*A vuakna vualte chuan tihdamin kan awm ta.*
*_Laldingngheta Sailo_*
Isaia 53:1-9
Tunlai chu kan buai nuai nuai hle mai. Hman deuh siin kan buai em em bawk a. Tih tur tam tak nei siin engmah tak tak tithei si lovin kan awm a, he hri lêng ṭihbaiawm leh ngeiawm tak avang hian damna te, thlamuanna te hi a va hlu zual em. Tute mai pawh hian a vei nih kan hlau va, kan thla a phang hlawm ṭheuh a nih hi.
Ni, he COVID-19 kher hi chu kan generation-a kan ram tana hri hlauhawm ber a la ni hial awm e. Hri lêng dang dang SARS te, Swine Flu te, etc kan hria a, kan hlau viau ṭhin. Nimahsela, kan ram a rawn luh chiah loh ṭhin avangin kan hlauh dan a nep viau mai.
Nimahsela, he virus chimawm zet erawh hi chuan kan ram ngei pawh a rawn thleng a, a vei pawh kan awm ve ta ran mai a. Engti angin nge a la darh zel ang a, kan ram hi eng chen nge kan ven theih ang tih hi sawi thei kan awm lo va. Thaw dep depin kan thlir ṭhup a nih ber hi. A ni lah tak a, inkaichhawn a awlsam em em a, rei lotêah a darh chak em em mai si. Kan ram zim tê hi rawn rûn ta se kan pul puk puk mai ang tih a hlauhawm rêng a. A damdawi leh invenna a la awm miau loh avangin Social distance, mask, glove tih vel bak chu han do theihna kan la nei lo miau va. A hlauhthawnawmin beng hi kan chhi hra hra reng mai a nih hi.
He hri lêng/virus laka invenna (vaccine) emaw a tihdamna damdawi hi hmu chhuak thuai se kan tih hle hi. Kan nunphung zawng zawng min tibuai a, ṭhen leh rual inkawm thei lo, Pathian Biak Ina inkhawm thei lo leh Bazar pawh min tikal ngam lo va, zin khaw thawn pawh kan theih loh phahna hri lêng hi a va huatawm tak êm.
Chutihruala ka ngaihtuahnaa rawn lut chu he Coronavirus aia natna thuk zawk, COVID-19 aia hlauhawm zawk leh huatawm zawk chu Eden natna kan vei kha a ni. Tu fa mah hian he natna hi a do zo lo va, hrisel leh bawrhsawm lam a ni lo va, hausak leh pachhiat lam a ni lo. Damdawi lam thiamna leh hriatnaa dam chi a ni lo va, a natna hi a thûk em a ni.
Covid-19 hi hlauhawm viau mahse, inkhung ṭhat te, fimkhur viau chuan inven theih a ni a. Ṭhalai leh hriselna ṭha deuh tan phei chuan vei pawhin dam khaw chhuahna chance a la sang a ni tihte a la ni leh zel a. A hlauhawm viau rualin survive pawh an tam ve viau rêng a ni.
Nimahsela, Eden natna erawh chu tupawhin an vei a, ṭhalai nih avanga vei loh ngawt lam a ni lo va, inkhunghrana lo inven theih lah a ni hek lo. Lal Davida phei chuan 'ka nu'n sualin mi pai a' tiin suala piang (Eden natna neia piang) a nihzia a sawi hial a ni. Mihringa piang chhuak tawh phawt chuan a vei a ni. Chatuana thihna a la ni zui leh ta nghal a.
Mahse, he eden natna erawh hi chuan damdawi a nei hlauh thung a. Chu a damdawi chu Isua Krista a ni.
_Ani chuan kan natnate phurin, kan lungngaihnate pawh a phur ngei a;_ ...
_a vuakna vualtea tihdamin kan awm ta_
Chu kan pianpui natna, Eden bawhchhiatna avanga natna kan neih, kan dampui zawh loh tur leh chatuana kan boral pui ngei ngei tur laka kan dam nan chuan Isua a rawn inpe a. Chu natna chu min phurhsak ta vek a nih chu. Kan natnate a phur a, chu sual avanga kan lungngaihna pawh min hnehsak ta. Kan nat ai zawng zawng a na a, Eden natna hrikin min ei chhiat tur zawng zawng ai Isuaah bel a ni a, bawhchhiatna avanga kan mawhphurhna pawh Isua'n min hlensak ta a ni. Chumi ring duhte tan chuan chatuana damna a awm ta a ni. Chu damna Isua, kan aia eden natna rawn thihpuitu avang chuan Eden natna avangin kan thi tawh lo vang. Chatuana dam hlen tawh turin Isua chu ka rin ve thung mai kha a lo tawk a ni.
Covid-19 aia natna hlauhawm eden natna laka min chhantu leh min tidamtu hian he hri lêng mek, kan hlauh em em virus lakah pawh hian min tidam thei tih ka hria. Tihdamna dang awm lo natna laka min chhandam theih chuan virus te tak te lakah chuan min va chhan thei dawn tehlul em.
*Ka ring ang che, Lalpa*
*I rinawm vangin*
*_Laldingngheta Sailo_*
Isaia 53:1-9
Tunlai chu kan buai nuai nuai hle mai. Hman deuh siin kan buai em em bawk a. Tih tur tam tak nei siin engmah tak tak tithei si lovin kan awm a, he hri lêng ṭihbaiawm leh ngeiawm tak avang hian damna te, thlamuanna te hi a va hlu zual em. Tute mai pawh hian a vei nih kan hlau va, kan thla a phang hlawm ṭheuh a nih hi.
Ni, he COVID-19 kher hi chu kan generation-a kan ram tana hri hlauhawm ber a la ni hial awm e. Hri lêng dang dang SARS te, Swine Flu te, etc kan hria a, kan hlau viau ṭhin. Nimahsela, kan ram a rawn luh chiah loh ṭhin avangin kan hlauh dan a nep viau mai.
Nimahsela, he virus chimawm zet erawh hi chuan kan ram ngei pawh a rawn thleng a, a vei pawh kan awm ve ta ran mai a. Engti angin nge a la darh zel ang a, kan ram hi eng chen nge kan ven theih ang tih hi sawi thei kan awm lo va. Thaw dep depin kan thlir ṭhup a nih ber hi. A ni lah tak a, inkaichhawn a awlsam em em a, rei lotêah a darh chak em em mai si. Kan ram zim tê hi rawn rûn ta se kan pul puk puk mai ang tih a hlauhawm rêng a. A damdawi leh invenna a la awm miau loh avangin Social distance, mask, glove tih vel bak chu han do theihna kan la nei lo miau va. A hlauhthawnawmin beng hi kan chhi hra hra reng mai a nih hi.
He hri lêng/virus laka invenna (vaccine) emaw a tihdamna damdawi hi hmu chhuak thuai se kan tih hle hi. Kan nunphung zawng zawng min tibuai a, ṭhen leh rual inkawm thei lo, Pathian Biak Ina inkhawm thei lo leh Bazar pawh min tikal ngam lo va, zin khaw thawn pawh kan theih loh phahna hri lêng hi a va huatawm tak êm.
Chutihruala ka ngaihtuahnaa rawn lut chu he Coronavirus aia natna thuk zawk, COVID-19 aia hlauhawm zawk leh huatawm zawk chu Eden natna kan vei kha a ni. Tu fa mah hian he natna hi a do zo lo va, hrisel leh bawrhsawm lam a ni lo va, hausak leh pachhiat lam a ni lo. Damdawi lam thiamna leh hriatnaa dam chi a ni lo va, a natna hi a thûk em a ni.
Covid-19 hi hlauhawm viau mahse, inkhung ṭhat te, fimkhur viau chuan inven theih a ni a. Ṭhalai leh hriselna ṭha deuh tan phei chuan vei pawhin dam khaw chhuahna chance a la sang a ni tihte a la ni leh zel a. A hlauhawm viau rualin survive pawh an tam ve viau rêng a ni.
Nimahsela, Eden natna erawh chu tupawhin an vei a, ṭhalai nih avanga vei loh ngawt lam a ni lo va, inkhunghrana lo inven theih lah a ni hek lo. Lal Davida phei chuan 'ka nu'n sualin mi pai a' tiin suala piang (Eden natna neia piang) a nihzia a sawi hial a ni. Mihringa piang chhuak tawh phawt chuan a vei a ni. Chatuana thihna a la ni zui leh ta nghal a.
Mahse, he eden natna erawh hi chuan damdawi a nei hlauh thung a. Chu a damdawi chu Isua Krista a ni.
_Ani chuan kan natnate phurin, kan lungngaihnate pawh a phur ngei a;_ ...
_a vuakna vualtea tihdamin kan awm ta_
Chu kan pianpui natna, Eden bawhchhiatna avanga natna kan neih, kan dampui zawh loh tur leh chatuana kan boral pui ngei ngei tur laka kan dam nan chuan Isua a rawn inpe a. Chu natna chu min phurhsak ta vek a nih chu. Kan natnate a phur a, chu sual avanga kan lungngaihna pawh min hnehsak ta. Kan nat ai zawng zawng a na a, Eden natna hrikin min ei chhiat tur zawng zawng ai Isuaah bel a ni a, bawhchhiatna avanga kan mawhphurhna pawh Isua'n min hlensak ta a ni. Chumi ring duhte tan chuan chatuana damna a awm ta a ni. Chu damna Isua, kan aia eden natna rawn thihpuitu avang chuan Eden natna avangin kan thi tawh lo vang. Chatuana dam hlen tawh turin Isua chu ka rin ve thung mai kha a lo tawk a ni.
Covid-19 aia natna hlauhawm eden natna laka min chhantu leh min tidamtu hian he hri lêng mek, kan hlauh em em virus lakah pawh hian min tidam thei tih ka hria. Tihdamna dang awm lo natna laka min chhandam theih chuan virus te tak te lakah chuan min va chhan thei dawn tehlul em.
*Ka ring ang che, Lalpa*
*I rinawm vangin*
Comments
Post a Comment