*BIBLE LEH MIZO KRISTIANTE*

Mizo Kristiante hi Bible ngaina leh ngaisang tak kan ni a. A hi a hlu em lah tak a. Kan thurin innghahna leh kan Pathian thu ziahna a nih avangin a hlu a ni.

Chutih rualin Bible (lehkhabu) kan ngaihsan dan hi a pawimawh lai tak ṭhelh zawngin a ni deuh ṭhin em aw tih a ngaihtuah theih.

A bu hi ka  hlut hlur a, in tinah kan kawl a. Tihhmelhem kan hlau em em a, lukhama hman te, ke nghah chhana hman te leh eng eng emaw nana hman hi kan remti hauh lo va, kan duh lo hle ṭhin. Bible hal an awm phei chuan ramhuai hmuhin kan hmu ṭhin hialin a hriat. Chhiar chhuak nih pawh kan inngaihlu a, nuam kan ti a, a chhiar chhuakte pawh kan fak hle ṭhin. A ziaha ziak chhuakte ngei phei chu kan dah sâng ṭhin hle nghe nghe a nih hi.

Khing khi a ṭha lo ve ka ti lo. Kan theihtawpin kan uluk tur a ni. Chutihrual chuan a bu ringawt ngaipawimawh leh ngai hlu a, a chhung thu zawm tum si lo kan nih erawh a hlauhawm viauin ka hria.

A pawimawh tak tak zawk chu a chhunga thu awmte hi a ni a, nunna thu a ni. Sam ziaktu chuan "I thute hi ka tan khawnvar a ni a, ka kawng atan êng a ni" a ti a. Kan Bible (Pathian thu) hi kan kawng êntu leh sialtu, kan nun hruaitu atan kan hmang tak tak em tih hi a pawimawh lai tak chu a ni.

Hmaraw hlutna chu kan hman danah a ni a, pawisa pawh hi dah ṭhat renga hman phal loh hian a ṭangkai nep khawp mai. Mamawhnaa kan hman hian a hlu a ni.

Kan Biak inah te, Kohhran thil tihna hrang hrangah he Pathian thu (Bible) hmang hian kan nun dan tur, kan tih tur hrang hrang kan zir ṭhin a. A hlu a ni. Nimahsela, kan thu zirte hmanna turah chuan kan zir tam zawk hi kan hmang thei ta ṭhin lo va. Hei hi kan Kristianna tiduap em emtu a ni. Kohhran mi ni lêm lo pawhin min sawichhiatna tam ber chu Pathian thuin kan nun a kaihruai thei lo hi a ni.

Bible zakzeh chunga lehlama thil sual tih hreh lo, Bible chhiar chhuak fova mi rêl tur leh sawisel tur dap reng mai, a ziah pawh ziak chhuak hial thei awmna Kristiante zinga mahni hlawkna tura sum ziak bo thei tho Kristian, Bible zirtirna ṭha tam tak zir leh hre chunga a huat em em thil tih ṭhulh chuang si lo Kristian kan tam lutuk ta hi kan ram ṭhanmawhbâwk ni ngeiin ka hria.

Chuvangin, Kan Bible ngaihsan leh ngainat tluk hian a chhunga thu zawm lamah hian taima ila, Bible kan roh tluk zet hian a thute hian kan nun eiin kan nunah awmze neiin lang chhuak se la. Kan nun kawng atan êng leh khawnvâr ni se kan Kristianna hian kan mimal nun, kan chhungkua leh ram hi kawng tam takin min siamṭha ngeiin ka ring a ni.

Bible thu (Pathian thu) hi kan mamawhnaah kan hmang thei em? Mamawh hun zela hman tura min pek Pathian thu, kan nun atana min pek hi kan ipteah kan ak bo emaw, kan zakzeh mawi mai mai emaw, inhnialna atthlaka telpui nana kan hmang mai mai emaw a nih chuan a hlu tawk lo hle ang.

Bible hlutna chu a chhunga Pathian Thu vang chauh hi a ni. Chuvangin, a bu hi kawl satliah lo ila, inkhawmnaah keng satliah lo ila, a chhung thu hian kan nun min ei teh se.

Comments

Post a Comment

Popular posts from this blog

 *A INHRIATCHHUAH VE LEH* October 3, 2021 (Pathianni tûk) thuchah. _PP. Laldingngheta Sailo_ *Châng thlan:* _Luka 15:17-19  Tin, a inhriat chhuah veleh, ‘Ka pa hnena inhlawhfate chaw ei sen lohva nei an tam vei nen, kei lah chu hetah riltamin ka thi dawn si a!_  _Ka tho vang a, ka pa hnenah ka kal ang a, a hnenah, Ka pa, vana mi chungah leh nangma mithmuhin thil ka tisual e;_  _i fapaa vuah tlak ka ni ta lo ve; i hnena inhlawhfa pakhat angin mi siam ve rawh, ka ti ang,’ a ti a._ *Sawizauna:* Fapa tlanbo tehkhin thu hi beram bo leh duli bo chungchang tehkhin thu dawta Isua sawi a ni a. A pathum hian Pathian hmaa sima kirte chunga lâwmna a entir vek a ni. Tehkhin thua pa ber hi mi hausa tak mai, ram leh chhiahhlawh tam tak nei niin sawi a ni a. A fapate pawhin khawtlangah ngaihpawimawh hlawhin dinhmun ṭha takah an ding ngei ang tih a rinawm a. Nimahsela, chuta lungawi zo lo chuan fapa naupang zawk chuan a ro chanai lâin ram hla takah nuam chen turin a va kal ta a ni. A...
Read more
*Thlarau Thianghlim - Ringtute ralthuam* Têt lai/naupan lai khân kan indo lem/ in ṭheng ṭheng ṭhin a. Silai lem kan hmang a, kan in kâp ṭhin a. Kan kâ hmangin silai kah ri kan siam a, kan han inkâp tak tak chu kan tlu ve phak phak zel a, kan let ve tawp tawp zel ṭhin a nih kha. Nimahsela, silai tak ni lo na na na, a mu awm lo na na na chu kan tho leh mai a. Kan tlan leh zuai zuai ṭhin. Indona tak takah khatiang khan kal ta ila, khâng silai lem hmang khan va do ve ta ila, tumah kan that lovang a, kan hneh ngai lovang. Keimahni kan thi zawk hial ang. Ringtu nun chu indona a ni a, sual sipai nen ni tin kan indo ṭhin. Tam tak chuan naupan laia kan indolem ṭhin ang mai khan ralthuam lem tak tak kan hmang a, thirkawr lem kan ha a, hmanraw lem hlir kan hmangin kan inbel a. Indona mualah kan tlawm leh nge nge ṭhin. Biak Inah theihtawpa ṭhain kan inkhawm a, theihtawpa active-in Kohhranah kan che tla a, chûng chu ralthuam atan kan hmang ṭhin a. Mi beihnan kan hmang ṭhin a. A inhmang...
Read more
*Malsawmna danglam* Vawiin chu kan naute-in a  vawi thum nan vaccine a la a. A ṭap a, a khua te a sik a. Nausên mai a nih avangin ka lainat ngei mai. Hêng vaccine te hi nausên tan chuan a nâin an han chiu hian an ṭap vawn vawn zel a. Hmangaihtu tan chuan hmuh hrehawm tak a ni ṭhin. Tin, an khua a han sik a, hmangaihna leh khawngaihna nena en kan ni bawk a, hmuh an hrehawm ṭhin ngei mai.  Nimahsela, kha vaccine kha a nakin hun atan a ṭha dawn a. Natna chi hrang hrang lo do thei tura a taksa buatsaihna a nih avangin tunah hmangaihtu tan hmuh hrehawmin a tan nâ viau mahse, a khua hial tisik mahse kan tihtir lo thei lo a ni. A tun hun chauh ngaihtuahin khawngaih ta ila, nakinah natna hrang hrang lo thlengin a taksa hian a lo hmelhriat si loh chuan natna dotu a siam zung zung thei dawn si lova. A tan a ṭha dawn lo a ni. Chuvangin,tunah harsa mahse nakinah a tana ṭha zawk tur avangin kan laktir hram hram a ni. Hei hian kraws kawng min ngaihtuahtir a. "Tuarna pumpelh kawng zaw...
Read more