*Amen*

Thu pakhat ṭha ka tih deuh ka like paha *Amen* tih comment ka ziah tel zeuh lai chuan he *Amen* ka tih fo hi eng chiah nge aw tih ka ngaihtuahnaah a lo lut a. Mi tam tak hian a awmzia hrechiang lo hian *Amen* hi kan pe fo awm e ka ti.

*Amen* tih hi Hebrai ṭawnga *'Ni rawh se, chutiang chu a ni, a dik e'* tihna a ni.

Mi thu ziakah emaw mi thusawiah emaw 'Amen' kan pek hian an thusawi kha kan thlawp a, a dik kan ti a ni tih kan entir a ni.

Thu ṭha deuh miin an sawi a Amen lo pek emaw lo comment emaw hi chu a tih theih mai a, mahse a har ber zawk chu nun hmanga Amen pek hi a ni.

Ringtu nun hi a nuam lam vek a ni lova, Israel fate, tuipui sen an kân hlima an lawm ang reng a an hlimin an lawm zui thei lo ang khan pianthar hlim emaw Lalpaa kan lawm lai ang rengin ringtu nun hi a zawh tawp theih loh.

Kraws kawng a nih miau avangin a kawngah hian harsatna tam tak a awm a. Lal Isua'n Kraws kawng a zawh khan hmuhsitna, diriamna, endawngna leh tihduhdahna tinreng a tawng a nih kha. Mahse, kha kraws kawng zawh tur khan Amen a pe tlat a ni.

Ringtute hi chu kraws kawng zawha kal ve tur kan ni a. Kan zawh laiin Krista avanga harsatna tam tak tawh tur a awm a, kan châk zawng tak chán a ṭul chang te, kan duh êm êm hnawl a ngaih chang te, kan mit it zawng tak kalsan a ṭul chang te, kan tisa duhna thlauhthlak a ngaih chang te, nawmna tam tak kan hloh a ṭul chang a awm ṭhin. Tin, Kraws kawng a nih miau avangin hmuhsitna, rinhlelhna leh deusawhna, diriamna tam tak kan tawh chang a awm ang a, hnung lam aṭanga mi nuihzat emaw, mi rinloh te kan hlawh chang a awm ang.

Mahse, Isua avang zawka heng zawng zawng tawk tura *AMEN* kan pek hi a ngai ṭhin. Miin thu an sawi a, kâ maia Amen lo pek leh mi thuziah sa lo Amen (👍) hi chu a theih mai. Mahse *nun Amen* neih hi a ṭul ber zawk si a.

Kan nun hi Lalpa tana pek a, *"Amen, i thu ang zel ni rawh se"* tih ngam a va ngai em.

Say this, "Yes Lord, let your will be done."

Comments

Post a Comment

Popular posts from this blog

 *A INHRIATCHHUAH VE LEH* October 3, 2021 (Pathianni tûk) thuchah. _PP. Laldingngheta Sailo_ *Châng thlan:* _Luka 15:17-19  Tin, a inhriat chhuah veleh, ‘Ka pa hnena inhlawhfate chaw ei sen lohva nei an tam vei nen, kei lah chu hetah riltamin ka thi dawn si a!_  _Ka tho vang a, ka pa hnenah ka kal ang a, a hnenah, Ka pa, vana mi chungah leh nangma mithmuhin thil ka tisual e;_  _i fapaa vuah tlak ka ni ta lo ve; i hnena inhlawhfa pakhat angin mi siam ve rawh, ka ti ang,’ a ti a._ *Sawizauna:* Fapa tlanbo tehkhin thu hi beram bo leh duli bo chungchang tehkhin thu dawta Isua sawi a ni a. A pathum hian Pathian hmaa sima kirte chunga lâwmna a entir vek a ni. Tehkhin thua pa ber hi mi hausa tak mai, ram leh chhiahhlawh tam tak nei niin sawi a ni a. A fapate pawhin khawtlangah ngaihpawimawh hlawhin dinhmun ṭha takah an ding ngei ang tih a rinawm a. Nimahsela, chuta lungawi zo lo chuan fapa naupang zawk chuan a ro chanai lâin ram hla takah nuam chen turin a va kal ta a ni. A...
Read more
*Thlarau Thianghlim - Ringtute ralthuam* Têt lai/naupan lai khân kan indo lem/ in ṭheng ṭheng ṭhin a. Silai lem kan hmang a, kan in kâp ṭhin a. Kan kâ hmangin silai kah ri kan siam a, kan han inkâp tak tak chu kan tlu ve phak phak zel a, kan let ve tawp tawp zel ṭhin a nih kha. Nimahsela, silai tak ni lo na na na, a mu awm lo na na na chu kan tho leh mai a. Kan tlan leh zuai zuai ṭhin. Indona tak takah khatiang khan kal ta ila, khâng silai lem hmang khan va do ve ta ila, tumah kan that lovang a, kan hneh ngai lovang. Keimahni kan thi zawk hial ang. Ringtu nun chu indona a ni a, sual sipai nen ni tin kan indo ṭhin. Tam tak chuan naupan laia kan indolem ṭhin ang mai khan ralthuam lem tak tak kan hmang a, thirkawr lem kan ha a, hmanraw lem hlir kan hmangin kan inbel a. Indona mualah kan tlawm leh nge nge ṭhin. Biak Inah theihtawpa ṭhain kan inkhawm a, theihtawpa active-in Kohhranah kan che tla a, chûng chu ralthuam atan kan hmang ṭhin a. Mi beihnan kan hmang ṭhin a. A inhmang...
Read more
*Malsawmna danglam* Vawiin chu kan naute-in a  vawi thum nan vaccine a la a. A ṭap a, a khua te a sik a. Nausên mai a nih avangin ka lainat ngei mai. Hêng vaccine te hi nausên tan chuan a nâin an han chiu hian an ṭap vawn vawn zel a. Hmangaihtu tan chuan hmuh hrehawm tak a ni ṭhin. Tin, an khua a han sik a, hmangaihna leh khawngaihna nena en kan ni bawk a, hmuh an hrehawm ṭhin ngei mai.  Nimahsela, kha vaccine kha a nakin hun atan a ṭha dawn a. Natna chi hrang hrang lo do thei tura a taksa buatsaihna a nih avangin tunah hmangaihtu tan hmuh hrehawmin a tan nâ viau mahse, a khua hial tisik mahse kan tihtir lo thei lo a ni. A tun hun chauh ngaihtuahin khawngaih ta ila, nakinah natna hrang hrang lo thlengin a taksa hian a lo hmelhriat si loh chuan natna dotu a siam zung zung thei dawn si lova. A tan a ṭha dawn lo a ni. Chuvangin,tunah harsa mahse nakinah a tana ṭha zawk tur avangin kan laktir hram hram a ni. Hei hian kraws kawng min ngaihtuahtir a. "Tuarna pumpelh kawng zaw...
Read more