*The Khualzin*
_Hebrai 11:13-16_
Mizote sap sipaia an ṭan lai pawh khan an lung a leng lutuk a. "La cham leh ula London kan fanpui ang che u," an ti a ni awm e. Mahse anni chuan "London ai chuan kan sumhmuna arbawm chhia pawh kan hmu châk tawh zawk" an ti a ni awm e. A ni lah tak a, "mi ramah zawng lunglên a nâ e, lâm ang lo lêt ka nuam e..." te pawh kan tih vawng vawng ṭhin kha maw.
Khual khuaah kan zinin kan kal ṭhin a. Chu khuaah chuan tlângnêl viauin mahni khua ang tluk hiala kan ngaih leh kan zin tamna, kan khawsak tamna mah nise mahni khaw ngaih leh ngainat, hmangaih hi chu a nâ a ni. Mahni khua ang takin kan tlângnêl tawk zo lo fo rêng a. A tawpa haw kan duhna chu 'kan khuaah ngei' tho a ni zel a ni.
Khawvêl hi kan khualzinna ram a ni a. Haw lehna tur ram kan nei a ni. He kan kum hlun lohna tur ramah hian châm hlen tur ang zia zâng hian kan khawsa ta ṭhin a. Mi neih ang neih ve loh hlauvin kan rinna hial pawh thâp ṭhak ten kan han che ta ṭhin a. Van khua leh tui kan ni tih hi kan theihnghilh ṭhin nge ni ang a, rinna hloh ṭhak, phatsan ṭhak khawpa khawvêl thila kan han tlan mai ṭhin hi chu a fuh lo deuh a ni.
Hâwng leh tur kan nihna hian min hneh hle se chuan kan rinna hi khawvêl thil hotê tê hmang hi chuan kan hralh phalin ka ring lo ṭhin. Khawvêl thil neih loh tur, inchhêkkhawl loh tur tihna lam ni lovin kan piantharna dah ṭha hmak khawpa kan haw lehna khaw neitu duhdan kalha kan han che ṭhin hi chu a pawi ṭhin a ni. Khawvêl ata hi kan la kal chhuak ang a, chuta chhawm theih khawvêl thil engmah kan nei dawn lo.
*Chuvangin, kan rinna phatsanna tur khawp khawvêl thil chhêkkhawl tum lo ila, kan piantharna dah ṭhat ngai khawpa thil dik lovah hian inhnamhnawih i tum lovang u. Châm hlen tur kan ni lova, haw leh tur kan nih hi i hre thar fo ang u. Hawnpui tlâk nun thianghlim neih i tum tlat ang u.*
12.06.2020 (Fri) 11:42 pm
_Hebrai 11:13-16_
Mizote sap sipaia an ṭan lai pawh khan an lung a leng lutuk a. "La cham leh ula London kan fanpui ang che u," an ti a ni awm e. Mahse anni chuan "London ai chuan kan sumhmuna arbawm chhia pawh kan hmu châk tawh zawk" an ti a ni awm e. A ni lah tak a, "mi ramah zawng lunglên a nâ e, lâm ang lo lêt ka nuam e..." te pawh kan tih vawng vawng ṭhin kha maw.
Khual khuaah kan zinin kan kal ṭhin a. Chu khuaah chuan tlângnêl viauin mahni khua ang tluk hiala kan ngaih leh kan zin tamna, kan khawsak tamna mah nise mahni khaw ngaih leh ngainat, hmangaih hi chu a nâ a ni. Mahni khua ang takin kan tlângnêl tawk zo lo fo rêng a. A tawpa haw kan duhna chu 'kan khuaah ngei' tho a ni zel a ni.
Khawvêl hi kan khualzinna ram a ni a. Haw lehna tur ram kan nei a ni. He kan kum hlun lohna tur ramah hian châm hlen tur ang zia zâng hian kan khawsa ta ṭhin a. Mi neih ang neih ve loh hlauvin kan rinna hial pawh thâp ṭhak ten kan han che ta ṭhin a. Van khua leh tui kan ni tih hi kan theihnghilh ṭhin nge ni ang a, rinna hloh ṭhak, phatsan ṭhak khawpa khawvêl thila kan han tlan mai ṭhin hi chu a fuh lo deuh a ni.
Hâwng leh tur kan nihna hian min hneh hle se chuan kan rinna hi khawvêl thil hotê tê hmang hi chuan kan hralh phalin ka ring lo ṭhin. Khawvêl thil neih loh tur, inchhêkkhawl loh tur tihna lam ni lovin kan piantharna dah ṭha hmak khawpa kan haw lehna khaw neitu duhdan kalha kan han che ṭhin hi chu a pawi ṭhin a ni. Khawvêl ata hi kan la kal chhuak ang a, chuta chhawm theih khawvêl thil engmah kan nei dawn lo.
*Chuvangin, kan rinna phatsanna tur khawp khawvêl thil chhêkkhawl tum lo ila, kan piantharna dah ṭhat ngai khawpa thil dik lovah hian inhnamhnawih i tum lovang u. Châm hlen tur kan ni lova, haw leh tur kan nih hi i hre thar fo ang u. Hawnpui tlâk nun thianghlim neih i tum tlat ang u.*
12.06.2020 (Fri) 11:42 pm
Ava tha thin em
ReplyDelete