*I tana tling lo, Tlingi*
Tukina ka harh veleha ka rilrua lo awm nghal chu tu lehkhathawn emaw ni a, word play nalh ang reng tak *I tana tling lo, Tlingi,* tih hi zuk ni mauh a.
Ka rilruah Pathian thu a rawn awm zui nghal a. Chu thu chu Johana 15:16(a) thu, *"Nangnin mi thlang lo, keiman ka thlang zawk che u,"* tih kha a ni.
Nimin khan Pro. Pastor Orientation kan han ṭan ve chu a nia. A tir bera kan thu ngaihthlak aṭang khân sit namên lo hian ka insit nghal a. Kei hi Pastor ni tur hian ka tling lo tulh tulhin ka inhria a, ka huphurh telh telh a, a zah hialte pawh ka zak ta ngawih ngawih mai a nih chu.
Pastor nihna te, an hna te, an dinhmun tur kan han ngaithla tak tak chu ka zak chem chem a, *"Lalpa, ka tling lo,"* tih bâk sawi tur ka nei lo. Ka inhmu tling lo satliah a ni lova, ka tling lo tak zet a ni.
Ni, Lalpa rawngbawl tur hian tlinna ka lo nei reng reng lo alawm maw le. Ka tlinna tur awm ang ka han ngaihtuah ve a, chûng chu a tla fai vek. Ka tlinpui zo lo fai vek a, han chhuan tur lam ka hre lo, zahna tur hlir mai a ni.
Nimahsela, heti hian tukin chu ka ngaihtuah chhuak leh ta hlawl mai a. Ka tlin vanga he hnaah hian tling tur ka lo ni lova, he hna hi ka thlan avanga thawk tura thlan ka ni hek lo.
*Min thlangtu hian min thlang miau va, ka tlin vang ni lova khawngaihnaa min tihtlin miau si avanga thawk tur chauh ka lo ni si a.* Kei hi chuan Lalpa rawngbawl tak tak ai chuan thil dang hi ka thlang fê zawk a, a behbàwm tam tak hi ka thlang niin ka hre ta. Mahse, he thu hian min vaw harh nawn leh ta, *Nangnin mi thlang lo, keiman ka thlang zawk che u,* tih hian.
Tunah chuan, hei hi ka ṭawngṭaina tawp dan tur a ni fo tawh ang, *"I tana tling lo, Tlingi,"* tih hi.
_Lalpa, i rawngbawla min ko hi,_
_Hriain, sual, chak lohna phuar vel hi;_
_Hlau leh khurin, beiseinain_
_Ṭawmkai lo leh bawlhhlawh, puih ngai,_
_I chakna ringin ka lo kal e._
Tukina ka harh veleha ka rilrua lo awm nghal chu tu lehkhathawn emaw ni a, word play nalh ang reng tak *I tana tling lo, Tlingi,* tih hi zuk ni mauh a.
Ka rilruah Pathian thu a rawn awm zui nghal a. Chu thu chu Johana 15:16(a) thu, *"Nangnin mi thlang lo, keiman ka thlang zawk che u,"* tih kha a ni.
Nimin khan Pro. Pastor Orientation kan han ṭan ve chu a nia. A tir bera kan thu ngaihthlak aṭang khân sit namên lo hian ka insit nghal a. Kei hi Pastor ni tur hian ka tling lo tulh tulhin ka inhria a, ka huphurh telh telh a, a zah hialte pawh ka zak ta ngawih ngawih mai a nih chu.
Pastor nihna te, an hna te, an dinhmun tur kan han ngaithla tak tak chu ka zak chem chem a, *"Lalpa, ka tling lo,"* tih bâk sawi tur ka nei lo. Ka inhmu tling lo satliah a ni lova, ka tling lo tak zet a ni.
Ni, Lalpa rawngbawl tur hian tlinna ka lo nei reng reng lo alawm maw le. Ka tlinna tur awm ang ka han ngaihtuah ve a, chûng chu a tla fai vek. Ka tlinpui zo lo fai vek a, han chhuan tur lam ka hre lo, zahna tur hlir mai a ni.
Nimahsela, heti hian tukin chu ka ngaihtuah chhuak leh ta hlawl mai a. Ka tlin vanga he hnaah hian tling tur ka lo ni lova, he hna hi ka thlan avanga thawk tura thlan ka ni hek lo.
*Min thlangtu hian min thlang miau va, ka tlin vang ni lova khawngaihnaa min tihtlin miau si avanga thawk tur chauh ka lo ni si a.* Kei hi chuan Lalpa rawngbawl tak tak ai chuan thil dang hi ka thlang fê zawk a, a behbàwm tam tak hi ka thlang niin ka hre ta. Mahse, he thu hian min vaw harh nawn leh ta, *Nangnin mi thlang lo, keiman ka thlang zawk che u,* tih hian.
Tunah chuan, hei hi ka ṭawngṭaina tawp dan tur a ni fo tawh ang, *"I tana tling lo, Tlingi,"* tih hi.
_Lalpa, i rawngbawla min ko hi,_
_Hriain, sual, chak lohna phuar vel hi;_
_Hlau leh khurin, beiseinain_
_Ṭawmkai lo leh bawlhhlawh, puih ngai,_
_I chakna ringin ka lo kal e._
Comments
Post a Comment