*Diabola dodal rawh u* (Pathian thu zawm rawh)

Zu hi sual a ni lova, a hman sual theih. (Lo ngai kawi suh)

Damdawi hi sual a ni lova, a hman sual theih.

Sex hi sual a ni lova, a hman sual theih.

Pathian thu hi thu tak a ni a, a hman sual theih.

A hmangtu rilru leh a hman dan a zir zel a lo ni.

Kan chhungte/ṭhiante emaw hnenah an natna/hliam avanga a chhawk nana zu kan pek chuan leh miin ruih tumna hrim hrim rilru pua a in chuan kan ngaih dan a dang daih. Sual leh sual lo kan thliarna chu kan rilru puthmang leh kan hman dan a nih mai hmel.

Damdawi hi dam nana kan hman chuan sualah kan ngai miah lova, dam loh leh nawm loh deuh apiangin kan ei mai. Engah mah kan ngai lo. Mahse miin ruih nan hrim hrima a hman chuan sualah kan ngai thung. A damdawia kha a sual a ni chuang lo. A hmangtu kha a zir a ni mai.

Sex hi Pathianin nupa nuna bet tlat tura a siam a ni a, nupa kara hman a nih chuan sualah kan ngai miah lo. A ni lo rêng bawk a. Mahse miin nupa kar ni lova a hman chuan leh uirê nana a hman phei chuan sual hleah kan ngai hmiah mai. Sex nge sual a hmangtu? A nih dan tur ni lova lo hmangtu kha sual chu a ni dawn lo'm ni?

Pathian thu hi kan nun chawmtu tur a ni a, kan nun kaihhruaina tur leh vanram kawng kan zawhnaa min hruaitu tur ber a ni. Mahse Pathian thu hmu dik lo leh hmang dik lotu tan chuan vanram kawngah ni lo, chatuan boralna kawnga min hruai kawitu a ni thei tlat. Pathian thu kha a ṭha lo a ni lova, a aia ṭha awm lo hial zawk a ni. Mahse a hmangtu hman dan a zir a lo ni. A sawi thiam tan chuan  hei aia fiaha sawi dan a awmin ka ring.

Chuvangin, kan thinlung, kan rilru puthmang hi dik sela, kan thlir dan hi dik sela chuan vawiina kan nunphung tam tak hi chu hei ai hian a duhawm ngei ka ring a ni.

Pathian duh loh zawng anga awm hi sual a ni a. Eng ang hian nge awm ila Pathian ka tihlawm ang tih hi ngaihtuah berah i nei ang u.

Setana hian Pathian kan tihlawm a hlau ber a, setana hi do tlat ila, Pathian hi kan tihlawm ka ring a ni. An thu a inkalh tlat si a. Pathian thu anga kan nun hi setana kan dona a ni a, setan thu kan kalh hi Pathian thu kan zawmna a ni bawk.

Kan do tur ber setana hi do hmasa ila, a dawta kan tih tur chu a lo in hril chawp mai.

Comments

Post a Comment

Popular posts from this blog

 *A INHRIATCHHUAH VE LEH* October 3, 2021 (Pathianni tûk) thuchah. _PP. Laldingngheta Sailo_ *Châng thlan:* _Luka 15:17-19  Tin, a inhriat chhuah veleh, ‘Ka pa hnena inhlawhfate chaw ei sen lohva nei an tam vei nen, kei lah chu hetah riltamin ka thi dawn si a!_  _Ka tho vang a, ka pa hnenah ka kal ang a, a hnenah, Ka pa, vana mi chungah leh nangma mithmuhin thil ka tisual e;_  _i fapaa vuah tlak ka ni ta lo ve; i hnena inhlawhfa pakhat angin mi siam ve rawh, ka ti ang,’ a ti a._ *Sawizauna:* Fapa tlanbo tehkhin thu hi beram bo leh duli bo chungchang tehkhin thu dawta Isua sawi a ni a. A pathum hian Pathian hmaa sima kirte chunga lâwmna a entir vek a ni. Tehkhin thua pa ber hi mi hausa tak mai, ram leh chhiahhlawh tam tak nei niin sawi a ni a. A fapate pawhin khawtlangah ngaihpawimawh hlawhin dinhmun ṭha takah an ding ngei ang tih a rinawm a. Nimahsela, chuta lungawi zo lo chuan fapa naupang zawk chuan a ro chanai lâin ram hla takah nuam chen turin a va kal ta a ni. A...
Read more
*Thlarau Thianghlim - Ringtute ralthuam* Têt lai/naupan lai khân kan indo lem/ in ṭheng ṭheng ṭhin a. Silai lem kan hmang a, kan in kâp ṭhin a. Kan kâ hmangin silai kah ri kan siam a, kan han inkâp tak tak chu kan tlu ve phak phak zel a, kan let ve tawp tawp zel ṭhin a nih kha. Nimahsela, silai tak ni lo na na na, a mu awm lo na na na chu kan tho leh mai a. Kan tlan leh zuai zuai ṭhin. Indona tak takah khatiang khan kal ta ila, khâng silai lem hmang khan va do ve ta ila, tumah kan that lovang a, kan hneh ngai lovang. Keimahni kan thi zawk hial ang. Ringtu nun chu indona a ni a, sual sipai nen ni tin kan indo ṭhin. Tam tak chuan naupan laia kan indolem ṭhin ang mai khan ralthuam lem tak tak kan hmang a, thirkawr lem kan ha a, hmanraw lem hlir kan hmangin kan inbel a. Indona mualah kan tlawm leh nge nge ṭhin. Biak Inah theihtawpa ṭhain kan inkhawm a, theihtawpa active-in Kohhranah kan che tla a, chûng chu ralthuam atan kan hmang ṭhin a. Mi beihnan kan hmang ṭhin a. A inhmang...
Read more
*Malsawmna danglam* Vawiin chu kan naute-in a  vawi thum nan vaccine a la a. A ṭap a, a khua te a sik a. Nausên mai a nih avangin ka lainat ngei mai. Hêng vaccine te hi nausên tan chuan a nâin an han chiu hian an ṭap vawn vawn zel a. Hmangaihtu tan chuan hmuh hrehawm tak a ni ṭhin. Tin, an khua a han sik a, hmangaihna leh khawngaihna nena en kan ni bawk a, hmuh an hrehawm ṭhin ngei mai.  Nimahsela, kha vaccine kha a nakin hun atan a ṭha dawn a. Natna chi hrang hrang lo do thei tura a taksa buatsaihna a nih avangin tunah hmangaihtu tan hmuh hrehawmin a tan nâ viau mahse, a khua hial tisik mahse kan tihtir lo thei lo a ni. A tun hun chauh ngaihtuahin khawngaih ta ila, nakinah natna hrang hrang lo thlengin a taksa hian a lo hmelhriat si loh chuan natna dotu a siam zung zung thei dawn si lova. A tan a ṭha dawn lo a ni. Chuvangin,tunah harsa mahse nakinah a tana ṭha zawk tur avangin kan laktir hram hram a ni. Hei hian kraws kawng min ngaihtuahtir a. "Tuarna pumpelh kawng zaw...
Read more