*A tak Krista*

Jacoba kha a pa Isaka leh a u Esaua a bum hnu khan a pu Labana hnenah a tlanbo ta kha a ni a. A pu hnenah a va inhlawh a. A pu fanu Rakili chu a va hmangaih ta bawk a. Mahse bum a va tawk ve ta tlat.

Rakili hlawh nan hun eng emaw chen a hmang a, a hlawh theih hnu khan a pu hnenah chuan a va dil ta a. Mahse a pu chuan Rakili ni lovin a u zawk Leaii a lo pe ta daih mai a. Zan thim a nih avangin tunge a nih hre lovin a lo mutpui a, Rakili emaw tiin zankhuain nuam a lo chen pui ta a nih kha.

Tichuan le, a tuka a han harh chuan Rakili emaw a tih kha Rakili aw zawng a lo ni lo. Leaii a lo ni. A tum loh zawk a hmuh chuan a lungawi lovin a thinrim hle a nih kha.

Heti chinah hian rêk bung ang aw. Zir tur kan ngah tawh viau a nia. 👇

Hlimna leh lawmna, lungawina duh vek kan ni a. Mahse kan nei vek lo. Kan zawnna hmunin a zir loh phei chuan hlimna emaw tia kan tleipui viau thilte hi a hnua min tițaptu an ni leh fo țhin.

Jacoba chuan a Rakili emaw tiin Leaii kha a lo chen hle a,  lo zankhua pui ve țhak a ni. A thim avang a niang chu zankhuaa a awmpui hnu pawh khan zu han hre mai lova. Khaw rawn var khan Rakili a ni lo tih a rawn hriattir chauh nia.

Khawvela hlimna nia kan hriat, kan chen mekte hi chatuan khawvar huna kan țahpui tur thilte an ni fo tih hi kan hriat a va țul em.

Tunah hlimin nui duai duai mah ila, kan hlimpui kan nuihpui hi a lem mai a lo nih si chuan khua a var hunah kan țap nasa ting mai dawn si.

Hlimna kan zawn hian a tak (Krista) ngei a ni tih fiah hmasa țhin ta ila a va țha dawn em. Chu a tak Krista chuan chatuan khua a var hunah pawh min la tihlim zual zel dawn si a. Krista ni lo thildang hlimpuitute chuan thimah chiah hlimna an hmu a, a rei lova a pawn lang em em bawk a ni.

*A tak Krista ngei hi a ni hlimna tluantling chu.*