[13/01, 1:48 pm] laldingnghetasailo:

*Isua'n a hria*

Jaira fanu tidam tura Isua a kal lai khan mipui tam takin an nêk huai huai a, an zui nasa em em a, a tu berin nge dek a, si a, nek pawh hriat loh khan mipui tam takin an zui a ni. Nimahsela, Isua'n "Tunge ka puante dek kha?" a ti ta tlat mai a.

Tichuan zirtirte chuan mak ti takin an zawt a, "Mipuiin an nek huai huai che hi i hmu si a, ‘Tunge mi dek?’ engtiziaa ti nge i nih leh?" an ti a. Nimahsela, Isua'n amah nek huai huaitu mipui zingah khân dektu pakhat lek kha a hre bik tlat.

Ni, khami ṭuma mipui tam tak karah khan Isua thiltihtheihna hria a, a tihdamna beisei a, thinlung tak taka dektu pakhat a awm a ni. Chu hmeichhe thi pût, kum sawm leh kum hnih lai mai thi pût tawh, doctor-a beidawng tawh, Isuaah chauh beisei nei tawh kha hmeichhia, chu a beiseina pawh tilang ṭha ngam lo, a ruktêa beisei, mahse a beiseina erawh lian hle si a, a puan hmawr chauh pawh dek se dam inbeisei khawpa Isua ring kha, kha nu ngei kha Isua'n a hre tlat.

*Isua'n a hriat bîk chhan kha ka ngaihtuah hian Isua a rinna leh amaha a innghahna leh a thinlung tak taka Isua a beiseina kha niin ka hria. Isua khan nêktu nazawng kha a hre lo a, thinlung taka dektu kha a ni a hriat ni.*

Isua zuitu inti a, a rawngbawl inti ṭheuh ṭheuh zingah hian Isua'n a hriat bîk hi a awm theih dawn khawp mai. Isua zuitu hmingpu zingah hian a hriat leh hriat loh kan awm dawn a. Amah avanga thil ti ṭheuh ṭheuh, amah beisei ṭheuh ṭheuh hi dam leh dam lo, a rawng kan bawl tih a hriat leh hriat loh hi kan awm dawn. Isua kha an zui ṭheuh va, an dekin an nêk huai huai hial a nih kha. Chûng zinga a langsar lo ber, a rûktêa lo dektu kha Isua hriat ber a ni tlat thung.

Isua rawngbawltu langsar leh chanvo nei ṭha nazawng te, Isua hminga thil ti tam nazawng te hi Isua hriatte kan ni kher lo thei a, kan thiltih leh rawngbawlnate hi Isua hriat a ni kher lo thei a ni.

Isua hriat theih, dilna tam tak zinga a chhân châk, zuitu tam tak zinga a hriat, a rawngbawltu tam tak zinga a hriatte chu *Amaha beiseina nghat tlat a, thinlung zawng zawnga amah  dektute, khawvêl thil aia amah leh a rawngbawl ngaipawimawhtute* hi an ni fo.

A zui vetu dangte pawhin an hriat loh ni mah se, Isua khân kha hmeichhe deh kha a hre tlat ang khân khawvêl mithmuhah, mihring mithmuhah langsar lo mah ila, mihring ngaiha dinhmun sâng leh ṭhaah ding lo mah ila, rawngbawlna langsar chelh lem lo mah ila, chutiang dinhmuna dingte aia Isua'n a hmelhriat leh a thiltihtheihna a pêk zawkte kan ni thei a ni.

Zuitu leh rawngbawltu tam tak zinga Isua'n a hriat fuh chat leh a thiltihtheihna a pêk, chumi hmanga khawngaih rawngbawlna hna thawktu nih hi a va pawimawh tehlul em.

Comments

Post a Comment

Popular posts from this blog

 *A INHRIATCHHUAH VE LEH* October 3, 2021 (Pathianni tûk) thuchah. _PP. Laldingngheta Sailo_ *Châng thlan:* _Luka 15:17-19  Tin, a inhriat chhuah veleh, ‘Ka pa hnena inhlawhfate chaw ei sen lohva nei an tam vei nen, kei lah chu hetah riltamin ka thi dawn si a!_  _Ka tho vang a, ka pa hnenah ka kal ang a, a hnenah, Ka pa, vana mi chungah leh nangma mithmuhin thil ka tisual e;_  _i fapaa vuah tlak ka ni ta lo ve; i hnena inhlawhfa pakhat angin mi siam ve rawh, ka ti ang,’ a ti a._ *Sawizauna:* Fapa tlanbo tehkhin thu hi beram bo leh duli bo chungchang tehkhin thu dawta Isua sawi a ni a. A pathum hian Pathian hmaa sima kirte chunga lâwmna a entir vek a ni. Tehkhin thua pa ber hi mi hausa tak mai, ram leh chhiahhlawh tam tak nei niin sawi a ni a. A fapate pawhin khawtlangah ngaihpawimawh hlawhin dinhmun ṭha takah an ding ngei ang tih a rinawm a. Nimahsela, chuta lungawi zo lo chuan fapa naupang zawk chuan a ro chanai lâin ram hla takah nuam chen turin a va kal ta a ni. A...
Read more
*Thlarau Thianghlim - Ringtute ralthuam* Têt lai/naupan lai khân kan indo lem/ in ṭheng ṭheng ṭhin a. Silai lem kan hmang a, kan in kâp ṭhin a. Kan kâ hmangin silai kah ri kan siam a, kan han inkâp tak tak chu kan tlu ve phak phak zel a, kan let ve tawp tawp zel ṭhin a nih kha. Nimahsela, silai tak ni lo na na na, a mu awm lo na na na chu kan tho leh mai a. Kan tlan leh zuai zuai ṭhin. Indona tak takah khatiang khan kal ta ila, khâng silai lem hmang khan va do ve ta ila, tumah kan that lovang a, kan hneh ngai lovang. Keimahni kan thi zawk hial ang. Ringtu nun chu indona a ni a, sual sipai nen ni tin kan indo ṭhin. Tam tak chuan naupan laia kan indolem ṭhin ang mai khan ralthuam lem tak tak kan hmang a, thirkawr lem kan ha a, hmanraw lem hlir kan hmangin kan inbel a. Indona mualah kan tlawm leh nge nge ṭhin. Biak Inah theihtawpa ṭhain kan inkhawm a, theihtawpa active-in Kohhranah kan che tla a, chûng chu ralthuam atan kan hmang ṭhin a. Mi beihnan kan hmang ṭhin a. A inhmang...
Read more
*Malsawmna danglam* Vawiin chu kan naute-in a  vawi thum nan vaccine a la a. A ṭap a, a khua te a sik a. Nausên mai a nih avangin ka lainat ngei mai. Hêng vaccine te hi nausên tan chuan a nâin an han chiu hian an ṭap vawn vawn zel a. Hmangaihtu tan chuan hmuh hrehawm tak a ni ṭhin. Tin, an khua a han sik a, hmangaihna leh khawngaihna nena en kan ni bawk a, hmuh an hrehawm ṭhin ngei mai.  Nimahsela, kha vaccine kha a nakin hun atan a ṭha dawn a. Natna chi hrang hrang lo do thei tura a taksa buatsaihna a nih avangin tunah hmangaihtu tan hmuh hrehawmin a tan nâ viau mahse, a khua hial tisik mahse kan tihtir lo thei lo a ni. A tun hun chauh ngaihtuahin khawngaih ta ila, nakinah natna hrang hrang lo thlengin a taksa hian a lo hmelhriat si loh chuan natna dotu a siam zung zung thei dawn si lova. A tan a ṭha dawn lo a ni. Chuvangin,tunah harsa mahse nakinah a tana ṭha zawk tur avangin kan laktir hram hram a ni. Hei hian kraws kawng min ngaihtuahtir a. "Tuarna pumpelh kawng zaw...
Read more