He must increase

 *KRISTA LANGSÂR RAWH SE.*


June 9, 2021 (Nilaini) thuchah


_-PP Laldingngheta Sailo_


*Bible châng thlan:* Johana 3:30 _*Ani chu tlatlum tur a ni, kei erawh chu lâng tur ka ni.*_


*Sawizauna:* 

He lai thu hi Isua Krista chungchang, Johana'n a sawina a ni a. A sap ṭawng lama a lan dan hi Bible version hrang hrangah a dang a. 


Ṭhenkhatah chuan - *"He must increase; I must decrease"* tia dah a ni a. Tin, a ṭhenah chuan - *"He must become greater, I must become less"* tia dah a ni bawk a. 


Ka han ngaihtuah vang vang a, Mizo ṭawnga kan dah dan hi tam tak tân chuan a chiang lo deuh em aw tih châng ka nei a. Ani chu tlatlum tur a ni a, kei erawh chu lâng tur ka ni tih a nih hian english lama an dah dan en hi chuan an let fuh lo deuh em aw ka ti ṭhin.


*Krista a langsâr tur a ni:* 

Ka rilruah chuan heti hian a lang a. Ani chu a lian telh telh ang a, kei ka tê telh telh ang. Ani chu a pawimawh telh telh ang a, kei ka pawimawh lo telh telh ang. Isua chu a langsâr telh telh ang a, kei ka langsâr lo telh telh ang tiin. Johana khân zirtirte leh mipuite hnenah khân Isua chu amah aia pawimawh a nih thu leh a pawimawhna pawh nasa telh telh tur a nih thu a sawina a ni.


Hei hi kan sawi ve fo leh a taka kan thlentir pawh a pawimawh hlein ka hria. Keini ringtute nunah rawngbawlnaah hian *keini aia Isua a lansarh loh hi a tam ṭhinin ka hria.* Isua a langsâr telh telh tur a ni. Mahni lansarh nân mai rawng kan bawl tur a ni lo va, malsawmna beisei leh thlir rana rawngbawl tur lah kan ni hek lo.


Kan rawngbawlnaah hian thlarauva bul ṭan pawh ni ṭhin mah ila, kan lian telh telh a, Krista a te telh telh fo ṭhin. Amah avânga malsawmna kan dawn, A rawng kan bawl venaa a zâr kan zo vena hian a hmel min hliah fo va, mahni nawmna leh hlawkna ringawt ûma rawngbawl tâk mai a awl ṭhin.


A rawng kan bawlsak Krista zawk hi lang lian zel se, langsar zel sela. Keini erawh inpaih tê zel ila. Kan nun (ringtu nun) hian Krista chawimawi sela, keimah ni lovin Krista zawk hi langsar sela. Krista hminga ka thiltih ṭhin te, Kohhran leh khawtlanga rawng ka bawl venaah leh ka nun hmanga Krista rawng ka bawlnaah hian mahni indah langsâr mai lo va, Krista dah pawimawh hmasa zâwk tur kan ni. Tam tak chuan Krista aiin mahni intârlan kan châk tlat a. Mite tân malsawmna nih ve kan tum pawhin Krista hming aiin kan hming hi langse kan ti tlat ṭhinin a lang.


Isua dah pawimawh hmasak zelna nunah hian midangte tâna malsawmna nihna a awm a, mite belh ngam nihna a awm a, Pathian chawimawina nun a lang chhuak ṭhin. Keini pawh hian Krista dah langsâr tlat ila, thil ṭha kan tih chhan hi Krista ni se. Tichuan, kan nun leh rawngbawlnaah Krista chu chawimawiin a awm thei ang.

Comments

Post a Comment

Popular posts from this blog

 *A INHRIATCHHUAH VE LEH* October 3, 2021 (Pathianni tûk) thuchah. _PP. Laldingngheta Sailo_ *Châng thlan:* _Luka 15:17-19  Tin, a inhriat chhuah veleh, ‘Ka pa hnena inhlawhfate chaw ei sen lohva nei an tam vei nen, kei lah chu hetah riltamin ka thi dawn si a!_  _Ka tho vang a, ka pa hnenah ka kal ang a, a hnenah, Ka pa, vana mi chungah leh nangma mithmuhin thil ka tisual e;_  _i fapaa vuah tlak ka ni ta lo ve; i hnena inhlawhfa pakhat angin mi siam ve rawh, ka ti ang,’ a ti a._ *Sawizauna:* Fapa tlanbo tehkhin thu hi beram bo leh duli bo chungchang tehkhin thu dawta Isua sawi a ni a. A pathum hian Pathian hmaa sima kirte chunga lâwmna a entir vek a ni. Tehkhin thua pa ber hi mi hausa tak mai, ram leh chhiahhlawh tam tak nei niin sawi a ni a. A fapate pawhin khawtlangah ngaihpawimawh hlawhin dinhmun ṭha takah an ding ngei ang tih a rinawm a. Nimahsela, chuta lungawi zo lo chuan fapa naupang zawk chuan a ro chanai lâin ram hla takah nuam chen turin a va kal ta a ni. A...
Read more
*Thlarau Thianghlim - Ringtute ralthuam* Têt lai/naupan lai khân kan indo lem/ in ṭheng ṭheng ṭhin a. Silai lem kan hmang a, kan in kâp ṭhin a. Kan kâ hmangin silai kah ri kan siam a, kan han inkâp tak tak chu kan tlu ve phak phak zel a, kan let ve tawp tawp zel ṭhin a nih kha. Nimahsela, silai tak ni lo na na na, a mu awm lo na na na chu kan tho leh mai a. Kan tlan leh zuai zuai ṭhin. Indona tak takah khatiang khan kal ta ila, khâng silai lem hmang khan va do ve ta ila, tumah kan that lovang a, kan hneh ngai lovang. Keimahni kan thi zawk hial ang. Ringtu nun chu indona a ni a, sual sipai nen ni tin kan indo ṭhin. Tam tak chuan naupan laia kan indolem ṭhin ang mai khan ralthuam lem tak tak kan hmang a, thirkawr lem kan ha a, hmanraw lem hlir kan hmangin kan inbel a. Indona mualah kan tlawm leh nge nge ṭhin. Biak Inah theihtawpa ṭhain kan inkhawm a, theihtawpa active-in Kohhranah kan che tla a, chûng chu ralthuam atan kan hmang ṭhin a. Mi beihnan kan hmang ṭhin a. A inhmang...
Read more
*Malsawmna danglam* Vawiin chu kan naute-in a  vawi thum nan vaccine a la a. A ṭap a, a khua te a sik a. Nausên mai a nih avangin ka lainat ngei mai. Hêng vaccine te hi nausên tan chuan a nâin an han chiu hian an ṭap vawn vawn zel a. Hmangaihtu tan chuan hmuh hrehawm tak a ni ṭhin. Tin, an khua a han sik a, hmangaihna leh khawngaihna nena en kan ni bawk a, hmuh an hrehawm ṭhin ngei mai.  Nimahsela, kha vaccine kha a nakin hun atan a ṭha dawn a. Natna chi hrang hrang lo do thei tura a taksa buatsaihna a nih avangin tunah hmangaihtu tan hmuh hrehawmin a tan nâ viau mahse, a khua hial tisik mahse kan tihtir lo thei lo a ni. A tun hun chauh ngaihtuahin khawngaih ta ila, nakinah natna hrang hrang lo thlengin a taksa hian a lo hmelhriat si loh chuan natna dotu a siam zung zung thei dawn si lova. A tan a ṭha dawn lo a ni. Chuvangin,tunah harsa mahse nakinah a tana ṭha zawk tur avangin kan laktir hram hram a ni. Hei hian kraws kawng min ngaihtuahtir a. "Tuarna pumpelh kawng zaw...
Read more