Tirhkohte 21:13 *"...Lalpa Isua hming avang chuan Jerusalem khuaa phuar chang ka huam lova, thih pawh ka huam asin.”*

Paula chu zawlnei Agaba'n entirna pein Jerusalema vuak a tuar tur thu a hrilh a. Ringtu dangte'n uiin kal lo turin duh hle mahse ani chuan Isua avang chuan phuar mai ni lo, thih hial pawh a huam thu a sawi thung.

Kan nun nen ka tehkhin a, kan va inang lo tehlul em ka ti ṭhin. Keini tan chuan Paula anga Krista Isua hminga vuak tawrhna tur te, phuar nihna tur leh taksa thihna thleng pawhin tawrh tur a awm kher lo mai thei a ni.

Nimahsela, kan ni tin nunah hian *Isua hminga* kan tawrh ve tur leh kan tih tur tam tak a awm ṭeuh a ni.

Tunlaiah chuan zoram Kristian tam tak hian Isua avanga kan tih peih tawk chu inkhawm te, ṭawngṭai te, kohhran thiltihna kawng hrang hranga tel ṭhin te, lâm te leh adt a ni ta deuh mai. Hênga duh tawk Kristian hi kan tam ta hle mai a. A nuam china Isua hminga thilti ṭhin kan tam a, inkhawmna leh kohhran leh a pawl huang chhunga duhtawk kan tam ta hian kan Kristianna hmel a timâwk ta niin a lang.

Isua hminga kan thiltih hi pawn lamah pawh chhunzawm tur kan ni a. A nihna takah chuan nasa lehzuala bei tur kan ni zawk. Kohhran hi chu kan inzirna leh châk kan lâkna chauh a ni.

*"Isua hming avang chuan Kohhrana tel te, active taka inhman te, lâm vak vak te, ṭawngṭai vak vak te chauh ka huam lo va, ka ni tin nuna dikna leh rinawmna vawn nun te, eirûk duh loh te, hlemhlêt loh te, duhâm loh te leh adt pawh ka huam asin"* kan tih hi a hun ve tawh a ni.

Kohhrana kan tih ṭhin te, Biak Ina kan Pathian thu ngaihthlâk ṭhin te leh Lalpa faka kan lâm ṭhinna te hi pawn lamah hian chhunzawm ṭhin ngat ila zawng vawiina harsatna kan ramin a tawh tam tak hi kan pumpelh hian ka ring a ni.

*Nun lâm, Lalpa fak nun* te hi nei thei ila a va duhawm em.

Estheri kha Lalnu a ni a, nimahsela, a mite nun chhan nana a chêt chhuah theih nana nawrtu Mordekaia khan, "hetih hun atan hian a ni dawn lo'm ni lal nihna i chan kha?" tiin a hrilh a nih kha.

Thlemna a nasat hunah tak khan a ni dawn lo'm ni Isua hminga i do hun tur chu, eirûk tur, dawt sawi tur a awm hunah a ni dawn lo'm ni Isua hminga hnehna hla do kan chham hun tur chu ni. Hnehna chu Lalpa ta a ni tia kan au hi a hmanna tur chu hneh ngai a awm hunah chiah a ni. Biak inah hian hneh ngai a tam lo zawk a, biak in pelh chiah aṭang hian kan ni tin nunah hian hneh tur tam tak a awm zawk a ni.

Comments

Post a Comment

Popular posts from this blog

 *A INHRIATCHHUAH VE LEH* October 3, 2021 (Pathianni tûk) thuchah. _PP. Laldingngheta Sailo_ *Châng thlan:* _Luka 15:17-19  Tin, a inhriat chhuah veleh, ‘Ka pa hnena inhlawhfate chaw ei sen lohva nei an tam vei nen, kei lah chu hetah riltamin ka thi dawn si a!_  _Ka tho vang a, ka pa hnenah ka kal ang a, a hnenah, Ka pa, vana mi chungah leh nangma mithmuhin thil ka tisual e;_  _i fapaa vuah tlak ka ni ta lo ve; i hnena inhlawhfa pakhat angin mi siam ve rawh, ka ti ang,’ a ti a._ *Sawizauna:* Fapa tlanbo tehkhin thu hi beram bo leh duli bo chungchang tehkhin thu dawta Isua sawi a ni a. A pathum hian Pathian hmaa sima kirte chunga lâwmna a entir vek a ni. Tehkhin thua pa ber hi mi hausa tak mai, ram leh chhiahhlawh tam tak nei niin sawi a ni a. A fapate pawhin khawtlangah ngaihpawimawh hlawhin dinhmun ṭha takah an ding ngei ang tih a rinawm a. Nimahsela, chuta lungawi zo lo chuan fapa naupang zawk chuan a ro chanai lâin ram hla takah nuam chen turin a va kal ta a ni. A...
Read more
*Thlarau Thianghlim - Ringtute ralthuam* Têt lai/naupan lai khân kan indo lem/ in ṭheng ṭheng ṭhin a. Silai lem kan hmang a, kan in kâp ṭhin a. Kan kâ hmangin silai kah ri kan siam a, kan han inkâp tak tak chu kan tlu ve phak phak zel a, kan let ve tawp tawp zel ṭhin a nih kha. Nimahsela, silai tak ni lo na na na, a mu awm lo na na na chu kan tho leh mai a. Kan tlan leh zuai zuai ṭhin. Indona tak takah khatiang khan kal ta ila, khâng silai lem hmang khan va do ve ta ila, tumah kan that lovang a, kan hneh ngai lovang. Keimahni kan thi zawk hial ang. Ringtu nun chu indona a ni a, sual sipai nen ni tin kan indo ṭhin. Tam tak chuan naupan laia kan indolem ṭhin ang mai khan ralthuam lem tak tak kan hmang a, thirkawr lem kan ha a, hmanraw lem hlir kan hmangin kan inbel a. Indona mualah kan tlawm leh nge nge ṭhin. Biak Inah theihtawpa ṭhain kan inkhawm a, theihtawpa active-in Kohhranah kan che tla a, chûng chu ralthuam atan kan hmang ṭhin a. Mi beihnan kan hmang ṭhin a. A inhmang...
Read more
*Malsawmna danglam* Vawiin chu kan naute-in a  vawi thum nan vaccine a la a. A ṭap a, a khua te a sik a. Nausên mai a nih avangin ka lainat ngei mai. Hêng vaccine te hi nausên tan chuan a nâin an han chiu hian an ṭap vawn vawn zel a. Hmangaihtu tan chuan hmuh hrehawm tak a ni ṭhin. Tin, an khua a han sik a, hmangaihna leh khawngaihna nena en kan ni bawk a, hmuh an hrehawm ṭhin ngei mai.  Nimahsela, kha vaccine kha a nakin hun atan a ṭha dawn a. Natna chi hrang hrang lo do thei tura a taksa buatsaihna a nih avangin tunah hmangaihtu tan hmuh hrehawmin a tan nâ viau mahse, a khua hial tisik mahse kan tihtir lo thei lo a ni. A tun hun chauh ngaihtuahin khawngaih ta ila, nakinah natna hrang hrang lo thlengin a taksa hian a lo hmelhriat si loh chuan natna dotu a siam zung zung thei dawn si lova. A tan a ṭha dawn lo a ni. Chuvangin,tunah harsa mahse nakinah a tana ṭha zawk tur avangin kan laktir hram hram a ni. Hei hian kraws kawng min ngaihtuahtir a. "Tuarna pumpelh kawng zaw...
Read more