*THLARAU NGUNHNAM*


August 18, 2021 (Nilai zân) thuchah


_-PP Laldingngheta Sailo_


*Châng thlan:* 

_Ephesi 6:17 Ephesi 6:13-18 (MGB)  Chuvangin, ni tha lovah chuan in do zawhna tur leh, in tih zawh vek hnu pawha in din theihna turin, Pathian ralthuam famkim chu la rawh u._

_Chutichuan, in kawng chu thutaka hrengin, felna awmphaw chu hain,_

_remna Chanchin Tha inbuatsaihna chu in keah bunin ding rawh u;_ 

_chung lo pawh chu rinna phaw la ula, chu mi chuan mi sual thal alh thei zawng zawng chu in timit thei ang._ 

_Tin, chhandamna lukhum leh *Thlarau ngunhnam (Pathian Thu chu) la ula,*_

_tawngtaina leh dilna tinrengin eng hun pawha Thlarauva tawngtaiin, chu mi kawngah chuan mi thianghlim zawng zawng tan thahnemngai tak leh dil tlatin ngaihven rawh u._


*Sawizauna:*

Ngunhnâm hi hriamhrei chi khat, hmelmate beihna hmanraw chi khat a ni tih kan hre vek ngei ang. Hmanlai phei chuan silai leh ralthuam ṭha tak tak dang a la awm loh avangin Ngunhnâm hi hmanraw ṭha leh ṭangkai ber pakhat a ni.


Chu chu Paula hian tehkhin nâna hmangin *ringtute tan chuan sual beihna leh hnehna hmanrua (Thlarau Ngunhnâm) chu Pathian thu* a nih thu a sawi a ni.


Isua khân thlêmna a tawh khân *"tih ziak a ni,"* tiin Pathian thu hmang vekin a hneh a. Setana khan eng ang pawhin thlêm mahse a hneh zo lo a nih kha.


*Ringtute hnehna a ni:*

Thlarau ngunhnâm a nih miau avangin thlêmna leh harsatna hmuna ringtute ralthuam tur ṭha ber chu Pathian thu hi a ni. 


Pathian hian a hringhrânin thlemna min laksak lovang. Zu no min paihsak lovang, sum leh pai eiruk tur min lak bosak lovang, thamna pek leh lâkna tur lak ata min chawisawn daih lovang, mipat hmeichhiatna thlemna kan tawhin min chawisawn dawn lo. 


Thlêmna tinreng kan tawh huna kan thinlunga Pathian thu lo thleng zawk hmangin chûng thlêmnate chu hneh turin min ti zawk. *Pathian thu kan hman ngam phawt chuan ringtute hi sual hneh rual kan ni lo.*


Pathian thu ang zêla kan awmna hi Thlarauva khata kan awmna a ni fo. *A rau* ber lai kan tih hi lâm tuala Hallelui ṭhuai ṭhuai lam aiin thlêmna leh harsatna hmuna Pathian thu kan hman ngamna hi a ni zawk fo. 


Kan châk zâwng leh duh zâwng tak, Pathian thu nena inmil lo nia kan hriat site hnawl ngam nih hi Thlarau mi nihna a ni zawk. Thlêmna hmang hian Pathian hian min fiah fo tih hi hria ila, chu hmunah chuan Pathian thu kan hmang ngam em tih hi i fiah fo bawk ang u.


*Pathian thu hi Thlarau Ngunhnâm a ni.*

Comments

Post a Comment

Popular posts from this blog

 *A INHRIATCHHUAH VE LEH* October 3, 2021 (Pathianni tûk) thuchah. _PP. Laldingngheta Sailo_ *Châng thlan:* _Luka 15:17-19  Tin, a inhriat chhuah veleh, ‘Ka pa hnena inhlawhfate chaw ei sen lohva nei an tam vei nen, kei lah chu hetah riltamin ka thi dawn si a!_  _Ka tho vang a, ka pa hnenah ka kal ang a, a hnenah, Ka pa, vana mi chungah leh nangma mithmuhin thil ka tisual e;_  _i fapaa vuah tlak ka ni ta lo ve; i hnena inhlawhfa pakhat angin mi siam ve rawh, ka ti ang,’ a ti a._ *Sawizauna:* Fapa tlanbo tehkhin thu hi beram bo leh duli bo chungchang tehkhin thu dawta Isua sawi a ni a. A pathum hian Pathian hmaa sima kirte chunga lâwmna a entir vek a ni. Tehkhin thua pa ber hi mi hausa tak mai, ram leh chhiahhlawh tam tak nei niin sawi a ni a. A fapate pawhin khawtlangah ngaihpawimawh hlawhin dinhmun ṭha takah an ding ngei ang tih a rinawm a. Nimahsela, chuta lungawi zo lo chuan fapa naupang zawk chuan a ro chanai lâin ram hla takah nuam chen turin a va kal ta a ni. A...
Read more
*Thlarau Thianghlim - Ringtute ralthuam* Têt lai/naupan lai khân kan indo lem/ in ṭheng ṭheng ṭhin a. Silai lem kan hmang a, kan in kâp ṭhin a. Kan kâ hmangin silai kah ri kan siam a, kan han inkâp tak tak chu kan tlu ve phak phak zel a, kan let ve tawp tawp zel ṭhin a nih kha. Nimahsela, silai tak ni lo na na na, a mu awm lo na na na chu kan tho leh mai a. Kan tlan leh zuai zuai ṭhin. Indona tak takah khatiang khan kal ta ila, khâng silai lem hmang khan va do ve ta ila, tumah kan that lovang a, kan hneh ngai lovang. Keimahni kan thi zawk hial ang. Ringtu nun chu indona a ni a, sual sipai nen ni tin kan indo ṭhin. Tam tak chuan naupan laia kan indolem ṭhin ang mai khan ralthuam lem tak tak kan hmang a, thirkawr lem kan ha a, hmanraw lem hlir kan hmangin kan inbel a. Indona mualah kan tlawm leh nge nge ṭhin. Biak Inah theihtawpa ṭhain kan inkhawm a, theihtawpa active-in Kohhranah kan che tla a, chûng chu ralthuam atan kan hmang ṭhin a. Mi beihnan kan hmang ṭhin a. A inhmang...
Read more
*Malsawmna danglam* Vawiin chu kan naute-in a  vawi thum nan vaccine a la a. A ṭap a, a khua te a sik a. Nausên mai a nih avangin ka lainat ngei mai. Hêng vaccine te hi nausên tan chuan a nâin an han chiu hian an ṭap vawn vawn zel a. Hmangaihtu tan chuan hmuh hrehawm tak a ni ṭhin. Tin, an khua a han sik a, hmangaihna leh khawngaihna nena en kan ni bawk a, hmuh an hrehawm ṭhin ngei mai.  Nimahsela, kha vaccine kha a nakin hun atan a ṭha dawn a. Natna chi hrang hrang lo do thei tura a taksa buatsaihna a nih avangin tunah hmangaihtu tan hmuh hrehawmin a tan nâ viau mahse, a khua hial tisik mahse kan tihtir lo thei lo a ni. A tun hun chauh ngaihtuahin khawngaih ta ila, nakinah natna hrang hrang lo thlengin a taksa hian a lo hmelhriat si loh chuan natna dotu a siam zung zung thei dawn si lova. A tan a ṭha dawn lo a ni. Chuvangin,tunah harsa mahse nakinah a tana ṭha zawk tur avangin kan laktir hram hram a ni. Hei hian kraws kawng min ngaihtuahtir a. "Tuarna pumpelh kawng zaw...
Read more