*The Moment of Truth*
Tunlaia Mizo ṭhalaite zinga You Tube channel en hlawh ber chu *Khawlbawm* hi a ni awm e. A chhan pawh a video upload ṭhin, *The Moment of Truth* (Mizo version) vang hi a ni awm e.
Hêng videos ah hian interview ang reng neiin zawhna chi hrang hrang chhan tur an zawt ṭhin a. Chutah chuan mimal thil tak tak, thurûk tam tak zawh chhuah a ni ṭhin.
Yes or No hmanga chhan tur a ni a, zawhna zawh aṭanga ngaihtuahnaa kan chhan kha an ṭawngkaa an chhan nen a inmil em tih kha khawlin a lo check a ni ber mai. Ngaihtuahnaah chuan a dik tak kha ngaihtuah hmasak a ni tlangpui a, kan thuruk ber pawh a nihna tak hi kan ngaihtuahin kan mitthla fo ṭhin hi.
Chutiang a nih avang chuan dik taka chhan zel a ngai a, chhan dik loh hlauh chuan pawisa dawn theih miah loh a ni. Zawhna tam tak chhang dik mahse a pakhat lek pawh a dik loh chuan a vaia chânna a ni.
Thuruk puan chhuah a ngaih avangin nuin a pasal hriat loh tura a thuruk a puan a ngai fova, pain chutiang bawkin. An inrinawmloh san dan te, tin, nu leh pate nena an inkar te, an hna chungchangah te, bialnu bialpa nena an inkar, leh a dang tam tak....
Chhungkaw boruak a kehchhiat phah fova, nupa inṭhen an awm phah fo.
An kal thui poh leh zawhna kha a mima thil tawlh tawlh mai a. Chhan ngam loh chin an nei ta fo reng a ni.
Mimal nun phawrhsakna ang a ni ber mai. Mi hriat atana an duh loh zawng zawng pawh phawrhsak an ni ta fo mai.
He Moment of Truth hian Vanrama rorêlna lo awm tur min ngaihtuahtir a. Chumi hunah chuan mi tinin mahni chanchin kan la sawi ṭheuh dawn a. Kan chanchin ṭha ber aṭanga a chhe ber thlengin zep theih a ni lovang.
Dik tak chuan tute pawh hian chanchin chhe lai sawi tur nei lo kan awm lovang a, kan mi rin leh mi ṭha ber nia kan hriatte thleng hian tuma hriat ve atana kan duh loh thuruk, mahni pawhina kan zah ruk veng vengna tur thuruk tenawm kan nei vekin ka ring.
Nimahsela, chûng zawng zawng chu Van rorelnaah chuan zep ṭhen awm miah lova hailan a la ni dawn a, zep tum mah ila zep theih a ni hek lovang. Kan inphawrh mualpho fe dawn a nih hmel.
Mahse, chutah chuan ISUA ringtute chuan vanneihna kan nei a. Chu chu hei hi a ni, *Isua'n kan chanchin hi min sawipui dawn.* "Hei chu chutiang dinhmunah chuan ding tawh mahsela, ka thisena ka tlan tawh, ka ngaihdam tawh, ka chhandam tawh a ni," min ti dawn a ni. A va ropui em.
Thil mak chhuisen loh kan Pathian,
I thawh tinreng mak kan ti a,
Nimahse, i mi khawngaih hman,
Engkimah mak kan ti ber a.
Van kawtthlera rorelna hmaa ka din hunah he Moment of Truth hi ka hmachhawn a la ngai ang. Nimahsela Isua'n min dinpuiin min sawipui dawn a ni. Khawngaihna avanga kan chan ropuizia hi a va mak em.
Pathian thianghlimna hmaa ding phak lo tur hi, Thlarauvin min dinpui ang a, thiam min chantir ang.
Tunlaia Mizo ṭhalaite zinga You Tube channel en hlawh ber chu *Khawlbawm* hi a ni awm e. A chhan pawh a video upload ṭhin, *The Moment of Truth* (Mizo version) vang hi a ni awm e.
Hêng videos ah hian interview ang reng neiin zawhna chi hrang hrang chhan tur an zawt ṭhin a. Chutah chuan mimal thil tak tak, thurûk tam tak zawh chhuah a ni ṭhin.
Yes or No hmanga chhan tur a ni a, zawhna zawh aṭanga ngaihtuahnaa kan chhan kha an ṭawngkaa an chhan nen a inmil em tih kha khawlin a lo check a ni ber mai. Ngaihtuahnaah chuan a dik tak kha ngaihtuah hmasak a ni tlangpui a, kan thuruk ber pawh a nihna tak hi kan ngaihtuahin kan mitthla fo ṭhin hi.
Chutiang a nih avang chuan dik taka chhan zel a ngai a, chhan dik loh hlauh chuan pawisa dawn theih miah loh a ni. Zawhna tam tak chhang dik mahse a pakhat lek pawh a dik loh chuan a vaia chânna a ni.
Thuruk puan chhuah a ngaih avangin nuin a pasal hriat loh tura a thuruk a puan a ngai fova, pain chutiang bawkin. An inrinawmloh san dan te, tin, nu leh pate nena an inkar te, an hna chungchangah te, bialnu bialpa nena an inkar, leh a dang tam tak....
Chhungkaw boruak a kehchhiat phah fova, nupa inṭhen an awm phah fo.
An kal thui poh leh zawhna kha a mima thil tawlh tawlh mai a. Chhan ngam loh chin an nei ta fo reng a ni.
Mimal nun phawrhsakna ang a ni ber mai. Mi hriat atana an duh loh zawng zawng pawh phawrhsak an ni ta fo mai.
He Moment of Truth hian Vanrama rorêlna lo awm tur min ngaihtuahtir a. Chumi hunah chuan mi tinin mahni chanchin kan la sawi ṭheuh dawn a. Kan chanchin ṭha ber aṭanga a chhe ber thlengin zep theih a ni lovang.
Dik tak chuan tute pawh hian chanchin chhe lai sawi tur nei lo kan awm lovang a, kan mi rin leh mi ṭha ber nia kan hriatte thleng hian tuma hriat ve atana kan duh loh thuruk, mahni pawhina kan zah ruk veng vengna tur thuruk tenawm kan nei vekin ka ring.
Nimahsela, chûng zawng zawng chu Van rorelnaah chuan zep ṭhen awm miah lova hailan a la ni dawn a, zep tum mah ila zep theih a ni hek lovang. Kan inphawrh mualpho fe dawn a nih hmel.
Mahse, chutah chuan ISUA ringtute chuan vanneihna kan nei a. Chu chu hei hi a ni, *Isua'n kan chanchin hi min sawipui dawn.* "Hei chu chutiang dinhmunah chuan ding tawh mahsela, ka thisena ka tlan tawh, ka ngaihdam tawh, ka chhandam tawh a ni," min ti dawn a ni. A va ropui em.
Thil mak chhuisen loh kan Pathian,
I thawh tinreng mak kan ti a,
Nimahse, i mi khawngaih hman,
Engkimah mak kan ti ber a.
Van kawtthlera rorelna hmaa ka din hunah he Moment of Truth hi ka hmachhawn a la ngai ang. Nimahsela Isua'n min dinpuiin min sawipui dawn a ni. Khawngaihna avanga kan chan ropuizia hi a va mak em.
Pathian thianghlimna hmaa ding phak lo tur hi, Thlarauvin min dinpui ang a, thiam min chantir ang.
Comments
Post a Comment