*NANG KA HNENAH I AWM SI A*


June 12, 2021 (Inrinni) thuchah.


_-PP Laldingngheta Sailo_


*Châng thlan:* 

Sam 23:4

_A ni, thihna hlim kawr ruam  zawh mah ila,_

_Thil ṭha lo rêng rêng ka hlau lo vang;_

_Nang ka hnenah i awm si a;_

_I talhtum leh i tiangin mi thlamuan ṭhin a ni._ 


*Sawizauna:*

Davida hi kum 1000 BC velah a hnampuite zingaha a lal ṭan a; Israel hnam zawng zawng chungah erawh chuan 993 BC ah ro a rêl ṭan a ni. Hemi hnu kum eng emaw zât, kum 20/30 liam hnuah chauh he Sam 23-na hi a ziak niin an ngai a. Davida hian a nunhlui leh hun liam tawhte thlir kirin, zirlai tam tak a lo zir tâkte kha a ngaihtuah lêt a. Pathianin a hruai dan lej a lo humhim ṭhin dan te, a mamawh a phuhruksak dan te zawng zawng a han ngaihtuah lêt a. Beram a venna hmun aṭanga Sakeibaknei leh sa hlauhawm tak tak laka Lalpan a ven dan te, Saula laka dinhmun hlauhawm taka a lo din ṭhin dante leh hmelma laka a lo humhim ṭhin dante a chhui lêt a. A beram vên laia beramte a enkawl a, a venghim ṭhin ang mai khân Lalpa hian a enkawlin a venghim ṭhin a. Harsatnate chu tâwk ve ṭhin mahse Lalpa talhtum leh tiang hi beramte tana beram vengtu tiang ang maia thlamuanthlâk a nihzia a sawi a ni.


*Hrehawmah pawh Lalpa kan hnenah a awm reng:*

Pathian hian kan hmaa harsatna zawng zawng hi a la kiang thei lo ni lovin a lâk sawn loh chang a awm fo ṭhin. Amah kan hnaih reng theih nana a lak kian loh chang a awm a. Kan rinna fiah nana a hman a awm bawk. A thutiam erawh a ngai reng a, Ama tate chu sual leh harsatnaten an tawh theih loh chin a awm ṭhin.


Daniela ṭhiante kha lal Nebukadnezzar-a lakah khan meipui lut lovin a chhan thei. Mahse meipui aia thiltithei zawk a nihzia lantir nan meipuiah khan thehluh mai an ni. Daniela kha Sakeibaknei puka lut lo tur khan chhan thei mahsela Sakeibaknei aia hlauhawm leh thiltithei zawk a nihzia tihlan nan kha pukah khan paih mai a ni.


Lazara thih hma khan Isua kha va kalin a tidam thei. A thih hnuah pawh ni 4 a la nghak a. Thlana ni 4 a awm tawh hnuah Pathian hnathawh ropui a lantir ta zawk a. Pathian ropuizia lan nan Lazara kha a thih phawt a remti a ni.


Pathian a chêt har (mihring ngaihtuahna leh duhdan aṭangin) avangin a tlai ta leh a thawk dawn lo emaw a awm ta lo a ni lo va. A ropuina hi harsatna hmuna a lan theih nan a ni fo ṭhin.


Ringtu kan nih avanga harsatna zawng zawng pumpelh tur kan ni lo va, ring lo tute ai maha kan tawrh nasat châng pawh a awm hial ṭhin. Pathian a awm ta lo emaw kan dilna a chhang duh ta lo a ni lo. A hun a nghak a, a ropuina a lan hun a nghak a ni.


Tin, he taksa chhandam hi a thupui ber a ni lo va, kan thlarau chhandam hi a tum ber a nih avang hian kan duh loh ber thihna thlengin kan chunga a thlen a remti ṭhin. Nimahsela, amah ring tak taktute chu a kalsan ngai lo.


*Thihna hlim kawr ruam zawh mah ila,* Isua neitute tan thil ṭha lo hlauh tur a awm lo. Kan thlarau chhandam a nih tawh avangin Isua kan hnenah a awm a. Isua nena thihna luipui kân loh hi hlauhawm ber, rapthlak ber a ni a, chu aia thil ṭha lo chu a awm lo. Mahse, Isua kan hnena a awm avangin thihna kan hnaih pawhin min zui a, a hnenah min hruai dawn a ni. Isua thisen hlua kan chawlh chuan thlamuang takin a thih theih zawk a ni.


Harsatna te, hlauhawm te, manganna te, hrehawmna hrang hrangte hi kan tawh loh bik tur a ni lo va, nimahsela Isua kan neih chuan *"Tui te in dai kai lai pawhin kei in hnenah ka awm ang a, luite in dai kai lai pawhin a chim pil lo vang che u; meia in kal tlang lai pawhin in kâng lovang a, meialhin a tialh hek lovang che u"* (Isaia 43:1-2) tih hi kan chan tur a ni zawk a ni.


Engmahin a khawih chhiat theih loh kan nunna chu Kristaa thuhruk a nih tawh avangin engpawh tawk ila kan him a ni tih hi i hre tlat ang u.

Comments

Post a Comment

Popular posts from this blog

 *A INHRIATCHHUAH VE LEH* October 3, 2021 (Pathianni tûk) thuchah. _PP. Laldingngheta Sailo_ *Châng thlan:* _Luka 15:17-19  Tin, a inhriat chhuah veleh, ‘Ka pa hnena inhlawhfate chaw ei sen lohva nei an tam vei nen, kei lah chu hetah riltamin ka thi dawn si a!_  _Ka tho vang a, ka pa hnenah ka kal ang a, a hnenah, Ka pa, vana mi chungah leh nangma mithmuhin thil ka tisual e;_  _i fapaa vuah tlak ka ni ta lo ve; i hnena inhlawhfa pakhat angin mi siam ve rawh, ka ti ang,’ a ti a._ *Sawizauna:* Fapa tlanbo tehkhin thu hi beram bo leh duli bo chungchang tehkhin thu dawta Isua sawi a ni a. A pathum hian Pathian hmaa sima kirte chunga lâwmna a entir vek a ni. Tehkhin thua pa ber hi mi hausa tak mai, ram leh chhiahhlawh tam tak nei niin sawi a ni a. A fapate pawhin khawtlangah ngaihpawimawh hlawhin dinhmun ṭha takah an ding ngei ang tih a rinawm a. Nimahsela, chuta lungawi zo lo chuan fapa naupang zawk chuan a ro chanai lâin ram hla takah nuam chen turin a va kal ta a ni. A...
Read more
*Thlarau Thianghlim - Ringtute ralthuam* Têt lai/naupan lai khân kan indo lem/ in ṭheng ṭheng ṭhin a. Silai lem kan hmang a, kan in kâp ṭhin a. Kan kâ hmangin silai kah ri kan siam a, kan han inkâp tak tak chu kan tlu ve phak phak zel a, kan let ve tawp tawp zel ṭhin a nih kha. Nimahsela, silai tak ni lo na na na, a mu awm lo na na na chu kan tho leh mai a. Kan tlan leh zuai zuai ṭhin. Indona tak takah khatiang khan kal ta ila, khâng silai lem hmang khan va do ve ta ila, tumah kan that lovang a, kan hneh ngai lovang. Keimahni kan thi zawk hial ang. Ringtu nun chu indona a ni a, sual sipai nen ni tin kan indo ṭhin. Tam tak chuan naupan laia kan indolem ṭhin ang mai khan ralthuam lem tak tak kan hmang a, thirkawr lem kan ha a, hmanraw lem hlir kan hmangin kan inbel a. Indona mualah kan tlawm leh nge nge ṭhin. Biak Inah theihtawpa ṭhain kan inkhawm a, theihtawpa active-in Kohhranah kan che tla a, chûng chu ralthuam atan kan hmang ṭhin a. Mi beihnan kan hmang ṭhin a. A inhmang...
Read more
*Malsawmna danglam* Vawiin chu kan naute-in a  vawi thum nan vaccine a la a. A ṭap a, a khua te a sik a. Nausên mai a nih avangin ka lainat ngei mai. Hêng vaccine te hi nausên tan chuan a nâin an han chiu hian an ṭap vawn vawn zel a. Hmangaihtu tan chuan hmuh hrehawm tak a ni ṭhin. Tin, an khua a han sik a, hmangaihna leh khawngaihna nena en kan ni bawk a, hmuh an hrehawm ṭhin ngei mai.  Nimahsela, kha vaccine kha a nakin hun atan a ṭha dawn a. Natna chi hrang hrang lo do thei tura a taksa buatsaihna a nih avangin tunah hmangaihtu tan hmuh hrehawmin a tan nâ viau mahse, a khua hial tisik mahse kan tihtir lo thei lo a ni. A tun hun chauh ngaihtuahin khawngaih ta ila, nakinah natna hrang hrang lo thlengin a taksa hian a lo hmelhriat si loh chuan natna dotu a siam zung zung thei dawn si lova. A tan a ṭha dawn lo a ni. Chuvangin,tunah harsa mahse nakinah a tana ṭha zawk tur avangin kan laktir hram hram a ni. Hei hian kraws kawng min ngaihtuahtir a. "Tuarna pumpelh kawng zaw...
Read more