*Thlarau Thianghlim: Thutaka min hruaitu*

_Johana 16:13_ *Nimahsela amah, Thlarau dik tak chu, a lo thlen hun chuan thutak zawng zawngah chuan a hruai lut ang che u: amaha phuahchawpin thu a sawi dawn si lo; thu a dawn apiang chu a hril zawk ang; thil lo thleng turte pawh a hriattir ang che u.*

Kumin Pentecost thupui atana BCM in a thlan chu 'Thutaka min hruaitu Thlarau Thianghlim' tih a ni a. A ṭha hle mai.

Mizote Kristiante'n Thlarau mi nia kan hriat tlanglawn berte chu hlim lawm lâm duh mi, thusawi thiam, Kohhran bêl leh ngaina mi, ṭawng hriat loh leh taksa chetna nena bei ve thei mai te hi an ni. Hêng hi an thlarau mi bîk riau hian kan hre ṭhin a. Kan ṭawngkau chhehah pawh hmanga "A rau hle mai" tia kan han hmehbel mai ṭhinte chu khi ti ang ho khi an ni fo mai. Khîng khi a dik lo ve ka tihna ni lovin kan hriatthiam dan hi a la zim viau mai a. Khiti ang pawh khian Thlarau Thianghlim chuan hna a thawk thei a, a thawk rêng bawk a ni.

Nimahsela, Pathian Thlarau Thianghlimin a chenchilh leh a pawl ṭhinte chu khitiangah khian an tawp mai ngai lo. Khimi bâkah khian *Thlarau Thianghlim chuan Thutaka min hruai luh hi a tum ṭhin.*

Thlarau Thianghlim hnathawh kan hmu ṭhin a. Thlarau thilpek kan dawn dan pawh a inang lo ṭhin. Chuvangin, midang chan hi dik lova inngaihsak tawp hi a him ber lo. Chutihrual chuan keimahniah ṭheuh infiah ila. Thlarau Thianghlim chuan kawng hrang hrangin hna a thawk ang. Nimahsela a tum ber chu Thutaka min hruai luh hi a ni.

Nuna Pathian thu lang chhuak thei si lo, lâm vak vak, thusawi vak vak, taksa chetna nena mi nawr vak mai emaw ṭawng hriat loh leh eng emaw hmanga ti vak ṭhin, nimahsela a nuna Thutak (Pathian thu) lang chhuak thei dêr si lo hi a awm theih tlat.

Thlarau Thianghlim changtu intite hian eng chenah nge kan reh bun ṭhin ang le? Ni tina kan nun hi Thlarau Thianghlim chuan thutaka hruai luh a duh a. Pathian thua kan nun kaihhruai a tum a ni. Kan office naah, kan hnathawhnaah, kan sumdawnna ah, kan eizawnna kawng hrang hrangah, kan chhungkuaah, kan mimal nunah Thutak len lohna khawpa thildang lakluh kan neih hi a thiang lo. Pathian Thlarau chuan kan nun a ei ang a, chumi mil chuan kan nun a ṭul tawh zawk a ni.

*Lâm vak vak, inkhawm peih em em, thu ṭha tak tak sawi, active em em ringawt turin Thlarau Thianghlim hian min hruai a tum lo va, kan ni tin hun hmanah hian Thutaka min nuntir a tum zawk a ni.*

Chuvangin, kan sakhaw mina hi Biak In leh a chheh vêlah mai ni lo midang nena kan inkâr nunah te, kan eizawnna leh thiltihna tinrengah hian lang chhuak se la, a thua hretu mai ni lova, a taka pawmtu leh zawmtu nih ṭheuh i tum ang u.

Comments

Post a Comment

Popular posts from this blog

 *A INHRIATCHHUAH VE LEH* October 3, 2021 (Pathianni tûk) thuchah. _PP. Laldingngheta Sailo_ *Châng thlan:* _Luka 15:17-19  Tin, a inhriat chhuah veleh, ‘Ka pa hnena inhlawhfate chaw ei sen lohva nei an tam vei nen, kei lah chu hetah riltamin ka thi dawn si a!_  _Ka tho vang a, ka pa hnenah ka kal ang a, a hnenah, Ka pa, vana mi chungah leh nangma mithmuhin thil ka tisual e;_  _i fapaa vuah tlak ka ni ta lo ve; i hnena inhlawhfa pakhat angin mi siam ve rawh, ka ti ang,’ a ti a._ *Sawizauna:* Fapa tlanbo tehkhin thu hi beram bo leh duli bo chungchang tehkhin thu dawta Isua sawi a ni a. A pathum hian Pathian hmaa sima kirte chunga lâwmna a entir vek a ni. Tehkhin thua pa ber hi mi hausa tak mai, ram leh chhiahhlawh tam tak nei niin sawi a ni a. A fapate pawhin khawtlangah ngaihpawimawh hlawhin dinhmun ṭha takah an ding ngei ang tih a rinawm a. Nimahsela, chuta lungawi zo lo chuan fapa naupang zawk chuan a ro chanai lâin ram hla takah nuam chen turin a va kal ta a ni. A...
Read more
*Thlarau Thianghlim - Ringtute ralthuam* Têt lai/naupan lai khân kan indo lem/ in ṭheng ṭheng ṭhin a. Silai lem kan hmang a, kan in kâp ṭhin a. Kan kâ hmangin silai kah ri kan siam a, kan han inkâp tak tak chu kan tlu ve phak phak zel a, kan let ve tawp tawp zel ṭhin a nih kha. Nimahsela, silai tak ni lo na na na, a mu awm lo na na na chu kan tho leh mai a. Kan tlan leh zuai zuai ṭhin. Indona tak takah khatiang khan kal ta ila, khâng silai lem hmang khan va do ve ta ila, tumah kan that lovang a, kan hneh ngai lovang. Keimahni kan thi zawk hial ang. Ringtu nun chu indona a ni a, sual sipai nen ni tin kan indo ṭhin. Tam tak chuan naupan laia kan indolem ṭhin ang mai khan ralthuam lem tak tak kan hmang a, thirkawr lem kan ha a, hmanraw lem hlir kan hmangin kan inbel a. Indona mualah kan tlawm leh nge nge ṭhin. Biak Inah theihtawpa ṭhain kan inkhawm a, theihtawpa active-in Kohhranah kan che tla a, chûng chu ralthuam atan kan hmang ṭhin a. Mi beihnan kan hmang ṭhin a. A inhmang...
Read more
*Malsawmna danglam* Vawiin chu kan naute-in a  vawi thum nan vaccine a la a. A ṭap a, a khua te a sik a. Nausên mai a nih avangin ka lainat ngei mai. Hêng vaccine te hi nausên tan chuan a nâin an han chiu hian an ṭap vawn vawn zel a. Hmangaihtu tan chuan hmuh hrehawm tak a ni ṭhin. Tin, an khua a han sik a, hmangaihna leh khawngaihna nena en kan ni bawk a, hmuh an hrehawm ṭhin ngei mai.  Nimahsela, kha vaccine kha a nakin hun atan a ṭha dawn a. Natna chi hrang hrang lo do thei tura a taksa buatsaihna a nih avangin tunah hmangaihtu tan hmuh hrehawmin a tan nâ viau mahse, a khua hial tisik mahse kan tihtir lo thei lo a ni. A tun hun chauh ngaihtuahin khawngaih ta ila, nakinah natna hrang hrang lo thlengin a taksa hian a lo hmelhriat si loh chuan natna dotu a siam zung zung thei dawn si lova. A tan a ṭha dawn lo a ni. Chuvangin,tunah harsa mahse nakinah a tana ṭha zawk tur avangin kan laktir hram hram a ni. Hei hian kraws kawng min ngaihtuahtir a. "Tuarna pumpelh kawng zaw...
Read more