*Engkimin a thupek an awih ṭhin*

Thli tleh leh tuifawn nasa tak te chuan Isua thu an awih a. Isua'n bâng tura thu a pek chu an hnial thei lo. 

Isua'n damna thu a puanin a hlawhchham ve ngai lo. A ṭawngkam khat chauh pawh damna a ni a, a puan hmawr mai mai deh pawh damna a tling.

Ramhuai zawl ten ngai an awh leh a, mi kawchhung ata chhuah thu a pek chuan an awm lui ngam reng reng lo. 

Isua thu thlenna hmunah chuan thiltihtheihna a thleng ṭhin. Natna ten a thu an awih a, ramhuai ten an hlau a, thli tleh leh tuifawn lam pawhin a thu an awih. 

Leilung chanchin zir mite chuan India ram chhak lam chu seismic zone V ah min dahin very high risk zone-ah kan awm mêk tih an sawi kan hria a. Hei hi a zira zirte sawi ngei a nih avangin awih pawh a awihawm khawp mai. 

Nimahsela, Ninevi hrem tur thu puantirtu Pathian khân Lalpa lama an inlamlêt a, Lalpa an han auh tak tak kha chuan a thu a sût leh chiang hle. A mite hrem an nihna tur tam tak lakah a thu a sût a, a hnena an ṭawngṭaina a chhang ṭhin.

Zaninah hian kan mangangin kan thla a phâng a ni mai thei e. Chanchin hlui leh thar ten kan thlamuanna min chhuhsak ṭhin a. Khawvêla kan inthlamuan ve ṭhinna ten min thlamuan zo lova, kan innghahna ṭhinteah kan innghat ṭha ngam ta lo.

Chuvangin, zanina lungngaia thlaphang leh mangang zawng zawngte u, Lalpa hi i au leh tawp mai ang u. Kan dil angin min la chhâng duh mial mahna. Kan ṭawngṭaina leh kan dilna chhân min tiamtu kha a ni e. 

Thu vawi khat a sawi pawhin leilung dân hi a sâwi danglam thei. Red zone-ah awm mah ila Isua'n thu a pek chuan kan awmna lei hian engmah a ti lovang. Tuipui luang lai a chawlhtir thei a, ni a tiding thei a, leilung che tur mai mai hi chu a tiding thei lutuk tlat. Chuvangin, min thlamuan lotu thilte thlir thlir lovin Lalpa zawk hi i au teh ang u. 

"Mi au la, ka chhâng ang che" ti tu, leilung nghah chhân phûma vânte kaipharhtu hian thil a tithei tih i hria ang u. Chu chu kan rin Pathian hi a ni si a.

*Isua hnenah hlauh tur a awm lo, engkimin a thupek an awih ṭhin.*

Comments

Post a Comment

Popular posts from this blog

 *A INHRIATCHHUAH VE LEH* October 3, 2021 (Pathianni tûk) thuchah. _PP. Laldingngheta Sailo_ *Châng thlan:* _Luka 15:17-19  Tin, a inhriat chhuah veleh, ‘Ka pa hnena inhlawhfate chaw ei sen lohva nei an tam vei nen, kei lah chu hetah riltamin ka thi dawn si a!_  _Ka tho vang a, ka pa hnenah ka kal ang a, a hnenah, Ka pa, vana mi chungah leh nangma mithmuhin thil ka tisual e;_  _i fapaa vuah tlak ka ni ta lo ve; i hnena inhlawhfa pakhat angin mi siam ve rawh, ka ti ang,’ a ti a._ *Sawizauna:* Fapa tlanbo tehkhin thu hi beram bo leh duli bo chungchang tehkhin thu dawta Isua sawi a ni a. A pathum hian Pathian hmaa sima kirte chunga lâwmna a entir vek a ni. Tehkhin thua pa ber hi mi hausa tak mai, ram leh chhiahhlawh tam tak nei niin sawi a ni a. A fapate pawhin khawtlangah ngaihpawimawh hlawhin dinhmun ṭha takah an ding ngei ang tih a rinawm a. Nimahsela, chuta lungawi zo lo chuan fapa naupang zawk chuan a ro chanai lâin ram hla takah nuam chen turin a va kal ta a ni. A...
Read more
*Thlarau Thianghlim - Ringtute ralthuam* Têt lai/naupan lai khân kan indo lem/ in ṭheng ṭheng ṭhin a. Silai lem kan hmang a, kan in kâp ṭhin a. Kan kâ hmangin silai kah ri kan siam a, kan han inkâp tak tak chu kan tlu ve phak phak zel a, kan let ve tawp tawp zel ṭhin a nih kha. Nimahsela, silai tak ni lo na na na, a mu awm lo na na na chu kan tho leh mai a. Kan tlan leh zuai zuai ṭhin. Indona tak takah khatiang khan kal ta ila, khâng silai lem hmang khan va do ve ta ila, tumah kan that lovang a, kan hneh ngai lovang. Keimahni kan thi zawk hial ang. Ringtu nun chu indona a ni a, sual sipai nen ni tin kan indo ṭhin. Tam tak chuan naupan laia kan indolem ṭhin ang mai khan ralthuam lem tak tak kan hmang a, thirkawr lem kan ha a, hmanraw lem hlir kan hmangin kan inbel a. Indona mualah kan tlawm leh nge nge ṭhin. Biak Inah theihtawpa ṭhain kan inkhawm a, theihtawpa active-in Kohhranah kan che tla a, chûng chu ralthuam atan kan hmang ṭhin a. Mi beihnan kan hmang ṭhin a. A inhmang...
Read more
*Malsawmna danglam* Vawiin chu kan naute-in a  vawi thum nan vaccine a la a. A ṭap a, a khua te a sik a. Nausên mai a nih avangin ka lainat ngei mai. Hêng vaccine te hi nausên tan chuan a nâin an han chiu hian an ṭap vawn vawn zel a. Hmangaihtu tan chuan hmuh hrehawm tak a ni ṭhin. Tin, an khua a han sik a, hmangaihna leh khawngaihna nena en kan ni bawk a, hmuh an hrehawm ṭhin ngei mai.  Nimahsela, kha vaccine kha a nakin hun atan a ṭha dawn a. Natna chi hrang hrang lo do thei tura a taksa buatsaihna a nih avangin tunah hmangaihtu tan hmuh hrehawmin a tan nâ viau mahse, a khua hial tisik mahse kan tihtir lo thei lo a ni. A tun hun chauh ngaihtuahin khawngaih ta ila, nakinah natna hrang hrang lo thlengin a taksa hian a lo hmelhriat si loh chuan natna dotu a siam zung zung thei dawn si lova. A tan a ṭha dawn lo a ni. Chuvangin,tunah harsa mahse nakinah a tana ṭha zawk tur avangin kan laktir hram hram a ni. Hei hian kraws kawng min ngaihtuahtir a. "Tuarna pumpelh kawng zaw...
Read more