*I ṭawngṭai ngam em?*
Nikuma ka sermon ngaihthlak pakhat tawitêa ka rilru khawihtu leh keimah ngei pawh min kâpa min khawihtu chu kan speaker rawih-in *"Ka hlauh ber chu ṭawngṭai ngam loh hi a ni,"* a tih kha a ni.
Hetia ngaih mai chuan "ṭawngṭai ngam loh thu a awm dawn em ni?" kan ti a ni mai thei. A ni lah tak a, ṭawngṭai hrim hrim ngam loh thu chu a awm hleinem.
Mahse, kei, Krista rawngbawltu inti, ni tin zan tina a tana rawngbawl vea inhre ṭhin hian *ral khat aṭang bakin damlo leh a mamawhtute hi ka ṭawngṭaisak ngam tlat ṭhin lo. An lu chunga kutnghata ṭawngṭai te hi ka ngam ṭhin lo.* Tin, ramhuai mante lek phei chu, "min puang vak mai ang a," ti chungin a theih chhung chu ka hêl ṭhin.
Eng hi nge min tidawihtu ni ang le? Thil kan tihsual chuan kan hlauthawng em em a, min man chhuak ang tih hi kan hlau ngawih ngawih ṭhin. Naupang pawh a nu leh pate bulah a ṭi dui a, misual pawh police a hmuh chuan a biru ṭhin.
*Lalpa laka min tihuai lotu chu kan thiltih hi a ni fo ṭhin.* I Johana 3:21-ah chuan, *"Duh takte u, kan rilruin thiam loh min chantir loh chuan Pathian lamah kan huai a ni,"* tiin kan hmu a. A dik a ni. Pathian nen kan inkar a fel lohva, kan inpawh ṭhat loh emaw, amah kan hlat viau tawh a nih chuan a lakah hian inthiamlohna kan nei ṭhin. Kan ṭawngṭaina hi chhân a ni lovang tih hlauhna kan nei ta tlat ṭhin. Naupang chuan thu a awih a, a nu leh pate thu a zawm tlat chuan a duhzawng pawh a nu leh pate hnenah ngampa takin a dil ṭhin a, pek a nih ngei a beisei bawk a. A nu leh pate pawhin an thuawih na na na chu a dil pawh an pe mai ṭhin.
Lalpa rawngbawl inti ṭhin kei hian a duh zawng aiin ka duh zawng ka thlang fova, a lawmna aiin ka lawmna, amah aia ṭhian dang thlakhlelh leh kawm duh zawkna, leh thildang tam tak hi ka thlang zawk fo ṭhin.
Hei vang hian amahah hian ka huai tawk ṭhin lova, ka dilna hi chhan a ni lovang a, min timualpho zêk ang tih ka hlau ṭhin.
Huai taka ṭawngṭai ngal tur chuan Lalpa nena inzawmna nung reng neih a lo ngai a ni.
*Ṭawngṭaina hi ringtute leh Lalpa inzawmna a ni a, ṭawngṭai ṭha ngam lo khawpin kan lo chau ve em? Bul ṭan leh tur hian kan la tlai lo ve.*
Nikuma ka sermon ngaihthlak pakhat tawitêa ka rilru khawihtu leh keimah ngei pawh min kâpa min khawihtu chu kan speaker rawih-in *"Ka hlauh ber chu ṭawngṭai ngam loh hi a ni,"* a tih kha a ni.
Hetia ngaih mai chuan "ṭawngṭai ngam loh thu a awm dawn em ni?" kan ti a ni mai thei. A ni lah tak a, ṭawngṭai hrim hrim ngam loh thu chu a awm hleinem.
Mahse, kei, Krista rawngbawltu inti, ni tin zan tina a tana rawngbawl vea inhre ṭhin hian *ral khat aṭang bakin damlo leh a mamawhtute hi ka ṭawngṭaisak ngam tlat ṭhin lo. An lu chunga kutnghata ṭawngṭai te hi ka ngam ṭhin lo.* Tin, ramhuai mante lek phei chu, "min puang vak mai ang a," ti chungin a theih chhung chu ka hêl ṭhin.
Eng hi nge min tidawihtu ni ang le? Thil kan tihsual chuan kan hlauthawng em em a, min man chhuak ang tih hi kan hlau ngawih ngawih ṭhin. Naupang pawh a nu leh pate bulah a ṭi dui a, misual pawh police a hmuh chuan a biru ṭhin.
*Lalpa laka min tihuai lotu chu kan thiltih hi a ni fo ṭhin.* I Johana 3:21-ah chuan, *"Duh takte u, kan rilruin thiam loh min chantir loh chuan Pathian lamah kan huai a ni,"* tiin kan hmu a. A dik a ni. Pathian nen kan inkar a fel lohva, kan inpawh ṭhat loh emaw, amah kan hlat viau tawh a nih chuan a lakah hian inthiamlohna kan nei ṭhin. Kan ṭawngṭaina hi chhân a ni lovang tih hlauhna kan nei ta tlat ṭhin. Naupang chuan thu a awih a, a nu leh pate thu a zawm tlat chuan a duhzawng pawh a nu leh pate hnenah ngampa takin a dil ṭhin a, pek a nih ngei a beisei bawk a. A nu leh pate pawhin an thuawih na na na chu a dil pawh an pe mai ṭhin.
Lalpa rawngbawl inti ṭhin kei hian a duh zawng aiin ka duh zawng ka thlang fova, a lawmna aiin ka lawmna, amah aia ṭhian dang thlakhlelh leh kawm duh zawkna, leh thildang tam tak hi ka thlang zawk fo ṭhin.
Hei vang hian amahah hian ka huai tawk ṭhin lova, ka dilna hi chhan a ni lovang a, min timualpho zêk ang tih ka hlau ṭhin.
Huai taka ṭawngṭai ngal tur chuan Lalpa nena inzawmna nung reng neih a lo ngai a ni.
*Ṭawngṭaina hi ringtute leh Lalpa inzawmna a ni a, ṭawngṭai ṭha ngam lo khawpin kan lo chau ve em? Bul ṭan leh tur hian kan la tlai lo ve.*
Comments
Post a Comment