[04/04, 10:40 pm] laldingnghetasailo: *Isua chu Lal a ni*
Tumkau ni kan lo thleng leh ta a. Kum danga he nî kan hman dan nen erawh a inang ta lo hle mai. Kum dangah chuan Lal Isua chawimawi nan naupang leh puitling pawh a remchang apiangin khawlaiah Lal Isua lal a nihna puangchhuakin chawimawina hla kan au chhuahpui ṭhin a nih kha. Kuminah erawh chuan kan tihdan kan danglam a ngai ta a. Pathian remruatna ṭha zawkah pawh ngai ila a ṭha awm e.
Isua'n khawvêla rawng a bawl chhung khân mihringte chawimawina vawikhat a dawng ve a. Chu chu 'ropui taka Jerusalema a luh* chauh kha a ni. Lal a ni a, nimahsela Lal a nih kha khawvêl khân a hre lo va. Lal a nihna angin chawimawi a ni ngai lo va. Kum 30 emaw awrh chauh khawvêlah a awm a. Kum 3 emaw vel rawng a bawl a. Khawvêla a cham hun kum 30 chuang emaw chhung khân vawikhat chiah Lal a nihna avanga chawimawi a hlawh a ni. Lal ve ta si chu chawimawina a dawng lo hle mai.
Khawvêl lalte chuan an mite aṭangin zahna leh chawimawina an dawng awl lo va, zahna chibai an inbuk ṭhak ṭhak reng mai a ni ngai a. Kan Lal Isua ve erawh zawng, chawimawina a va dawng tlem tehlul em.
A khawvêl hun hman chhung chauh kha ni lovin keini a zuitute pawh hian kan chawimawi tawk zo lo hle mai. Nimahsela a hun laia mite kha Judate an ni a, an sakhaw dan avang khan Isua kha Lalah an pawm chiah lo va, a âwm ve rêng kan ti thei tho mai.
Keini Isua hi Lal a ni tih hretute zawk hian Lal a nihna ang hian kan chawimawi ṭhin chiah em le? Chawimawina tih hian eng emaw hlan leh Jerusalema a luh nia kawng an zawhpui ang khan kan ti vek thei tawh kher lo ang. Nimahsela, Lal chuan a mite hnenah thu a nei a, a miten a thu an zawm ṭhat hian an lal chu an chawimawi a ni mai. Kan nun hmanga amah kan chawimawina hi Isua pawhin a duh ber a ni ngei ang.
Vawiinah hian kan ngaihtuahna ṭheuh seng thar leh ila ka duh hle mai. Tunlaiin Covid-19 boruak leng velah leh tun BJP sorkar hnuah Kristiante nekchepna lam hawia kan ni pawimawh taka thil eng emaw tih tur ruahmanna a lo awm ṭhin a. Hêngte hi kan duh lovin tam tak chuan Krista lalna ram nekchepnaah kan ngai ṭhin a nih hi. Kan thin pawh a rim hle zel a, a dik a ni. Krista lalram ṭhiaha a awm hi kan hlau a ni ve mai.
Nimahsela, ka sawi duh zawk tak chu Kristian (Krista zuitu) intite nunah zawk hian Krista hi a lal tak tak em tih hi a ni. Kristian ni lo, Krista zuitu ni lo chuan a chawimawi lo vang a, a lalram zauh pawh a hlau hle tur a ni. Nimahsela, keini Amah (Isua) zuitu intite nunah hian Pathian ram a thleng mawhin a zau mawh em em a. A Lalna hi a lang hlei thei lo ṭhin hi a va buaithlak ṭhin em.
Kan thinlungah hian khawvêl thil tam tak ten Krista lalna hi an chhuh a, Krista zuitu inti si hian a lalna erawh a lang tlem hle si. He nun tak mai hi vawiina Krista lalna leh chawimawina kan hlan nîah hian hlan thar leh ila, thlak danglam ila. Kan zui Lal Isua hi lo lal thar leh sela a va duhawm êm.
Lal chu a lalna hmunah chuan a thu ber a, a khua leh tuite chuan a thu an zawmin an ngaichang ṭhin. Keini hi van khua leh tui nihna neitu kan ni a, chuta roreltu chu kan Lal Isua hi a ni. Lalin a khua leh tuia thuneihna nena ro a rel ang hian Isua hian a duh danin (keimahni duh dan ni lo vin) ro rel rawh se. Isua'n a thua ro a rel theihna hmunah chuan chawimawi a hlawh ang. Chu ngei chu a tan Lal ram a ni ang.
Kan ni tin nunah, midangte nen kan inkarah te, kohhrana rawng ka bawlnaah te, chhungkua kan inenkawlna kawngah te, sorkar hna leh ni tina eizawnna ka dapna kawngah te hian Isua avangin rinawm leh dik takin, tlawmna, remna leh huaisenna te nen thawk ṭhin ila zawng Isua chawimawi nana ka kâ ka àn fo leh chawimawi tum chawp ngai lo hian Isua hi ni tinin kan nun hmang hian chawimawi a ni ang a, Isua chu lal a nihzia kan puang chhuak reng ni mai tur.
Vawiin aṭang hian Isua lalna nun, Isua lalna thinlung neitu nih i tum ṭheuh ang u.
Tumkau nî chibai vek ule.
Tumkau ni kan lo thleng leh ta a. Kum danga he nî kan hman dan nen erawh a inang ta lo hle mai. Kum dangah chuan Lal Isua chawimawi nan naupang leh puitling pawh a remchang apiangin khawlaiah Lal Isua lal a nihna puangchhuakin chawimawina hla kan au chhuahpui ṭhin a nih kha. Kuminah erawh chuan kan tihdan kan danglam a ngai ta a. Pathian remruatna ṭha zawkah pawh ngai ila a ṭha awm e.
Isua'n khawvêla rawng a bawl chhung khân mihringte chawimawina vawikhat a dawng ve a. Chu chu 'ropui taka Jerusalema a luh* chauh kha a ni. Lal a ni a, nimahsela Lal a nih kha khawvêl khân a hre lo va. Lal a nihna angin chawimawi a ni ngai lo va. Kum 30 emaw awrh chauh khawvêlah a awm a. Kum 3 emaw vel rawng a bawl a. Khawvêla a cham hun kum 30 chuang emaw chhung khân vawikhat chiah Lal a nihna avanga chawimawi a hlawh a ni. Lal ve ta si chu chawimawina a dawng lo hle mai.
Khawvêl lalte chuan an mite aṭangin zahna leh chawimawina an dawng awl lo va, zahna chibai an inbuk ṭhak ṭhak reng mai a ni ngai a. Kan Lal Isua ve erawh zawng, chawimawina a va dawng tlem tehlul em.
A khawvêl hun hman chhung chauh kha ni lovin keini a zuitute pawh hian kan chawimawi tawk zo lo hle mai. Nimahsela a hun laia mite kha Judate an ni a, an sakhaw dan avang khan Isua kha Lalah an pawm chiah lo va, a âwm ve rêng kan ti thei tho mai.
Keini Isua hi Lal a ni tih hretute zawk hian Lal a nihna ang hian kan chawimawi ṭhin chiah em le? Chawimawina tih hian eng emaw hlan leh Jerusalema a luh nia kawng an zawhpui ang khan kan ti vek thei tawh kher lo ang. Nimahsela, Lal chuan a mite hnenah thu a nei a, a miten a thu an zawm ṭhat hian an lal chu an chawimawi a ni mai. Kan nun hmanga amah kan chawimawina hi Isua pawhin a duh ber a ni ngei ang.
Vawiinah hian kan ngaihtuahna ṭheuh seng thar leh ila ka duh hle mai. Tunlaiin Covid-19 boruak leng velah leh tun BJP sorkar hnuah Kristiante nekchepna lam hawia kan ni pawimawh taka thil eng emaw tih tur ruahmanna a lo awm ṭhin a. Hêngte hi kan duh lovin tam tak chuan Krista lalna ram nekchepnaah kan ngai ṭhin a nih hi. Kan thin pawh a rim hle zel a, a dik a ni. Krista lalram ṭhiaha a awm hi kan hlau a ni ve mai.
Nimahsela, ka sawi duh zawk tak chu Kristian (Krista zuitu) intite nunah zawk hian Krista hi a lal tak tak em tih hi a ni. Kristian ni lo, Krista zuitu ni lo chuan a chawimawi lo vang a, a lalram zauh pawh a hlau hle tur a ni. Nimahsela, keini Amah (Isua) zuitu intite nunah hian Pathian ram a thleng mawhin a zau mawh em em a. A Lalna hi a lang hlei thei lo ṭhin hi a va buaithlak ṭhin em.
Kan thinlungah hian khawvêl thil tam tak ten Krista lalna hi an chhuh a, Krista zuitu inti si hian a lalna erawh a lang tlem hle si. He nun tak mai hi vawiina Krista lalna leh chawimawina kan hlan nîah hian hlan thar leh ila, thlak danglam ila. Kan zui Lal Isua hi lo lal thar leh sela a va duhawm êm.
Lal chu a lalna hmunah chuan a thu ber a, a khua leh tuite chuan a thu an zawmin an ngaichang ṭhin. Keini hi van khua leh tui nihna neitu kan ni a, chuta roreltu chu kan Lal Isua hi a ni. Lalin a khua leh tuia thuneihna nena ro a rel ang hian Isua hian a duh danin (keimahni duh dan ni lo vin) ro rel rawh se. Isua'n a thua ro a rel theihna hmunah chuan chawimawi a hlawh ang. Chu ngei chu a tan Lal ram a ni ang.
Kan ni tin nunah, midangte nen kan inkarah te, kohhrana rawng ka bawlnaah te, chhungkua kan inenkawlna kawngah te, sorkar hna leh ni tina eizawnna ka dapna kawngah te hian Isua avangin rinawm leh dik takin, tlawmna, remna leh huaisenna te nen thawk ṭhin ila zawng Isua chawimawi nana ka kâ ka àn fo leh chawimawi tum chawp ngai lo hian Isua hi ni tinin kan nun hmang hian chawimawi a ni ang a, Isua chu lal a nihzia kan puang chhuak reng ni mai tur.
Vawiin aṭang hian Isua lalna nun, Isua lalna thinlung neitu nih i tum ṭheuh ang u.
Tumkau nî chibai vek ule.
Comments
Post a Comment