*A RAM LEH A FELNA ZAWN HMASAK*


July 18, 2021 (Pathianni zân) thuchah


_-PP Laldingngheta Sailo_


*Châng thlan:* Mathaia 6:33 _A ram leh a felna chu zawng hmasa zâwk rawh u, tichuan chûng zawng zawng chu a pêk belhchhah dawn che u nia._


**Sawizauna:*

Chanchin Ṭha Matthaia ziak hi Synoptics gospels an tihte (Matthaia, Marka, Luka) zinga mi a ni. Matthaia hi Isua zirtir 12 te zinga mi a ni a, a hming awmzia hi "Pathian thilthlawnpêk" tihna a ni. 


Matthaia 5-7 hi *"Tlang chunga Isua thusawi"* an tih ṭhin a ni a. Vawiina kan châng thlan pawh hi hemi huam chhunga mi tho hi a ni. 


Isuan amah zuitu tur, a zirtirte a thlan khan mipuite hnena an thuchah ken tur leh an nun dan tur a zirtirna a ni a. Hemi avâng hian mithiam ṭhenkhat chuan "sawmpahnihte nemnghehna thuchah" tiin an sawi ṭhin nge nghe a. Ṭhenkhat chuan Krista thurin kaihtawi/tlangpui (Compendium of Christ's Doctrine) te pawh an ti hial a ni.


Kan châng thlan bik hi Pathian ram pawimawhzia leh chu chu thildang zawng aia ngaihpawimawh hmasak tur a nihzia thu Isuan a sawina a ni.


*Pastor testimony:* 

Pastor pakhat, Covid-19 vei dam leh testimony ka ngaithla a. Chutah chuan covid a vei laia a thil tawnte a sawi a, ngaihtuah a tithui viau mai. Phai lama awm a ni a, an awmnaah ni khatah covid case thar 5000 chuangte a awm a. Damdawi in a khat em em a, in admit na tur pawh hmuh mai mai theih a ni lo. Damdawi ina an han luh a, an enkawl hnuah pawh doctor te pawhin an beisei aia a ṭhat chak loh thu leh amah ngei pawhin a beiseina a chau hle tih a inhriat a, thihna kotlanga daka a thi dawn nge a dam dawn tih engmah a chian loh meuh chuan "kan dam ṭhat laia kan lo ngaihpawimawh ṭhin, kan thuamhnaw te, kan sum leh pai leh thildang tam takte khân hlutna a lo nei lo va, a ho em em vek mai a ni" a ti a ni. 


*Ngaihpawimawh hmasak tur Pathian ram:*

Ni, khawvêla kan ngaihhlut leh ngaihpawimawh tam tak hi rei daih lo tur leh thlarau khawvêla awmze nei lo tur a ni. Khawvêl changkang zelah duh leh it leh mamawh kan neih belh zel a. Chûngte chu neih loh hlauvin kan hmanhlel a. Kan thlarau nun ngaihtuah hman mang lovin kan tlân ta ṭhin a ni. Kan dam ṭhat lai chuan hlu viauin kan hria a ni thei e, nimahsela, he khawvêl bâk daih lo tur thilte hi thihna khuma han mut meuh chuan a lo hoh zia, engmah lo mai a lo nihzia a chiang ṭhin a ni.


Mi hausa leh Lazara tehkhin thu Bible-ah kan hmu a. Mi hausa kha khawvêlah a duh duh nei theiin khawsa nuam viau mahse a thlarau nun lam a lo ngaihpawimawh loh êm avangin a thih han thih meuh chuan a chan a chhe ta hle a nih kha. 


Tin, mi hausa â tehkhin thuah pawh kan hmu a, khawvêl thila inchhêk arbawm a, inlâk len vaka Pathian hriat leh si lohvin awmzia a neih thui lohzia a lan chian êm kha. Chawl der der tawh tura inngai hnenah khan "Mi â, zan inah i thlarau an laksak dawn che, i thil deh chhuah kha tu ta nge ni ta ang le?" tih zawhna a dawng ta mai a nih kha.


Eng hi nge ka nunah hian ka dah pawimawh ber ṭhin le? Ka hun leh tha leh kan ngaihtuahna hman nasat berna hi eng nge ni le? Chûngte chuan Pathian ram min thlen dawn em? Pathian ram min thlen thei lo tur thil ngaihpawimawha, Pathian aia lo thlan fo hian hlutna a lo nei tlem hle a ni tih hi i ngaihtuah ṭhin ang u. 


Samsona anga Pathian aia keimahni duhzawng kan thlanna hian min ṭahtir thei tih hria ila. "Duh duh dâna awm chu duh loh dâna awmna" te pawh kan lo tih ṭhin kha maw. Thil dang zawng zawng aia neih atâna hlu chu Isua Krista hi a ni. 


Mihringte hi vawi hnih kan nung dawn a. Taksa khawvêl leh thlarau khawvêl a ni ang. A hmasa zawk hi Temporary (eng emaw chhûng atân chauh) a ni a, a hnuhnung zawk hi permanent (a nghet) tur a ni. Kan nun hmasaa kan thiltih leh buaipui hian a hnuhnunga kan nun tur a hril tih hria ila. He khawvêla kan buaipui, kan ngaihsan leh neih loh hlauva kan buaipui tam takte hi thlarau khawvêl aṭanga nuihzatthlak tak a ni ang. 


Pathian ram buaipui hmasa a, dahpawimawh hmasatute hian khawvêl hi an chên lo a ni ngawt bik lo a nia. Khawvêl thila inchhêk leh buaipuitute hlimna aia hlimna thûk zawk hi Isua buaipuitute hian Isua zârah hian kan nei thei a ni. Vawiina kan ngaihtuahte aia nasa pawh hian mal min sawm thei a, min pek belh thei a ni. Kan hlauh em em natna hri laka himna pawh hi a awm a. Vei kan hlauh luat avanga kan inkhung ṭhin te, vaccine kan lakte ai hian a kutphah ropui hi a him zâwk a ni. Lo invên loh tur, damdawi ei loh tur, vaccine lak loh tur ka tihna a ni lo va, thil dang aia Pathian rinna, Lalpa buaipui zawkna hi a hlu a ni ka tihna a ni. Chuvangin, ngaihpawimawh hmasak tur zawk i thlang thiam ang u.

Comments

Post a Comment

Popular posts from this blog

 *A INHRIATCHHUAH VE LEH* October 3, 2021 (Pathianni tûk) thuchah. _PP. Laldingngheta Sailo_ *Châng thlan:* _Luka 15:17-19  Tin, a inhriat chhuah veleh, ‘Ka pa hnena inhlawhfate chaw ei sen lohva nei an tam vei nen, kei lah chu hetah riltamin ka thi dawn si a!_  _Ka tho vang a, ka pa hnenah ka kal ang a, a hnenah, Ka pa, vana mi chungah leh nangma mithmuhin thil ka tisual e;_  _i fapaa vuah tlak ka ni ta lo ve; i hnena inhlawhfa pakhat angin mi siam ve rawh, ka ti ang,’ a ti a._ *Sawizauna:* Fapa tlanbo tehkhin thu hi beram bo leh duli bo chungchang tehkhin thu dawta Isua sawi a ni a. A pathum hian Pathian hmaa sima kirte chunga lâwmna a entir vek a ni. Tehkhin thua pa ber hi mi hausa tak mai, ram leh chhiahhlawh tam tak nei niin sawi a ni a. A fapate pawhin khawtlangah ngaihpawimawh hlawhin dinhmun ṭha takah an ding ngei ang tih a rinawm a. Nimahsela, chuta lungawi zo lo chuan fapa naupang zawk chuan a ro chanai lâin ram hla takah nuam chen turin a va kal ta a ni. A...
Read more
*Thlarau Thianghlim - Ringtute ralthuam* Têt lai/naupan lai khân kan indo lem/ in ṭheng ṭheng ṭhin a. Silai lem kan hmang a, kan in kâp ṭhin a. Kan kâ hmangin silai kah ri kan siam a, kan han inkâp tak tak chu kan tlu ve phak phak zel a, kan let ve tawp tawp zel ṭhin a nih kha. Nimahsela, silai tak ni lo na na na, a mu awm lo na na na chu kan tho leh mai a. Kan tlan leh zuai zuai ṭhin. Indona tak takah khatiang khan kal ta ila, khâng silai lem hmang khan va do ve ta ila, tumah kan that lovang a, kan hneh ngai lovang. Keimahni kan thi zawk hial ang. Ringtu nun chu indona a ni a, sual sipai nen ni tin kan indo ṭhin. Tam tak chuan naupan laia kan indolem ṭhin ang mai khan ralthuam lem tak tak kan hmang a, thirkawr lem kan ha a, hmanraw lem hlir kan hmangin kan inbel a. Indona mualah kan tlawm leh nge nge ṭhin. Biak Inah theihtawpa ṭhain kan inkhawm a, theihtawpa active-in Kohhranah kan che tla a, chûng chu ralthuam atan kan hmang ṭhin a. Mi beihnan kan hmang ṭhin a. A inhmang...
Read more
*Malsawmna danglam* Vawiin chu kan naute-in a  vawi thum nan vaccine a la a. A ṭap a, a khua te a sik a. Nausên mai a nih avangin ka lainat ngei mai. Hêng vaccine te hi nausên tan chuan a nâin an han chiu hian an ṭap vawn vawn zel a. Hmangaihtu tan chuan hmuh hrehawm tak a ni ṭhin. Tin, an khua a han sik a, hmangaihna leh khawngaihna nena en kan ni bawk a, hmuh an hrehawm ṭhin ngei mai.  Nimahsela, kha vaccine kha a nakin hun atan a ṭha dawn a. Natna chi hrang hrang lo do thei tura a taksa buatsaihna a nih avangin tunah hmangaihtu tan hmuh hrehawmin a tan nâ viau mahse, a khua hial tisik mahse kan tihtir lo thei lo a ni. A tun hun chauh ngaihtuahin khawngaih ta ila, nakinah natna hrang hrang lo thlengin a taksa hian a lo hmelhriat si loh chuan natna dotu a siam zung zung thei dawn si lova. A tan a ṭha dawn lo a ni. Chuvangin,tunah harsa mahse nakinah a tana ṭha zawk tur avangin kan laktir hram hram a ni. Hei hian kraws kawng min ngaihtuahtir a. "Tuarna pumpelh kawng zaw...
Read more