*RINGTUTE INNGHAHNA TUR ISUA*


September 19, 2021 (Pathianni tûk) thuchah.


_PP Laldingngheta Sailo_


*Châng thlan:*

_Jeremia 17:7-8 LALPA ringtu, a rinchhan LALPA ni erawh chu a eng a thawl e._


_Tui kianga thingphun, lui kama zungkai, Khaw lum lo thleng pawh hlau lo, A hnahte hring reng si, Khawkhen kum pawisa lo. Rah chhuah thulh chuang si lo ang hi a ni ang._


*Sawizauna:*

Kan châng thlan hi Sam 1-na nên khân a inang hle mai a. Châng 5 aṭanga 8 hian Pathiana rinna nghah tlat a pawimawhzia a rawn sawi lang a, chu chu tukina kan zir tura kan thlan a ni.


Châng 5 leh 6-ah khân mihringa rinna nghatte chungchang a sawi a, châng 7 leh 8 erawh chuan Pathiana rinna nghatte a rawn sawi ve thung. Mihringa rinna nghatte thlarau nun chu a ṭhang lian thei lo va, thlalêr hnim buk ṭo rire, a hnahte pawh ro rip rep ang a ni a. A ṭhanlenna tur tui a pai lo va, a ṭha chhuak thei lo a ni. Rah a chhuah lo mai ni lovin hmasawnna kawng a zawh lo hrim hrim a ni.


Chumi letling chiah chuan Lalpaa rinna nghattute chu an awm ve thung a. Hringnuna thil engpawh thleng reng rengah hlauh tur a nei ve lo va. Tui kianga thing phun nen tehkhin a ni. Heta phun tih hi phun sawn tih a ni a, thlaler hmun aṭanga tui kianga phun sawn tihna a ni. Thûk taka zung kaihin lei ṭha leh tuia chawm a nih avângin khaw lum leh khawkhêng pawhin a tiro zo lo va, chutiang hunah pawh chuan rah a chhuah reng thei zâwk a ni. Tui kianga phun a nih miau avângin a mamawh khawp tui a hmu reng a, ruah a sur lo emaw khua a lum lutuk emaw pawh nise a zungin tui a hip reng miau a, a buai chuang lo a ni. 


*Tui kama phun ringtu kan ni tur a ni:*

Ringtu nun kan tih hi he tui kama thing phun ang hi kan ni tur a ni a. Tui nung lui Isuaah phun kan ni tur a ni. Isuaa phun leh a in (home) atâna Isua hmang tlat ringtu chu tui ṭha hmu thing ang maiin a duah ṭhin a ni. Khawkhêng a lo thlen pawha tui hmu ṭha thing a hring hlap ang mai hian harsatna a lo thlen pawhin a Isuaa innghatte chu an nghing mai mai ngai lo. Fiahna meipui an paltlang pawhin an him ṭhin a, thlemna tuipuiah an pil mai ngai lo. Lalpa chu an chakna thurûk a ni tlat a ni.  


*Isua hi kan _home_ a ni tur a ni:*

Rah chhuah tura beisei, hring hnah mawi taka pu tura beisei kan nihnaah hian ringtute hian Isua kan belh tlat loh chuan kan hlawhchhamin kan ro thuai thuai mai ṭhin. Mupui hian rûl a beih chuan ṭham beha boruaka chawikân a tum ṭhin. A chhan chu rûl khân boruakah a chakna a hloh ṭhin a, leia chak leh thiltithei tak kha boruaka chêng tura siam a nih miau loh avangin boruakah chuan a chakna a hloh ta a, a che thiam ta miah lo va.  Hnehin a awm ṭhin a ni. 


Keini pawh kan chakna, kan home-ah lo hi chuan hneh kan awl teh a ni. Football khêl en ṭhinte chuan kan hria ang a. _League_ an khelhte hian _home and away_ in an khêl ṭhin a. An _home_ hi an hriat chian avâng leh fans tam takin an lo thlâwp ṭhat ṭhin êm avâng hian _away team_ tân hnehna chan a harsa ṭhin a ni.


Chutiang bawk chuan ringtute hi kan khêlmual, kan chakna hmun Isuaah lo hi chuan hnehin kan awm thuai thuai ṭhin. Chu kan chak lohna hmuna min hruai luh chu setana thil tum hi a ni ngar ngar a. Kan duhna min neihsak leh kan duh lo chung min pawh luh pawh a hreh lo. Hmanraw chi tinreng hmangin min bei ṭhin a. Nimahsela, Isuaa awm tlat leh Isuaa inthuam tlatte chu hneh chu sawi loh beih ngaihna a hre ṭhin lo a ni. Chuvangin, Isua hi kan home, kan innghahna a ni tur a ni. 


*Isuaa innghat nun chu:*

Isuaa awm leh innghat nun tih hian a thuawihna leh mahni duh zâwng kalh ngamna hi a kâwk a ni tih erawh kan hriat a ngai a. Mahni duh zâwng leh châk zâwng tih leh ûm hi a awl em em a, hei hi setana'n a home-a min hruai luh a tum dan pawh a ni rêng a, kan thlarau nun tihchhiat a min hneh a tum dan a ni. He phaizâwlah hian tam tak an tlu ṭhin rêng a ni. Ka duh zâwng leh châk zâwng aia min neitu Isua thua kan awm ngam a ngai a. A thupêk hriaa zawm tura a hnaihah, amaha kan awm reng a ṭul ṭhin. 


*Tlîpna:*

Isuaa innghat tlat, amah bêl tlat ringtute hi sual hian nasa taka beiin hneh tum ṭhin mahse a hneh thei tak tak ngai lo. Ringtu, mahni duh zâwng leh châk zâwngin a hruai leh fo ṭhinte hi a ni sualin a lem pil leh ṭhin ni. Isua hi kan innghahna leh rinchhan ber nise, thlemna leh harsatna hmunah pawh hnehtu kan ni zêl thei ang.

Comments

Post a Comment

Popular posts from this blog

 *A INHRIATCHHUAH VE LEH* October 3, 2021 (Pathianni tûk) thuchah. _PP. Laldingngheta Sailo_ *Châng thlan:* _Luka 15:17-19  Tin, a inhriat chhuah veleh, ‘Ka pa hnena inhlawhfate chaw ei sen lohva nei an tam vei nen, kei lah chu hetah riltamin ka thi dawn si a!_  _Ka tho vang a, ka pa hnenah ka kal ang a, a hnenah, Ka pa, vana mi chungah leh nangma mithmuhin thil ka tisual e;_  _i fapaa vuah tlak ka ni ta lo ve; i hnena inhlawhfa pakhat angin mi siam ve rawh, ka ti ang,’ a ti a._ *Sawizauna:* Fapa tlanbo tehkhin thu hi beram bo leh duli bo chungchang tehkhin thu dawta Isua sawi a ni a. A pathum hian Pathian hmaa sima kirte chunga lâwmna a entir vek a ni. Tehkhin thua pa ber hi mi hausa tak mai, ram leh chhiahhlawh tam tak nei niin sawi a ni a. A fapate pawhin khawtlangah ngaihpawimawh hlawhin dinhmun ṭha takah an ding ngei ang tih a rinawm a. Nimahsela, chuta lungawi zo lo chuan fapa naupang zawk chuan a ro chanai lâin ram hla takah nuam chen turin a va kal ta a ni. A...
Read more
*Thlarau Thianghlim - Ringtute ralthuam* Têt lai/naupan lai khân kan indo lem/ in ṭheng ṭheng ṭhin a. Silai lem kan hmang a, kan in kâp ṭhin a. Kan kâ hmangin silai kah ri kan siam a, kan han inkâp tak tak chu kan tlu ve phak phak zel a, kan let ve tawp tawp zel ṭhin a nih kha. Nimahsela, silai tak ni lo na na na, a mu awm lo na na na chu kan tho leh mai a. Kan tlan leh zuai zuai ṭhin. Indona tak takah khatiang khan kal ta ila, khâng silai lem hmang khan va do ve ta ila, tumah kan that lovang a, kan hneh ngai lovang. Keimahni kan thi zawk hial ang. Ringtu nun chu indona a ni a, sual sipai nen ni tin kan indo ṭhin. Tam tak chuan naupan laia kan indolem ṭhin ang mai khan ralthuam lem tak tak kan hmang a, thirkawr lem kan ha a, hmanraw lem hlir kan hmangin kan inbel a. Indona mualah kan tlawm leh nge nge ṭhin. Biak Inah theihtawpa ṭhain kan inkhawm a, theihtawpa active-in Kohhranah kan che tla a, chûng chu ralthuam atan kan hmang ṭhin a. Mi beihnan kan hmang ṭhin a. A inhmang...
Read more
*Malsawmna danglam* Vawiin chu kan naute-in a  vawi thum nan vaccine a la a. A ṭap a, a khua te a sik a. Nausên mai a nih avangin ka lainat ngei mai. Hêng vaccine te hi nausên tan chuan a nâin an han chiu hian an ṭap vawn vawn zel a. Hmangaihtu tan chuan hmuh hrehawm tak a ni ṭhin. Tin, an khua a han sik a, hmangaihna leh khawngaihna nena en kan ni bawk a, hmuh an hrehawm ṭhin ngei mai.  Nimahsela, kha vaccine kha a nakin hun atan a ṭha dawn a. Natna chi hrang hrang lo do thei tura a taksa buatsaihna a nih avangin tunah hmangaihtu tan hmuh hrehawmin a tan nâ viau mahse, a khua hial tisik mahse kan tihtir lo thei lo a ni. A tun hun chauh ngaihtuahin khawngaih ta ila, nakinah natna hrang hrang lo thlengin a taksa hian a lo hmelhriat si loh chuan natna dotu a siam zung zung thei dawn si lova. A tan a ṭha dawn lo a ni. Chuvangin,tunah harsa mahse nakinah a tana ṭha zawk tur avangin kan laktir hram hram a ni. Hei hian kraws kawng min ngaihtuahtir a. "Tuarna pumpelh kawng zaw...
Read more