, Amah kan hmuh fiahna tur te, Amaha kan innghahna tur te, min tichak lehzual tur te leh kan tana ṭha zawk tura a ruat avang te, Ama ropuina tarlanna zawk tur te hian engpawh kan chunga thlen a phal a. A lawmawm lam ngawt ni lovin mihring tana thlanawm loh, duhawm loh lam pawh hi hreh tak chungin a thlen tir ṭhin a ni. Mahse, hetah hian a zo vek lova, a harsa chinah a tawp lo va, a phenah Lalpa a inpuang chhuak ṭhin.
*Mahse, ka Lal hnen min thlen dawn vangin, ṭap chungin Kraws kawng ka zawh zel ang.*
Comments
Post a Comment