*Lung chu lum sawnin a awm*

Marka 16:1-4

Isua a thi a, phûmin a awm a. A thawhleh tur thu sawi mah sela a zuitute tan khân a va han beidawnthlâk dawn em.

Mari Magdalini te, Mari Jakoba nu te, Salomi te chuan amah hnawih atan rimtuin an lei a, thlanah an va kal a. An kalkawngah chuan, *"Thlân kawngka ata lung chu tuin nge min lum sawnsak ang aw?"* tiin an inzawt a. Hmeichhia vek an ni si a, an tan chuan a huphurhawm rêng a ni. Nimahsela, an tan lum sawn rêng a lo ngai lo. Lung chu lum sawn a ni a, thlân chhunga Isua pawh a awm tawh lo. A tho leh tawh tlat. A sawi ang ngeiin thihna hnehin a tho leh a, an hnenah inlarin midangte hnenah pawh a inlar a, a thlamuan zel a ni.

Vawiinah hian Isua thihna leh thawhlehna avang hian ringtute hian hnehna kan puang ve thei a ni. Isua thlân pana kal hmeichhiate khan *"lung a lian si a, kan lum sawn thei chuang lovang,"* tiin thlân kha kal lo ta se la lung lian tak an lum sawn ngai lo va lo inlum sawn sa leh Isua'n thihna a hneh a, a tho leh ta ngei a ni tih kha an va hmu lo mai thei a ni. Nimahsela, lung lum sawn saktu an awm lo mai thei a ni tih hre chungin thlân an pan a. Lung chu lum sawnin an hmu ta.

Vawiinah hian kan hmaah hian Isua ropuina leh a hnathawh, a hnehna kan hmuh theih loh leh kan chan theih lohna daltu harsatna lungpui lianpui kan hmaah hian a awm a ni thei e. Keimahni zawn ṭheuhvah kan harsatna lungpui hi a inang vek kher lovang. *Nimahsela, Krista min hnehsakna ring chunga mahni theihna aia Krista chauh thlirtute nunah hian chu harsatna lungpui chu hnehin a awm ṭhin.*

"Ka hneh leh awm chuang si lo va," tia mahni theihna chauh thlirtute nunah Pathian ropuina a lang thei lo. Isua zawk thlirin kan hmaa harsatna awmte kan indâltir loh a pawimawh a ni. Chumi hnuah chuan Isua hnehna chu hmuh theih a ni si a.

Lungpui a awm tih avanga Isua kan panna, a rawng kan bawlna kan tih theih loh hian Isua ropuina a lang thei lo. Lungpui awm mahsela tia amah kan pan luihnaah hian Lalpa a che a, a inlâr zawk ṭhin.

*Harsatna ai hian kan Lalpa hi a lian zawk a, hneh theih loh a nei lo va, Amah hi hneh theih loh chu a ni zawk.*

*_Thihna chelh hlen rual lohva a thawh leh tak hi._*

Chibai ule.

Comments

Post a Comment

Popular posts from this blog

 *A INHRIATCHHUAH VE LEH* October 3, 2021 (Pathianni tûk) thuchah. _PP. Laldingngheta Sailo_ *Châng thlan:* _Luka 15:17-19  Tin, a inhriat chhuah veleh, ‘Ka pa hnena inhlawhfate chaw ei sen lohva nei an tam vei nen, kei lah chu hetah riltamin ka thi dawn si a!_  _Ka tho vang a, ka pa hnenah ka kal ang a, a hnenah, Ka pa, vana mi chungah leh nangma mithmuhin thil ka tisual e;_  _i fapaa vuah tlak ka ni ta lo ve; i hnena inhlawhfa pakhat angin mi siam ve rawh, ka ti ang,’ a ti a._ *Sawizauna:* Fapa tlanbo tehkhin thu hi beram bo leh duli bo chungchang tehkhin thu dawta Isua sawi a ni a. A pathum hian Pathian hmaa sima kirte chunga lâwmna a entir vek a ni. Tehkhin thua pa ber hi mi hausa tak mai, ram leh chhiahhlawh tam tak nei niin sawi a ni a. A fapate pawhin khawtlangah ngaihpawimawh hlawhin dinhmun ṭha takah an ding ngei ang tih a rinawm a. Nimahsela, chuta lungawi zo lo chuan fapa naupang zawk chuan a ro chanai lâin ram hla takah nuam chen turin a va kal ta a ni. A...
Read more
*Thlarau Thianghlim - Ringtute ralthuam* Têt lai/naupan lai khân kan indo lem/ in ṭheng ṭheng ṭhin a. Silai lem kan hmang a, kan in kâp ṭhin a. Kan kâ hmangin silai kah ri kan siam a, kan han inkâp tak tak chu kan tlu ve phak phak zel a, kan let ve tawp tawp zel ṭhin a nih kha. Nimahsela, silai tak ni lo na na na, a mu awm lo na na na chu kan tho leh mai a. Kan tlan leh zuai zuai ṭhin. Indona tak takah khatiang khan kal ta ila, khâng silai lem hmang khan va do ve ta ila, tumah kan that lovang a, kan hneh ngai lovang. Keimahni kan thi zawk hial ang. Ringtu nun chu indona a ni a, sual sipai nen ni tin kan indo ṭhin. Tam tak chuan naupan laia kan indolem ṭhin ang mai khan ralthuam lem tak tak kan hmang a, thirkawr lem kan ha a, hmanraw lem hlir kan hmangin kan inbel a. Indona mualah kan tlawm leh nge nge ṭhin. Biak Inah theihtawpa ṭhain kan inkhawm a, theihtawpa active-in Kohhranah kan che tla a, chûng chu ralthuam atan kan hmang ṭhin a. Mi beihnan kan hmang ṭhin a. A inhmang...
Read more
*Malsawmna danglam* Vawiin chu kan naute-in a  vawi thum nan vaccine a la a. A ṭap a, a khua te a sik a. Nausên mai a nih avangin ka lainat ngei mai. Hêng vaccine te hi nausên tan chuan a nâin an han chiu hian an ṭap vawn vawn zel a. Hmangaihtu tan chuan hmuh hrehawm tak a ni ṭhin. Tin, an khua a han sik a, hmangaihna leh khawngaihna nena en kan ni bawk a, hmuh an hrehawm ṭhin ngei mai.  Nimahsela, kha vaccine kha a nakin hun atan a ṭha dawn a. Natna chi hrang hrang lo do thei tura a taksa buatsaihna a nih avangin tunah hmangaihtu tan hmuh hrehawmin a tan nâ viau mahse, a khua hial tisik mahse kan tihtir lo thei lo a ni. A tun hun chauh ngaihtuahin khawngaih ta ila, nakinah natna hrang hrang lo thlengin a taksa hian a lo hmelhriat si loh chuan natna dotu a siam zung zung thei dawn si lova. A tan a ṭha dawn lo a ni. Chuvangin,tunah harsa mahse nakinah a tana ṭha zawk tur avangin kan laktir hram hram a ni. Hei hian kraws kawng min ngaihtuahtir a. "Tuarna pumpelh kawng zaw...
Read more