*Kan hloh hlêpah kan chhiar*

Tukin chu ka harh veleh he thu hi ka rilru-ah a rawn awm nghal hlawl mai.

Hman ni deuh khan Kohhran leh pawl hrang hrang Treasurer-te Account audit kan nei a. Chuta ṭanga ka rilrua lo awm chu *kan income hi tute emaw expenditure a ni a, kan exenditure hi tute emaw income a ni* tih hi a ni.

Dawr-ah kan han kal a, thil kan lei a, kan leina kha kan expenditure a ni a, dawr neitute tan chuan income a ni. Mi hnenah kan inhlawh emaw, sum kan tuak a, pawisa kan dawng a. Kan income a ni a, kan inhlawhna te emaw kan sum tuakna te tan chuan expenditure a ni.

Ringtu nunah pawh hian a lo ni chiah a, Krista rawng kan bawlnaah hian *a hming avanga kan chân/hloh hi van lam hlêpna a lo ni fo va, van lam hlohna (Isua Krista meuh khawvêla a rawn inpêknaah hian) hi kan hlêp a lo ni thung ang hian.*

Tin, John Calvin chuan "Krista avangin engkim ka kalsan a, Krista avang vek in engkim ka nei let leh," a lo ti a. Krista avanga i chân/hloh kha a thlawnin a liam lo tih a chiang a ni. He leia amah avanga kan hloh nia kan hriat hi van lama kan hlêp tur a la ni tho tho.

Hla siamtu chuan "Kan hloh hlêpah kan chhiar, kan Lal Isua hming chawimawi nan hrehawm pawh kan lawm ang," a ti a. Ni, ringtu nunah chuan *tuarna pawh hlawkna* a ni fo rêng a ni.

Midang tana malsawmna ni tur pawh hian chân ve, hloh ve, tawrh ve a ngai ṭhin a. Chu chu midang tan chuan hlêp, malsawmna a lo ni ṭhin.

Keinin vanduainaa kan ruat, a hmangaihna lantirtu tih ang deuh hian, kan vanduaina pawh hi malsawmna a ni thei a ni.

Chuvangin, mihringa kan hlohna pawh midang tana malsawmna leh hlêp a nih theih chuan Thlarau lam thilah Krista avanga kan chânna te, kan tawrhna te, kan hloh te hi kan hlêp a va ni dawn rua em. Kan lallukhum timawitu an va la ni dawn rua em.

Chuvangin Krista avangin i tuar hram hram ang u, a retheihna kha kan hausakna a nih theihna tur leh sual hre lo kha suala siama a awmna kha kan felna tur a ni ang khan keini tawrhna pawh Krista leh midangte tana hlawkna leh malsawmna a nih theihna turin Krista avanga tawrh hi i hreh viau bik lo teh ang u.

Comments

Post a Comment

Popular posts from this blog

 *A INHRIATCHHUAH VE LEH* October 3, 2021 (Pathianni tûk) thuchah. _PP. Laldingngheta Sailo_ *Châng thlan:* _Luka 15:17-19  Tin, a inhriat chhuah veleh, ‘Ka pa hnena inhlawhfate chaw ei sen lohva nei an tam vei nen, kei lah chu hetah riltamin ka thi dawn si a!_  _Ka tho vang a, ka pa hnenah ka kal ang a, a hnenah, Ka pa, vana mi chungah leh nangma mithmuhin thil ka tisual e;_  _i fapaa vuah tlak ka ni ta lo ve; i hnena inhlawhfa pakhat angin mi siam ve rawh, ka ti ang,’ a ti a._ *Sawizauna:* Fapa tlanbo tehkhin thu hi beram bo leh duli bo chungchang tehkhin thu dawta Isua sawi a ni a. A pathum hian Pathian hmaa sima kirte chunga lâwmna a entir vek a ni. Tehkhin thua pa ber hi mi hausa tak mai, ram leh chhiahhlawh tam tak nei niin sawi a ni a. A fapate pawhin khawtlangah ngaihpawimawh hlawhin dinhmun ṭha takah an ding ngei ang tih a rinawm a. Nimahsela, chuta lungawi zo lo chuan fapa naupang zawk chuan a ro chanai lâin ram hla takah nuam chen turin a va kal ta a ni. A...
Read more
*Thlarau Thianghlim - Ringtute ralthuam* Têt lai/naupan lai khân kan indo lem/ in ṭheng ṭheng ṭhin a. Silai lem kan hmang a, kan in kâp ṭhin a. Kan kâ hmangin silai kah ri kan siam a, kan han inkâp tak tak chu kan tlu ve phak phak zel a, kan let ve tawp tawp zel ṭhin a nih kha. Nimahsela, silai tak ni lo na na na, a mu awm lo na na na chu kan tho leh mai a. Kan tlan leh zuai zuai ṭhin. Indona tak takah khatiang khan kal ta ila, khâng silai lem hmang khan va do ve ta ila, tumah kan that lovang a, kan hneh ngai lovang. Keimahni kan thi zawk hial ang. Ringtu nun chu indona a ni a, sual sipai nen ni tin kan indo ṭhin. Tam tak chuan naupan laia kan indolem ṭhin ang mai khan ralthuam lem tak tak kan hmang a, thirkawr lem kan ha a, hmanraw lem hlir kan hmangin kan inbel a. Indona mualah kan tlawm leh nge nge ṭhin. Biak Inah theihtawpa ṭhain kan inkhawm a, theihtawpa active-in Kohhranah kan che tla a, chûng chu ralthuam atan kan hmang ṭhin a. Mi beihnan kan hmang ṭhin a. A inhmang...
Read more
*Malsawmna danglam* Vawiin chu kan naute-in a  vawi thum nan vaccine a la a. A ṭap a, a khua te a sik a. Nausên mai a nih avangin ka lainat ngei mai. Hêng vaccine te hi nausên tan chuan a nâin an han chiu hian an ṭap vawn vawn zel a. Hmangaihtu tan chuan hmuh hrehawm tak a ni ṭhin. Tin, an khua a han sik a, hmangaihna leh khawngaihna nena en kan ni bawk a, hmuh an hrehawm ṭhin ngei mai.  Nimahsela, kha vaccine kha a nakin hun atan a ṭha dawn a. Natna chi hrang hrang lo do thei tura a taksa buatsaihna a nih avangin tunah hmangaihtu tan hmuh hrehawmin a tan nâ viau mahse, a khua hial tisik mahse kan tihtir lo thei lo a ni. A tun hun chauh ngaihtuahin khawngaih ta ila, nakinah natna hrang hrang lo thlengin a taksa hian a lo hmelhriat si loh chuan natna dotu a siam zung zung thei dawn si lova. A tan a ṭha dawn lo a ni. Chuvangin,tunah harsa mahse nakinah a tana ṭha zawk tur avangin kan laktir hram hram a ni. Hei hian kraws kawng min ngaihtuahtir a. "Tuarna pumpelh kawng zaw...
Read more